NINITAK 2:17 - Susula Malalaok Hehelu Palak Ma Hehelu Beuk

¹⁷ Ba'eneu see fo ana hapu namanene soona, ela leo bee na ana taoafik neu hata fo Manetualain Dula Dale na nafa'dan neu hataholi kamahehele nala! Sila fo manasengi kala, neukose Au po'i fes la'a loti manna fo nananafuni ka, ma esa-esak neukose ana sipo batu fulak esa neme Au mai. Nai batu ndia, nanasulak na'de beuk esa fo esa boeo ta bubulu kana fa, ka'da hataholi mana sipo nana.”

NINITAK 2:17 Iomraidhean Croise

MAZMUR 25:14

Manetualain nde been-na, hataholi kamahehelek-ka tia-lain, nafa'da dudu'a-aafin neus.

MAZMUR 36:8

Ou Manetualain, O susue-lalaim ba'un-na seli, hataholi daebafak-ka nasulu-nahapa nai O li'da susuem-ma dalek.

KELUARAN 16:33

Musa nafa'da Harun nae, “Ho'i-ma uledae esa, fo tao manna fafa'kama kilo dua leo dalek neu, fo makatetenen neu Manetualain matan-na, fo ata pe'dan soaneu ita tititi-nonosin.”

AMSAL 14:10

Namahokok ma dale he'dik-ka, nanape'dak nai dalek-ka dalek; de hataholi fe'ek, ta hapu name'da nita fan.

AMSAL 3:32

Nana, Manetualain ta hii hataholi manatao tatao-nono'i mangalauk-ka fa, tehu Ana dalek esa no hataholi fo so'dan-na ndoos.

YESAYA 56:4

Manetualain nafa'das nae, “Metema, emi taoafik neu fai Sabat-ta, metema emi lilineka neu Au hala-hehelung-nga, ma tao hata fo, nandaa no Au daleng-nga,

YESAYA 56:5

soona neukose, o na'dem-ma, nananafandendelek nai Au Umang dale, ma nai Au leoinang dale. Ndia malole lena neme, o manuu ana touk ma anainak. Au fe emi na'dek fo, manaketu basa taak-ka, fo neukose, ta nananafandele henik fa.”

YESAYA 62:2

Hai Yerusalem, leoinak-kala, lita o sesengim-ma, mane-manek-kala mete o matua-mademam. Neukose loke o, nenik na'de beuk, fo Manetualain nde fe na'dek ndia.

YESAYA 65:13

Te'e-te'e, hataholi fo manasene-do'ok neu Au-a, neukose na'a, tehu emi mamala'a. Neukose ala linu, tehu emi maa ma'da. Neukose ala lamahoko-setelee, tehu emi hapu mamaek.

YESAYA 65:15

Au hataholi heheleng-ngala, neukose ala pake emi na'dem-ma, da'di leo soo-supak lae: ‘Ela leo been-na, Manetualain Fo Mademaina, taonisa emi, sama leo sila!’ Tehu hataholi fo, manatunga neu Au-a, neukose Au fen na'de beuk.

MATEOS 13:11

Boema Yesus nataa nae, “Nana Manetualain fe basa emi baba'e-babati malole, soaneu emi malelak bibila-babaak la'eneu tao leo beek fo Manetualain paleta, tehu sila soona ta.

MARKUS 7:16

Da'di, makanaema emi madi'idok soona, mamanene leona.]”

YOHANIS 4:32

Tehu Yesus naes nae, “Au nana'a-nininung lai ia so, tehu emi ta bubulu kana fa.”

1 KORINTUS 2:14

Hataholi fo Manetualain Dula Dale na beita nai dalen dale fa, ana ta sipok hata fo Dula Dalek ndia nafa'da ka fa. Nana ba'eneu hataholi ndia, dede'a nggoak basa sila la. Hataholi sila la ta lalela kana fa, nana dede'ak sila la hataholi a bubulu kana ninik ka'da dede'a samane ka.

KOLOSE 3:3

Nanahu emi mate basa so de, emi so'da ma nananafunik sama-sama no Kristus, nai Manetualain dalek.

NINITAK 14:3

Nai kandela mane ka matan ma mahahae kaha kala boema lasi-lasik manai kandela ndia boboa-kaisun, hataholi lifun natun esa hahuluha sila la lakamee nakamee beuk esa. Ta hapu hataholi esa boen nalelak nakameek ndia fa, ka'da hataholi lifun natun esa hahuluha ila la lalela kana. Hataholi sila nanasoi-tefa basak neme basa laun manai daebafa ka lala'ena mai so.

NINITAK 19:16

Nai ba'du manalu na, ma nai puu na nanasulak na'de ka nde ia, “Manek nai basa manek lala'ena.”

NINITAK 2:11

Ba'eneu see fo ana hapu namanene soona, ela leo bee na ana taoafik neu hata fo Manetualain Dula Dale na nafadan neu hataholi kamahehele nala! Sila fo manasengi kala, neukose ala ta doidoso hata-hata makandondook neme mamate kadua mai fa.”

NINITAK 2:7

Ba'eneu see fo ana hapu namanene soona, ela leo bee na ana taoafik neu hata fo Manetualain Dula Dale na nafa'dan neu salani nala! Sila fo manasengi kala, neukose Au fes loak la'a ai boak neme ai huu maso'da ka fo ana moli nai Manetualain Osin dale.”

NINITAK 3:22

Ba'eneu see fo ana hapu namanene soona, ela leo bee na ana taoafik neu hata fo Manetualain Dula Dale na nafa'dan neu hataholi kamahehele nala!”

NINITAK 3:6

Ba'eneu see fo hapu namanene soona, ela leo bee na ana taoafik neu hata fo Manetualain Dula Dale na nafa'dan neu hataholi kamahehele nala.”