NINITAK 2:14 - Susula Malalaok Hehelu Palak Ma Hehelu Beuk

¹⁴ Leomae leondiak boe, fo Au ta hiin nai emi dalek fa nde: Hapu hataholi nggelok nai emi dalek, ala tunga hata fo Bileam nanoli ka. Bileam nanoli Balak eno na tao leo beek fo tu'u hataholi Israe la leo sala-singo ka dalek leu, fo nde ninik ana fufu'di-oo'dos fo la'a nana'ak fo ala fe basan neu sosongo-tatango ka ma ala tao tatao-nono'i manasosoa-piao kala.

NINITAK 2:14 Iomraidhean Croise

YESAYA 57:14

Nggelok lafa'da lae, “Tao, ma sadia enok ba'eneu Au anang-ngala, soliheok basa mana mapanggenggek lala'en-na.”

YEREMIA 6:21

Neukose, Au tao-a hataholi ia-la lakatunu, fo ala tu'u leu. Neukose amak-ka, ma anak-ka, tia-laik ma uma titia-tataik-kala, basa-basas mopo-mate.”

YESKIAL 3:20

Metema hataholi malole esa, ana tao sala-singok, fo Au fen nasasalematak no soe-a, de neukose maten, te metema o beita fen nasanene'dak fa. Neukose ana mate, nanahu sala-singon, de naukose Au ta afandele tatao-nono'i malolen-nala fa. Tehu neukose Au oke natataak neme o mai, la'eneu hataholi ndia mamaten-na.

YESKIAL 44:12

Tehu, hu kande ala tao feta fo, sene-do'ok neu sosongo-tatangok, soaneu leoina Israel-la, de no enok ndia, ala loso leoina Israel-la, leo sala-singok dale leu, de Au, Manetualain Fo Mademaina soo, ae sila muse nanahukuk.

BILANGAN 24:14

Boema Bileam nafa'da Balak nae, “Besak ia, au sanga fali leo au leoinang u. Tehu au beita la'o fa te, malole lenak au afa'da Tuan, la'eneu hata fo, nai fai makabuin, leoina Israel-la taon soaneu Tuan leoinan.”

BILANGAN 31:16

Ade inak sila-la, ta nde tunga Bileam nanoli-nafa'dan, de nalosa ala fufu'di-oodok hataholi Israel-la neme Peor, fo ala boso lilineka neu Manetualain hetu? De ndia nde neni soe neu Manetualain anan-nala!

BILANGAN 31:8

fo Midian mane ka liman-nala lai dalek boe. Mane ka limak sila-la nde: Ewi, Rekem, Zur, hur ma Reba. Ala taolisa Bileam, fo Beor anan-na boe.

MATEOS 18:7

Soe matua ina ba'eneu daebafak ia, nanahu dede'a-dede'ak fo mana tao na hataholi a nasala-nasingo a. Memak basa dede'ak matak leo sila kala, neukose hapu tataas esa, tehu soe ba'eneu hataholi fo mana tao-no'i nana!

HATAHOLI 15:29

boso mi'a nana'ak fo ala fen neu sosongo-tatangok; boso mi'a paa daa, boso mi'a bana nanafule nisak paa na, ma madook ao ma neme sosoa-piao ka mai. Metema emi madook ao ma neme basa dede'ak sila la mai soona, emi tao-no'i tatao-nono'im malole ndia so. Ba'u ka'da ndia. So'da-molek ba'eneu emi!”

HATAHOLI 21:25

Tehu la'eneu hataholi ta Yahudi kamahehele basa kala soona, ami haitua fes susula nakeketu ka nae, ta bole la'a nana'ak fo ala fen neu sosongo-tatangok, ta bole la'a paa daa, ta bole la'a bana nanafule nisak paa na; ma ala ta bole sosoa-piao fa.”

ROMA 11:9

Dauk boeo nafa'da nae, “Neme na fo, feta-dote nala da'di hihi'ik seluk neu aoina nala, boema da'di bolok fo da'di mamanak soaneu ala tu'da leo dalek leu fo lakalulutuk!

ROMA 14:13

Hu ndia de ita esa boso sanga esa sala na. Te sanga enok fo daenga boso no emi tatao-nono'im fo emi tolanoom fo namahehelek esa ana tu'da leo sala-singo ka dalek leu.

ROMA 14:21

Malolelenak boso mi'a paa do minu angol do tao ka'da su'di bee ka, metema dede'ak ndia ta nini fe tolanook fo namahehelek esa, nasala-nasingo.

ROMA 9:32

Te tao le'e de, ala ta hapu buna-boan fa? Nana ala tao dede'ak ndia ta tunga namahehelek neu Manetualai na fa te, tunga ka'da sila hihii-nanau mesa nala. Boema ala tu'da de lakatunu neu “Batu Nakatutunu ka.”

1 KORINTUS 1:23

Tehu ita ia ka'da tui-benga Kristus, fo manamatek nai ai nggangek lai na. Tutuik ndia, ana tao na hataholi Yahudi la lamanasa, ma hataholi ta Yahudi la lafa'da lae, tutui bafa louk basa sila la.

1 KORINTUS 7:2

Tehu fo ela ana boso hapu dudungu-papauk soaneu tao dede'ak fo ta kandaa kala, malole lenak tou kala esa-esak masaoinak ma ina kala esa-esak masaotouk.

IBRANI 13:4

Basa hataholi lala'ena, muse latu'du heo-hilu ha'da-holomata soaneu uma lo a, hu ndia de ela leo bee na saotou saoinak, esa lilineka nahele no esa. Hataholi mana sosoa-piao ka ma manahohonge ka, neukose Manetualain naketu-nala'dis.

YOSUA 24:9

Boema Moab manen-na, fo nde Balak, fo Zipor anan-na, la'ban emi. Nadenu hataholi neu leo Bileam, fo Beor anan-na, de noke, fo daenga Bileam soo-supa emi.

1 PETRUS 2:8

ma “Batu ndia, nde tao na hataholi a nakatunu, boema ala tu'u leu.” Hataholi sila lakatunu nana, ta lamahele Manetualain dede'a-kokolan fa. Manetualain naketu basa hataholi sila la, leondiak so.

2 PETRUS 2:15

Hu ka nde ala ta nau tunga eno ndo sa fa de, ala la'ok sala. Ala la'ok tunga enok fo makahulu na, Bileam fo Beor ana na, eno-dalan. Bileam ia, nahiik nanseli, ana hapu doik neme tatao-nono'i mangalau na mai.

YUDAS 1:11

Soe ba'eneu sila. Ala tunga Kaen eno na so. Hu doi ka, de ala la'ok tunga eno masala ka, sama leo Bileam. Ma sila boeo, nanatao nakalulutuk, nanahu ala sanga musu sama leo Korah.

NINITAK 2:20

Tehu Au akamu-akadau hata esa nai emi dalek fo nde: Emi tao dalek neu Izebel, inak fo ana manaku aoina na Manetualain hataholi nadedenun ndia. Ana tipu-dai na Au atang ba'u ka so, ma anolis fo ala hohonge ma la'a nana'ak fo nanafe basak neu sosongo-tatango ka.

NINITAK 2:4

Tehu hapu hata esa nai emi dalek fo Au akamu-akadaun: Emi ta sue-lai Au so'on sama leo makasososa na.

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”

NINITAK 22:15

Tehu hataholi fo manatao dede'a manggenggeo kala, manapake malela makahatu kala, hataholi manatao tatao-nono'i sosoa-piao kala, hataholi kanisa kala, manasongo-tango kala, ma hataholi masapepeko-masandandalik, nau ninik dede'a-kokolak, do ninik tatao-nono'ik boe, basa hataholi sila la mamana nala nai kota ndia deak.