NINITAK 2:10 - Susula Malalaok Hehelu Palak Ma Hehelu Beuk

¹⁰ Boso bii neu doidosok fo ta doo ka soo'on te emi muse la'ola'din. Mafandendelek, te neukose Nitu tao emi nggelok leo bui dale neu soaneu emi nanaso'ba-su'dik. Neukose emi doidoso faik sanahulu dale na. Ela leo bee na emi lilineka neu Au losa mate, soona neukose Au fe emi so'da matetu ka ma manaketu basa ta ka da'dileo bua palsen sesengik.

NINITAK 2:10 Iomraidhean Croise

MAZMUR 31:23

Nai au napangamang-nga dalek, au aedaenga, Manetualain tu'u-tapa heni au, neme matan-na mai so. Tehu Ana namanene au dokodoeng-nga, nai lelek au aloo bou-bou neun.

DANIAL 1:12

“So'ba su'dik ami faik sanahulu dalen-na; fe ami mi'a ka'da aidoo ma minu oe mesak-kana.

DANIAL 1:14

Boema manamanea ndia nakaheik, de ana so'ba-sudik-kana, faik sanahulu dalen-na.

HABAKUK 2:3

Sulak-ma, dede'ak ndia, nana besak ia fain-na beita losa fa. Tehu faik ndia ana losa lai-lai, ma hata fo Au afa'dan neu o ndia, neukose tao leo bee-o ana da'di. Leomae meten soona bei dook-ka, tehu ka'da mahani! Neukose tao leo bee-o faik ndia ana mai, ma neukose ta nakamama'ak so'on.

MATEOS 10:22

Neukose basa hataholi la lakamuu-lakadau emi, nanahu Au ana mana tungang emi. Tehu hataholi fo nakatatakak losa mate'e na, neukose ana hapu so'da ka.

MATEOS 10:28

Boso bii neu hataholi kanisa ao paa ka, nana sila ta lanuu koasa, fo tao lisa samane ka fa. Bii neu ka'da Manetualain, fo nanuu koasa taonisa la'iesak emi ao paa samanem nai tasi ha'ik dale.

MATEOS 24:13

Tehu hataholi fo nakatatakak losa mate'e na, neukose ana hapu so'dak.

MARKUS 13:13

Neukose basa hataholi la lakamu-lakadau emi nana Au ana mana tungang emi. Tehu ba'eneu hataholi fo nakatatakak losa mate'e na, neukose ana hapu maso'da ka.”

MARKUS 8:35

Nana hataholi fo ana nau ho'u nahele so'da na, neukose namopo so'da na. Tehu hataholi fo ana tunu-hotu so'da na soaneu Au, ma soaneu Hala Malole fo neme Manetualain mai soona, neukose ana hapu so'da na.

LUKAS 21:12

Tehu basa sila la ala beita da'di fa te, neukose emi nanaho'uk ma nanafepa-li'uk. Neukose laketu-lala'di emi nai uma mamaso kala dalek, ma nanataok leo bui dale neu. Ma neukose ala lele'a-loloso emi leo mane kala ma mana koasa la matan meu, hu ka nde Au ana manatungang emi.

YOHANIS 12:25

Hataholi manasue-lai maso'da na, neukose namopo maso'da na. Tehu hataholi fo namopo maso'da na nai daebafak ia, neukose nakaboboi maso'da na, soaneu maso'da matetu ka ma manaketu basa ta ka.

YOHANIS 13:2

Yesus no ana manatunga nala bei la'a-linu le'odaek, te nitu nadai basa dudu'a mangalau ka nai Yudas fo Simon Iskariot ana na dalen dale, fo sue ka nde ana ke'dindiu Yesus.

YOHANIS 13:27

Yudas sipo na loti ndia tutika nitu masok leo dalen dale neu. Boema Yesus nafa'dan nae, “O sanga tao beek soona, taon lai-lai leona.”

HATAHOLI 20:24

Tehu au ta afaduli au so'dang ia fa, sa'di au tao akababasak bela-ba'uk fo Lamatuak Yesus fen neu au a, ma sa'di au lilineka losa au so'da mate'e nga, fo daenga au tui-benga Hala Malole la'eneu Manetualain susue-lalai na.

HATAHOLI 21:13

Tehu Paulus nae, “Sosoak hata tolanoo kala kii leoiak, de nalosa emi tao ma au dale nga nakalulutuk? Au sadia basa, ta ka'da soaneu ala ho'u au nai naa fa, te au sadia basa soaneu au mate hu ka nde Lamatuak Yesus.”

1 KORINTUS 9:25

Hataholi fo bei nai nanoli ka dalek, nakatatakak aoina na nai basa dede'ak lala'ena dalek. Ana tao leondiak, nana ana hii ala bokolii bunga sesengi ka neu botolii na, fo nde bunga manamale lai-lai ka. Tehu ita ia soona, takatatakak aoina tala neme basa dede'ak lala'ena mai, nana ita hii nanabokoliik ninik bunga fo neukose ana ta male lai-lai fa.

EFESUS 2:2

Nai lelek ndia, emi tunga ha'da-tatao daebafak ia; fo dede'ak ndia sosoa na nae, emi tunga mana koasa lalai a no daebafa maloa, fo nde dula dalek fo besak ia, ala koasa la hataholi fo ta lamahele neu Manetualai na, dale nala.

EFESUS 6:12

Nanahu ita ta ulepo'de soaneu laban hataholi daebafak fa, tehu ita laban be'ibalakaik maneme basa nitu mana koasa nai le'do fai mangalauk ia lala'ena. Ita la'ban dula dale manga lauk fo mana koasa nai lalai ma daebafa ka, be'ibalakain.

YAKOBIS 1:12

Maua-manalek ba'eneu hataholi fo nakatatakak na dale na, nai lelek fo ana la'oladi sosoba-susu'di ka. Nana metema, nala sosoba-susu'dik ndia deak soona, neukose ana sipo nggadi na, fo nde maso'dak fo Manetualain helu basan neu hataholi mana sue-lai nana.

1 PETRUS 5:4

Soona mahani te, neu faik fo Mana Foo-lolo Matua Ina ndia Ana mai soona, neukose emi sipo ti'ilanga mandela-masa'a ka, fo ndela-sa'an ta kou mosa fa.

1 PETRUS 5:8

Ela leo bee na, emi manea ma mahehele ao mala! Nanahu Nitu a nde bee na, emi musu noo ma. Nitu ndia sama leo meo asu a, fo ana la'ok neu mai ma nangao sanga nana'a na.

NINITAK 13:14

Basa hataholi fo laso'da nai daebafa ka, bana ndia ke'dindiu nalas ninik manda'di beuk fo ana taon nai bana makasososak ndia mata na. Ma nadenu basa-basas fo lapadedeik la ai batu nanadokik esa neme bana nanatati nahinak ninik tafaina so, tehu naso'da nahele ndia.

NINITAK 13:2

Bana fo au itak ndia, lupa na sama leo meoasu kokoto ka, ma ei na sama leo bana esa na'de beruang ei na, ma nggonggolo na sama leo singa nggonggolo na. Boema naga fe balakai na, kandela mane na, ma koasa matuaina na, neu bana ndia.

NINITAK 13:7

Ala fen loak fo laban Manetualain hataholi kamahehele nala boe, boema ana sengis. Ma ala fen koasa basa leoana kala, nusaina la, dede'a kala, ma leoina la.

NINITAK 17:14

Neukose latati lo Bi'ilopo Ana ndia. Tehu Bi'ilopo Ana ma ana manatunga manalilinekan fo nanatao nananalo basak ma nanahelek sila la, neukose ala sengi manek sila la. Nana Ndia nde Lamatuak neu basa tuan lala'ena, ma Manek neu basa manek lala'ena.”

NINITAK 2:13

Au bubuluk emi leo nai bee, fo nde nai mamanak fo Nitu paleta. Tehu emi lilineka mahele neu Au. Nakalenak lelek Antipas, Au sakasiing fo mana lilinekak ndia, nanataonisak nai emi matam nai Nitu mamana leleo na, emi ta malelesi mae emi mamahele neu Au fa.

NINITAK 2:9

Au bubuluk basa emi toto'a-tataa mala. Au bubuluk emi nuu ta-hata ta kala, tehu tunga doo na emi kamasu'ik! Au bubuluk kalaak pepekoko kala soaneu emi neme hataholi fo ana manaku aoina hataholi Yahudi, te se'ko na ta. Sila nde bee na Nitu hataholi kamahehelen!