NINITAK 19:12 - Susula Malalaok Hehelu Palak Ma Hehelu Beuk

¹² Mata na sama leo ha'i pila ka, ma Ana pake bulamolik makadotok nai langa na. Na'dek esa nanasulak nai aoina na, fo ka'da ndia mesa kana nde nalelak na'dek ndia.

NINITAK 19:12 Iomraidhean Croise

KEJADIAN 32:29

Boema Yakob nae, “Tuan mafa'da na'dem-ma dei.” Tehu hataholi ndia nataa nae, “Ta paluu o matane, au na'de see fa!” Boema, Ana ba'e-pala Yakob.

MAZMUR 8:5

see hataholi daebafak ndia, de nalosa O makaboboin?

KELUARAN 23:21

Taoafik neun, fo tungan. Boso la'ban-nana, nanahu Au hataholi nadedenung ndia, de neukose ana ta fe do'o do ampon neu emi la'o lenam-ma fa.

AMSAL 30:4

Hataholi see-ka, kae-kona hai nusa so'dak-ka so? Ana nafanggete hai anin-na neme liman dale, ma ana poti oe nai ba'dun dale, do naketu daebafak-ka, too-lanen so do beik? See ndia, ma anan-na nde see? Tao leo bee-o, o bubuluk-kana!”

KIDUNG AGUNG 3:11

Kalua leon, hai anafe'oana Sion-nala lemin, mete mitak Mane Salomo no bulamolik fo inan taon neu langan-na, nai faik ana ka'bing-nga, nai faik fo namahoko-setelee.

YESAYA 62:3

O da'di sama leo ti'ilanga manek mana'ahiik nai o Manetualain-na liman-na.

YESAYA 9:6

Ana paleta da'di leo manek fo Dauk tititi-nonosin, koasan-na matuaina nanseli Nusan-na mole-dame, tetu-temak tataas esa; paletan-na nangatuuk nai hoholo-lalanek, ndoos ma matetuk lain, neme besak ia, ma losa dodoon-na. Tao leo bee-o, Manetualain Fo Manakoasa nakalala'ok-kana.

DANIAL 10:6

Aon-na nangale'do sama leo poemata, mata-panan mangale'don-na sama leo ndela'sa mangale'don-na, ma matan-na pila lo'a-lo'a sama leo ha'i-a. Alun-na ma ein-na nangale'do sama leo liti nanalosek-ka, ma halan-na nene'nen soona sama leo hataholi makadotok halan-na.

ZAKHARIA 9:16

Metema, faik ndia losa soona, neukose Manetualain soi-tefa anan-nala, sama leo manafoo-a, ana soi-tefa bi'ilopon-na neme soe dale mai. Neukose langale'do nai Manetualain daen-na, sama leo bulamolik poemata mangadilak-ka.

MATEOS 11:27

Boema Yesus kokolak seluk nae, “Basa hata lala'ena, Ama fe basan neu Au so. Ta hapu hataholi esa boen hapu nalelak Ana ka, ta'da fe'e Ama ka. Ma ta hapu hataholi esa boen, hapu nalelak Ama ka, ta'da fe'e Ana ka, ma hataholi-hataholi fo lalelak Ama ka tunga Ana ka.

MATEOS 21:5

“Mafa'da Sion mae, emi Mane ma Ana mai so, te Ana beita losa fa. Dale na dale taidaek, ma Ana sa'e keledei esa, fo keledei ana esa.”

MATEOS 28:18

Boema Yesus neu nangatuuk deka nos de nafa'das nae, “Basa koasa manai nusa so'da ka ma manai daebafa ka nanafe basak neu Au so.

LUKAS 10:22

Basa hata lala'ena, Ama fe basan neu Au so. Ta hapu hataholi esa boen nalelak Ana ka, ka'da Ama ka mesa kana. Ta hapu hataholi esa boen nalelak Ama ka, ka'da Ana ka mesa kana, ma neu hataholi see fo Ana ka fe Ama ka nalela kana.”

YOHANIS 17:11

Besak ia, Au mai leo Ama ka mai. Au ta leo nai daebafa ka so'on, tehu sila bei leo lai daebafa ka. Amak fo malalao ka! Maneas minik Ama ka na'de mana koasa na, fo Ama ka fe basa Au na'dek ndia so, fo ela sila da'di esa sama leo Ama ka ma Au boeo da'di esa.

YOHANIS 17:12

Nai lelek fo Au bei akabubua o sala, Au aneas ninik Ama ka na'de manakoasa na so, na'dek fo Ama ka fen neu Au. Au aneas, de ta mopo-mate esa boen, ta'da fe'e ba'eneu see fo memak tunga matetu na, sila manamopo-mate basa kala so, fo ela no enok ndia, hata fo nanasulak nai Susula Malalaok dale, ana da'di leona.

EFESUS 1:21

Kristus nangatutuun ndia, dema lenaheni basa mana paleta lala'e na, basa mana koasa lala'ena, basa mauli-malangan lala'ena, basa malangan lala'e na, ma su'di see fo, ana hapu nangatutuu madema lala'e na; nau mana maso'dak nai le'do fai besak ia, do nai le'do fai mana mai ka boe.

IBRANI 2:9

Tehu ita tita basa Yesus koasa so! Ndia nananakadada'dik nai ata nusa so'da kala dae faa anak, soaneu fai keke'u anak esa mesa kana, fo ela no Manetualain dale malole na, fo Ana hapu mate soaneu basa hataholi daebafa ka lala'ena. Besak ia, ita tita Manetualain fen nangatutuu mandela-masa'ak, ma nanafe ha'da-holomata, nanahu Ana doidoso basa losa maten.

NINITAK 1:14

Langa doo na fulak sama leo bi'ilopo bulu na, do fulak sama leo a'ba sa. Mata na pila lo'a-lo'a sama leo ha'i a;

NINITAK 12:3

Boema hata matabeuk esa seluk da'di nai lalai. Hapu naga pilas esa matuaina nanseli, fo nanuu langak hitu, ma susulak sanahulu. Langan esa soona, ana pake bulamolik esa.

NINITAK 13:1

Basa boema, au ita bana esa kalua neme tasi dale mai. Bana ndia susulan sanahulu, ma langan hitu. Susulan esa soona, hapu bulamolik esa, ma nai langan sila la esa-esak, nanasulak na'de nakamumulu-nakamamaek esa soaneu Manetualain.

NINITAK 19:16

Nai ba'du manalu na, ma nai puu na nanasulak na'de ka nde ia, “Manek nai basa manek lala'ena.”

NINITAK 3:12

Hataholi manasengi ka, neukose Au taon da'dileo dii nai Au Manetualai nga Uma Malalaon dale, ma neukose ana leo nai mamanak ndia losa dodo na. Au Manetualaing na'de na ma kota na na'de na, fo nde Yerusalem Beu ka, neukose kona neme nusa so'da ka neme Au Manetualaing mai, fo neukose Au sula kana neu hataholi ndia aoina na. Au na'de beu nga boeo, neukose Au sula kana neu aoina na!”

NINITAK 6:2

Boema au ita tete'e ka hapu ndala fulak esa. Manasa'e nana, ana ho'u kokouk esa, ma ala fen bulamolik esa. Ana kalua nasale leo daebafa ka da'dileo manasengik fo neukose ana sengi musu nala.

HAKIM-HAKIM 13:18

Manetualain ata nusa so'dak ndia natane nae, “Tao le'e de, o nau bubuluk au na'deng-nga? Au na'deng ndia, na'de matabeuk.”