NINITAK 18:1 - Susula Malalaok Hehelu Palak Ma Hehelu Beuk

¹ Basa ndia boema, au ita ata nusa so'da fe'ek esa kona neme nusa so'da ka mai. Ata nusa so'dak ndia koasa na ba'u na seli, de nalosa ndela-sa'an tao na basa daebafa ka lala'ena da'di mangale'dok.

NINITAK 18:1 Iomraidhean Croise

YESKIAL 43:2

de nai ndia nde, au ita managale'do-ka, nangale'do neme dulu mai, fo ta'du-tana la'eneu Israel Manetualain mamain-na. Manetualain halan-na, nananamanenek sama leo tasi maloaina nangguu, ma daebafak-ka mangale'dok, nanahu Manetualain mangale'don-na.

LUKAS 17:24

Sama na leo ndela sa nandela nai lalai, fo nasa'a neme pedak leo pedak neu soona, mahani te Ana Hataholi ka heheo-hihilun nai fai mamai na leondiak boe.

2 TESALONIKA 2:8

besa ka Hataholi Mangalauk ndia nananitak. Tehu metema Lamatuak Yesus mai soona, Ana taonisa Hataholi Mangalauk ndia, ninik ani hahae na. Ma neukose nanatao nakalulutuk ninik Lamatua ka mamai mandela-masa'a na.

NINITAK 10:1

Boema au ita ata nusa so'da kahelek fe'ek esa, ana kona neme nusa so'da ka mai. Ko'a sa poti nan ma elus esa feo na langa na. Mata panan nahaa sama leo le'do a, ma ei na sama leo dii ha'i ka.

NINITAK 17:1

Basa ndia boema, hataholi esa neme ata nusa so'da kahituk mana ho'u nggalaa susa-soe kahituk sila la, ana mai de nafa'da au nae, “Mai, fo au atu'du o, tao leo beek fo manasosoa piao matuaina ndia nanahukuk. Kota ndia nde kota matuaina fo manadekak no lee la ndia.

NINITAK 17:7

Boema ata nusa so'dak ndia nafa'da au nae, “Tao le'e de o bafam poo-poo? Malole lenak au afa'da o inak ndia bibila-babaan ma bana fo ana sa'e nana bibila-babaan, fo nde bana fo nanuu langak hitu ma susulak sanahulu.

NINITAK 21:23

Kota ndia ta paluu hapu mangale'dok neme le'do haa na do bula ka mai fa, nana Manetualain ndela-sa'an, nandela-nasa'a nan ma Bi'ilopo Ana ndia nde bee na kota ndia banu na.