NINITAK 17:3 - Susula Malalaok Hehelu Palak Ma Hehelu Beuk

³ Boema Manetualain Dula Dale na koasa na au, de ata nusa so'dak ndia no au leo mo maloa neu. Nai naa, au ita inak esa nangatuuk nai bana pila balanggeok esa lain, ma ala sulak lahenu ao na ninik na'de nakamumulu-nakamamaek neu Manetualain. Bana ndia langan hitu, ma susulan sanahulu.

NINITAK 17:3 Iomraidhean Croise

1RAJA-RAJA 18:12

Metema au la'o eme ia mai soona, neukose Manetualain Dula dalen-na fafa'kama no Ama leo mamanak fo au ta bubuluk-kana fa! Ma metema au afa'da Ahab-pae Ama nai ia, fo ta natongon-no Ama fa soona, taoleo bee o neukose ana taonisa au. Fo ela Ama bubuluk, te au ia te'e-te'e hule-haladoi neu Manetualain neme au bei anang-nga mai!

2RAJA-RAJA 2:16

ma lae, “Ami hataholi 50, balakaik mesa-mesan. Hu ndia de, mai fo, ata teu sanga o tuam Elia. Te fafa'kama, Manetualain Duladalen-na, non leo letek, do bafak neu, de Ana la'o elan neme ndia.” Boema, Elisa nataa nae, “Nemen-na!”

KIDUNG AGUNG 8:5

See manamaik neme moo solokaek-ka mai ndia, nasalai dean-na neu inaana susuen-na? Au fafae afo'a o nai ai apel-la huun-na, nai mamanak fo o nananailuk ma nanabongik.

YESKIAL 11:24

Nai ninitak ndia dalek, au ita Manetualain Duladalen-na, ana so'u-na au, de no falik au leo hataholi nanatu'u-tapak manai Babel-la neu. Basa boema, ninitak ndia, mopok-kana.

YESKIAL 3:12

Boema, Manetualain Duladalen-na, ana so'u-na au, de au amanene halak-ka, nanggulu nai au deang-nga nae, “Koa-kio Manetualain manai nusa so'dak-ka, mandela-masa'an!”

YESKIAL 8:3

Ana look hatak esa mai, lupan-na sama leo limak-ka, boema Ana lu'i au langadoong-nga. Basa boema, nai ninitak ndia dalek, Manetualain Duladalen-na, ana so'u namadema au leo lalai neu, de noo au leo Manetualain Uman-na nai Yerusalem, fo leo lelesu masok leo uma so'dan manai dalek-ka neu; lelesu ndia, nasale leo kii neu. Nai ndia, hapu dodoki-dudula sosongo-tatangok fo manatao nafo'a Manetualain nasa melun-na.

DANIAL 11:36

Neukose manek nusak kii-a, ana tao tunga ka'da dale hihiin-na. Neukose no koao-ndaeaok, nafa'da nae, ndia ba'ulena lamatua daebafak lala'en-na, nakalenak ndia boeo, ba'ulena Manetualain Fo Mademaina. Neukose ana bisa tao leondiak, losa Manetualain nasa-melun nate'e. Nana hata fo Manetualain naketu basan, muse nakahuluk nanatao natetuk dei.

DANIAL 7:20

Boeo au hii bubuluk la'eneu susula ka 10-n manai langan-na, ma la'eneu susula anak fo ana moli nakabuik, boema ana fe'a heni susulak 3 neme susula makasososak-kala mai ndia. Susula anak ndia mamatak ma mabafak, fo ana kokolak dede'a me'i-afek no koao-ndaeaok. Ndia nakatata'u lena heni susula fe'ek sila-la.

DANIAL 7:25

Neukose ana kokolak la'ban Manetualain Fo Mademaina, ma ana tuni-ndeni Manetualain anan-nala. Neukose ana sanga enok, fo ana nggati heni hoholo-lalanek, ma Manetualain anan-nala agama-na fai malolen-nala, ma neukose ana koasas teuk telu seselik.

DANIAL 7:8

Lelek au bei taoafik neu susulan-nala te, no kaiboik susula fe'ek esa moli nai susulan sila-la tala'da. Susulak ndia anak-ka, tehu ana hapu seseti ma ana fe'a heni susulak 3 neme susula makasososak-kala mai. Susula anak ndia nanuu matak sama leo hataholi-a matan-na, ma bafan-na kokolak dede'a me'i-afek no koao-ndaeaok.

MATEOS 27:28

Ala o'du heni Yesus bua-lo'an, de ala fen pake ba'du manalu kabeli ina esa pila balanggeok.

HATAHOLI 8:39

Lelek ala kalua leme oe dale mai, boema Manetualain Dula Dale na no heok Felipus de nalosa pegawi matua-madema fo maneme Etiopia ndia ta nita Felipus so'on. Pegawi matua-madema ndia la'ok nakandoo no namahokok.

2 TESALONIKA 2:4

Ma neukose ana laban Manetualain, ma ana manaku nae, ndia nanuu koasa, lenaheni basa dula dale mangalauk fo, hataholi daebafa ka sene-do'o kasa. Lena-lenak, neukose nangatuuk neu Lamatua ka Uman dale fo nafa'da nae, Manetualain nde ndia.

NINITAK 1:10

Nai Lamatua ka fai na, Manetualain Dula Dale na koasa na au, boema au amanene halak matuaina kokolak nai au dea nga sama leo pupuu ka lii na.

NINITAK 12:14

Tehu ala fe inak ndia manupui kaka'ka li'da matuainan dua, fo ela ana laa leo mamana na nai mo maloa. Mamanak fo nai bee lakaboboin teuk telu seselik, fo daenga naga ndia boso boe tao nahe'di bain.

NINITAK 12:3

Boema hata matabeuk esa seluk da'di nai lalai. Hapu naga pilas esa matuaina nanseli, fo nanuu langak hitu, ma susulak sanahulu. Langan esa soona, ana pake bulamolik esa.

NINITAK 12:6

Boema inak ndia nalai leo mo maloa neu, leo mamanak fo Manetualain sadia basan ba'eneun. Inak ndia nananakaboboik faik lifun esa natun dua nehulu dale na nai mamanak ndia.

NINITAK 17:18

Inak fo o mitak ndia nde kota matuaina, fo ana paleta mane-manek manai daebafa ka.”

NINITAK 17:4

Inak ndia pake ba'du momo'do kunik ma pilabalanggeok, boema nanabalias ninik lilopilas, poemata, ma mutiara. Ana ho'u mango lilopilas esa nai lima dale henuk no dede'a manggengeok fo buna-boak neme sosoa-piaon mai.

NINITAK 18:12

Ta hapu hataholi asa sila lilopilan, lilofulan, poemata, ma mutiara nala so'on. Leondiak boe, sila tema fula mangadila nala, tema pila balanggeok, tema sutra, ma tema pila sangadelak, basa ai mata-matak fo kikisa ka de'i fo hapun, bua-lo'as fo nanataok neme ngga'di dui mai, ma neme ai kabeli kala, neme liti, besi, ma neme batu mangadila ka mai;

NINITAK 18:16

boema lae, “Awii, susa-soen ba'una seli ba'eneu kota nananita nalelak ia! Biasa na ana pake bua-lo'a fula mangadilak, tema pila balanggeok, ma tema pila sangadelak. Biasa na ao na henuk no lilopilas, poemata ma mutiara!

NINITAK 21:10

Boema Manetualain Dula Dale na koasa na au, de ata nusa so'dak ndia no au leo lete mademaina esa poi na. Natu'du au kota malalaok Yerusalem, fo ana kona neme nusa so'da ka mai fo neme Manetualain mai,

NINITAK 4:2

Tutika Manetualain Dula Dale na koasa na au. Boema au ita nai nusa so'da ka hapu kandela manek esa, ma hataholi esa nangatuuk nai kandela manek ndia lain.