NINITAK 17:1 - Susula Malalaok Hehelu Palak Ma Hehelu Beuk

¹ Basa ndia boema, hataholi esa neme ata nusa so'da kahituk mana ho'u nggalaa susa-soe kahituk sila la, ana mai de nafa'da au nae, “Mai, fo au atu'du o, tao leo beek fo manasosoa piao matuaina ndia nanahukuk. Kota ndia nde kota matuaina fo manadekak no lee la ndia.

NINITAK 17:1 Iomraidhean Croise

YESAYA 1:21

Kota fo makahulun-na ana lilineka, besak ia sama leo ina manasosoa-piaok-ka! Makahulun-na laun-nala ndoos ma matetuk, ma ta lasapepeko-lasandandali fa, tehu besak ia, kanisak-kala leo lai dalek.

YESAYA 57:3

Tehu emi fo, manatao sala-singok-kala, mai leona, fo nananaketu-nala'dik! Emi ta malole lena neme, hataholi manapake mo'do-akidook-ka, hataholi fo, ana nau hohonge, ma manasosoa-piaok-ka mai fa!

YEREMIA 2:20

Manetualain nafa'da nae, “Dook-ka so, o ta nau da'di ata neu Au fa; o ta nau tunga, do sene-do'ok neu au fa. Nai pupuku mademaina-la esa-esak lain, ma nai aihuuina-la esa-esak huun-na, o sene-do'ok neu lamatua daebafak, fo manafe dae-a nalole.

YEREMIA 51:13

Nusak ndia henuk no su'i-betes ma lee-la ba'uk, tehu fai so'dan-nala basan so; fai mamate-mamopo mate'en-na losa so.

YESKIAL 31:4

Lee-la tao lan namatua, tasi maloaina, ana tao nan, namadema; ndia tao-na lee-a, ana faa okofefeok huun-na; ma oelolok-kala, ala faa leo basa ai manai mook-ka lala'en-na.

LUKAS 24:32

Boema esa kokolak no esa nae, “Ade ita ta tamahoko tanseli nai lelek fo Ana kokolak no ita neme eno tala'dak, ma nai lelek fo nafa'da mangalele'do Susula Malalao ka isi liin neu ita ndia fa hetu?”

LUKAS 9:30

Boema no kaiboboianak hataholi dua fo nde Musa ma Elia mai latu'du ao nala no mandela-masa'ak neme nusa so'da ka mai. Ala kokolak lo Yesus la'eneu mamate na fo ta doo ka so'on te, neukose Ana la'ola'din nai Yerusalem.

NINITAK 1:1

Susulak ia isi na la'eneu hata fo Yesus Kristus nafa'dan la'eneu basa manda'dik fo neukose ala dadi. Manetualain nafa'da Kristus fo ela natu'dun Manetualain ata nala hata fo no lai-laik muse ana dadi. Kristus nadenu ata nusa so'da na neu leo Yohanis fo ata na fo nafa'dan manda'dik sila la.

NINITAK 15:1

Basa boema, au ita nai lalai hata matabeuk esa ba'u na seli. Boema ata nusa so'dak hitu lo susa-soe hitu, fo susa-soe mate'e kala. Ia nde la'i mate'e na Manetualain po'aheni nasa-melun.

NINITAK 16:19

Kota matuaina ndia heaba'en neu baba'ek telu, ma basa nusaina manai daebafa ka, kota nala boeo lakalulutuk. Boema Manetualain nafandele na Babel fo kota matuaina ndia. Manetualain fen ninu angol neme Ndia nggalaa na mai – fo nde angol nasa-melun manalua ponu-ponu na.

NINITAK 18:1

Basa ndia boema, au ita ata nusa so'da fe'ek esa kona neme nusa so'da ka mai. Ata nusa so'dak ndia koasa na ba'u na seli, de nalosa ndela-sa'an tao na basa daebafa ka lala'ena da'di mangale'dok.

NINITAK 19:2

Nakeketu na tunga ka'da ndo na, ma manatee tenok. Naketu basa huhukuk soaneu manasosoa-piao matuaina, fo manatao nalutu daebafa ka ninik sosoa-piaon. Manetualain huku basa manasosoa-piaok ndia, nana ana taonisa Manetualain ata nala.”

NINITAK 19:9

Boema ata nusa so'dak ndia nafa'da au nae, “Sulak-ma dede'ak ia la leona: ‘Maua-manalek neu hataholi, fo nanakaik leo Bi'ilopo Ana ndia feta ka'bi nga neu.’ ” Basa boema ata nusa so'dak ndia kokolak selu kana nae, “Ia nde hala tete'ek neme Manetualain mai.”

NINITAK 21:15

Ata nusa so'dak fo manakokolak no au ndia, nanuu aitete'e uukuk neme lilopila sa mai soaneu ana uku kota ndia lelesu inanala, ma tembo ka.

NINITAK 21:9

Esa neme ata nusa so'da kahituk fomana ho'u nggalaas fo henuk no susa-soe mate'e kahitu kala, ana mai de nafa'da au nae, “Mai leona! Neukose Au atu'du o Penganten, fo Bi'ilopo Ana saoina na.”

NINITAK 4:1

Basa ndia boema, au ita seluk ninitak esa. Au ita lelesu esa natahuka nai nusa so'da ka. Basa boema au amanene seluk halak fo nai makasoso na ana kokolak basa no au sama leo pupuu ka lii na. Halak ndia nae, “Mai, kae leoia mai. Neukose Au atu'du o hata fo mahani te neukose ana da'di.”