NINITAK 14:7 - Susula Malalaok Hehelu Palak Ma Hehelu Beuk

⁷ Ata nusa so'dak ndia nalo bou-bou napane'e nae, “Bii neu Manetualain leona, ma koa-kio matua-mademan! Nana fai na losa soaneu Manetualain naketu-nala'di hataholi daebafa ka so. Sene-do'ok neu Ndia fo mana makadada'dik lalai a, daebafa ka, tasi a ma basa oemata lala'ena!”

NINITAK 14:7 Iomraidhean Croise

KEJADIAN 22:12

Manetualain kokolak tunga ata nusa so'dak ndia nae, “Boso tao mahe'di ni'iana ndia, do taon le'e esa boen. Besak ia, Au bubuluk, o fe ha'da-holomata, ma o tunga Au, nanahu, o nau fe o ana kisam-ma neu Au.”

NEHEMIA 9:6

Basa boema, laun Israel-la hule-haladoi lae, “O nde Manetualain, O nde Fo Ka'da Kisak; O makadada'dik nduuk ma lalai maloa lala'en-na, boeo tasi ma daebafak-ka no basa oe isin lala'en-na, boema O fe maso'dak ma O makaboboi, Basa koasa manai lalai lala'en-na, sene-do'ok neu O; ala lakatele neu O, ma sene-do'ok.

MAZMUR 115:15

Ela leo bee-na, Manetualain fo, manamakadada'dik lalai no daebafak-ka, Ana fe emi baba'e-papalak!

MAZMUR 124:8

Ita tutulu-fafalin, ana mai neme Manetualain fo, manamakadada'dik lalai no daebafak-ka.

MAZMUR 33:6

Manetualain fe paleta, boema lalai-a da'di; nakadada'dik le'do-a, bulak-ka ma nduuk-kala neme hala-kokolan mai.

MAZMUR 36:1

Soaneu mauli-malanga nakameek-ka. Neme Dauk, fo Manetualain atan-na.

MAZMUR 89:7

Nai lalai, ta hapu hata fo, sama leo O fa, ou Manetualain, ta hapu mahahaek nusa so'dak fo, sama leo O fa.

MAZMUR 95:5

Ana koasa tasi-a, nana Ndia nde nakadada'dik-kana, dae ma'dak-ka boeo, Ndia lima tataan.

KELUARAN 20:11

Nai faik nee dalen-na, Au, fo Manetualain, akadada'dik daebafak-ka, lalai-a, tasi-a no basa oe-isin lala'en-na, tehu neu fai ka hitun-na, Au hahaeaong. Hu ndia de, Au, fo Manetualain ba'e-pala fai Sabat-ta ma Au tao alalao-alalafun.

YESAYA 40:3

Hapu halak fo, naloo bou-bou nae, “Sadia enok nai moo solokaek-kala, ba'eneu Manetualain. Taom-matetu okofoo manai moo maloa, ba'eneu ita Manetualain-na!

YESAYA 40:6

Hapu halak nafa'da nae, “Tui-benga leona!” Au atane ae, “Au muse tui-benga beek?” “Tui-benga leona, mae hataholi daebafak-ka, sama leo na'u-a, sama leo bunga, fo lole-napun ka'da hatematak esa mesak-kana.

YESAYA 40:9

Kae leo lete madema lain meu, fo po'a-benga hala malole-a neu Yerusalem! Maloo bou-bou mapane'e, fo po'a-benga hala malole-a neu Sion! Mafa'da kota-kota manai Yehuda-la, mae sila Manetualain-na, neukose Ana mai!

YESAYA 42:12

Malole lenak, ala lamatutua-lamadedema Manetualain, ma taom-ma na'den-na nananita-nalelak, nai nusa dook-kala.

YESAYA 44:23

Hai lalai, mamahoko-setelee leona, hai dabafak-ka buin-na, mamahoko-setelee leona! Hai letek-kala lemin, mamahoko-setelee leona! Ma basa ai manai dalek-kala! Nana Manetualain natu'du basa matua-mademan nenik Ana soi-tefa-na anan Israel so.

YESAYA 58:1

Manetualain nafa'da nae, “Maloo mapane'e leona! Fo mafa'da sila sala-singon, neu Au anang-ngala.

YEREMIA 10:10

Tehu O, Manetualain, Manetualain fo matetuk-ka, Manetualain fo manafe so'dak-ka, Manek fo manaketu basa tak. Metema O mamanasa soona, daebafak-ka nanggengo, metema O nasam-ma lua soona leoina-la ta lakatatak fa. (

YESKIAL 7:2

“Hai, hataholi daebafak fo, manasapu-lalok-konei, Au, Manetualain Fo Mademaina, sanga afa'da dede'ak-ka nde ia la'e dae Israel-la: Tutuik ia nde been-na, tutuik la'eneu nusak ia, mate'en-na!”

YESKIAL 7:6

Besak ia, basa hata lala'en-na, nate'e so. De o fai mate'em-ma nde ia. Ta hapu namahehenak seluk, ba'eneu o so'on.

DANIAL 8:19

“Au sanga afa'da o hata fo neukose ana da'di nai fai makabuin, hu ka nde Manetualain nasa-melun. Nana o ninitam ndia, natu'du leo tepo-lelek mate'ek-ka neu.

HOSEA 8:1

Manetualain nafa'da nae, “puu pupuuk-ka, te soe-a mai! Musu sapun-na Au nusang-ngala, sama leo manupui balupua la'u manuana! Au anang-ngala, la'olena Au hehelu-balataang no sila, ma ala la'ban Au nanoling-ngala.

MALEAKHI 2:2

Fe ha'da-holomata neu Au nenik emi tatao-nono'im. Metema emi ta nau mamanene Au dede'a-kokolang fa soona, neukose Au soo-supa emi. Emi sipo basa baba'e-papalak-kala, neukose nasafali da'di soo-supak. Tete'ek-ka, Au soo-supa basa hata malole sila-la so, nanahu emi ta tao taoafik neu Au paletang-nga fa.

MATEOS 25:13

Boema Yesus kokolak nate'e nakandandaak ndia nae leo ia, “Hu ndia de manea leona, nanahu emi ta bubuluk fai na do li'u na fa.”

LUKAS 17:18

Tao le'e de ka'da hataholi manamai ia, ana fali ma'in fo noke makasi neu Manetualain?”

HATAHOLI 14:15

“Wei, te tao le'e de emi tao tataos ia? Ami ia hataholi daebafak sama leo emi boe! Ami nai ia nana, ami tui-benga Hala Malole ndia neu emi, fo ela emi tu'u-tapaheni emi tatao-nono'i sosoa-ndandaa tak ia, fo mai leo Manetualain fo maso'dak, ma mana makadada'dik lalai ma daebafa ka, boema tasi no oe isin lala'ena.

YOSUA 7:19

Yosua nafa'da Akhan nae, “Anang-ngonei, makaheik, fo mafa'da no mangale'dok nai ia, nai Manetualain fo Israel Manetualain-na matan, o taon beek so. Mafa'dan neu au, fo boso mafunin.”

1 PETRUS 4:7

Basa hata lala'e na sanga deka basan ia so, hu ndia de, ela leo bee na emi muse paleta ma ao ina mala ma manea, fo ela emi hapu loak soaneu hule-haladoi.

NINITAK 11:13

Boema nai lelek ndia, dae manggengo matuaina ana da'di. Kota ndia baba'ek esa neme baba'ek sanahulu nakalulutuk, de mate hataholi lifun hitu hu ka nde dae manggengok ndia. Hataholi fe'e kala bii lanseli, boema ala koa-kio Manetualain manai nusa so'da ka, matua-mademan.

NINITAK 11:18

Leoina la fo ta nalelak Lamatua ka, ala tao musu nana fai na losa O po'a O nasa-melum, ma fai na boeo losa O maketu-mala'di hataholi manamate kala. Fai na nde ia, soaneu fe nggadi neu O ata mala, nabi la, ma neu basa O hataholi kamahehele mala, fo nde basa hataholi fo ala hule-haladoi neu O, nau matua do ana boe. Ia nde fai na soaneu tao nakalulutuk hataholi-hataholi fo manatao nakalulutuk daebafa ka!”

NINITAK 15:4

See ka nde ta bii neu O fa Lamatuak? See ka nde ta nau tui-benga O matua-mademan fa? Ka'da O mesa ma nde malalaok. Basa leoina lala'ena neukose ala mai sene-do'ok neu O, nanahu O tatao-nono'im tunga matetu na, basa hataholi la litan so.”

NINITAK 16:9

Hataholi daebafa ka putus, hu ka nde le'do haa na, ma putu sila fo manasupa-soo Manetualain na'de na, Manetualain fo manakoasa susa-soe sila la. Leomae leondiak boe, ala ta nau tukatei-saledale leme sala-singo nala mai, ma ala ta nau koa-kio Manetualain matua-mademan fa.

NINITAK 18:10

Neukose lapadeik leme doo ka mai, nana ala bii sila la'e doi-doson. Lafa'da lae, “Awii, susa-soen ba'una seli ba'eneu kota Babel fo mabe'i-balakaik, kota fo nananita-nalelak ndia! Nai ka'da li'u esa mesa kana de o huhuku ma nananakalala'ok!”

NINITAK 18:17

Tehu nai ka'da li'u esa mesa kana de namopo basa su'i-beten sila la lala'ena!” Basa manaho'u ofak, penumpang, ma ofa isi la, boema basa hataholi fo tutunga-sasangan nai tasi a, lapadeik leme doo ka,

NINITAK 18:19

Boema ala sosonu daesopuk leo langa nala lain neu, da'dileo ta'du-tana fafaluk, boema ala kii-makaleleu, ma ala nggasi-nggasi mesan lae, “Awii, susa soen ba'una seli ba'eneu kota matuaina ia! Su'i-beten tao na basa hataholi fo nanuu ofak nai tasi lai, ala da'di lamasu'i! Tehu nai ka'da li'u esa mesa kana, de kota ndia namopo basa-basan lala'ena so!”

NINITAK 19:5

Boema au amaneme hala ka neme kandela manek ndia mai nae, “Emi muse koa-kio ita Manetualai na, emi basa-basa mala, ana ma matua, malalau-maoono ma manasene-do'o kana!”

NINITAK 4:11

“Ou, Lamatuak, ou ami Manetualaim! Ka'da O nde mandaa sipo kokoa-kikiok, ha'da-holomata, ma koasa. Nana O nde makadada'dik basa hata lala'ena, ma no O hihii-nanaum boe de basa hata lala'en sila la, ala da'di ma laso'da so.”

NINITAK 4:9

Mahahae kahak sila la lakamee nakamee kokoa-kikiok, ha'da-holomata, ma makasi neu Ndia fo nangatuuk nai kandela manek ndia lain, fo nde Ndia fo naso'da losa dodoo na. Ma nai lelek mahahaek sila lakamee soona,

NINITAK 8:10

Basa boema, ata nusa so'da katelu ana puu pupuu na, boema nduuk matuaina esa pila lo'a-lo'a sama leo obo la, ana tu'da neme lalai mai, boema ana tuni na lee la ma oe mata manai daebafa ka baba'ek esa neme baba'ek telu.

SEMUEL SUSULAK-KA ESAN-NA 6:5

Da'di, emi muse nana dulak neme peta-paek ma lafo fo nanataok neme lilopilas, manatao nalutu emi nusam-ma. No enok ndia, emi fe ha'da-holomata neu Israel Manetualain-na. Fafa'kama, neukose Ana hahae huku emi, ma emi lamatua daebafam-mala boema emi daem-ma.