NINITAK 13:6 - Susula Malalaok Hehelu Palak Ma Hehelu Beuk

⁶ Boema ana mulai nakamumulu-nakamamaek Manetualain ma Manetualain na'de na, leondiak boe Manetualain mamana leleo na, ma basa manaleo nai nusa so'da ka boeo, nakamumulu-nakamamae kasa.

NINITAK 13:6 Iomraidhean Croise

AYUB 3:1

Basa boema, Ayub mulai kokolak ma ana soo-supa fai bobongin-na nae,

MAZMUR 73:9

Ala lakamumulu-lakamamaek Manetualain nai nusa so'dak-ka, ma ala kokolak bafa louk, neu hataholi manai daebafak-ka,

DANIAL 11:36

Neukose manek nusak kii-a, ana tao tunga ka'da dale hihiin-na. Neukose no koao-ndaeaok, nafa'da nae, ndia ba'ulena lamatua daebafak lala'en-na, nakalenak ndia boeo, ba'ulena Manetualain Fo Mademaina. Neukose ana bisa tao leondiak, losa Manetualain nasa-melun nate'e. Nana hata fo Manetualain naketu basan, muse nakahuluk nanatao natetuk dei.

DANIAL 7:25

Neukose ana kokolak la'ban Manetualain Fo Mademaina, ma ana tuni-ndeni Manetualain anan-nala. Neukose ana sanga enok, fo ana nggati heni hoholo-lalanek, ma Manetualain anan-nala agama-na fai malolen-nala, ma neukose ana koasas teuk telu seselik.

DANIAL 7:8

Lelek au bei taoafik neu susulan-nala te, no kaiboik susula fe'ek esa moli nai susulan sila-la tala'da. Susulak ndia anak-ka, tehu ana hapu seseti ma ana fe'a heni susulak 3 neme susula makasososak-kala mai. Susula anak ndia nanuu matak sama leo hataholi-a matan-na, ma bafan-na kokolak dede'a me'i-afek no koao-ndaeaok.

MATEOS 12:34

Emi hataholi mangalauk, na tao leo bee fo emi hapu kokolak dede'a malole, metema emi hataholi mangalauk? Hata fo bafa ka kokola kana, ndia nde kalua neme dale ka mai!

MATEOS 15:19

Nanahu dudu'a-aafi mangalau ka da'di neme dale ka mai, fo ana tao na hataholi a nanisa, hohonge, sosoa-piao, namanako, fe sakasii pepekok ma nakasasa'ek dede'ak neu hataholi.

YOHANIS 1:14

Dede'a-kokola ka, Ana da'di hataholi daebafak, de Ana leo nai ita tala'da, boema ita tita matua-mademan so. Matua-mademan ndia, Ana sipo kana da'dileo Ama ka Ana kisa na. Tunga Anan ndia, de ita tita Manetualain, ma susue-lalain neu ita.

ROMA 3:13

Botolii koko'do nala bepoo, sama leo lates manapoo poo ka. Ala kokolak ka'da dede'a-kokola tipu-daik, ma lakamu-lakadau, sama leo menge malaso ka.

KOLOSE 1:19

Manetualain fe la'i esak koasa paletan neu Kristus,

KOLOSE 2:9

Nanahu basa Manetualain ha'da-tataon lala'e na, hapun nai Kristu sao paa hataholi daebafa na dalek.

IBRANI 9:2

Lapadedeik uma lopo esa nai uma mamaso ka mata na, de ala foin na'de Kama Malalaok. Nai ndia hapu mamanak soaneu pe'da banu ka ma mei no loti fo ala fen neu Manetualai na boe, nai Kama Malalaok ndia dalek.

IBRANI 9:24

Nana Kristus ta masok leo Kama Malalaok fo hataholi daebafak nde tao nana, ndia ka'da salaok esa neme Kama Malalao matetu ka mai. Kristus mesa kana nde masok leo nusa so'da ka neu; de besak ia, Ana nasasalematak no Manetualain, hu ka nde ita paluu na.

NINITAK 11:12

Basa boema, nabi kaduak sila la lamanene hala matuaina nalos neme nusa so'da ka mai nae, “Mai fo kae leo ia mai leona!” Boema ko'a sa poti na duas de ala kae leo nusa so'da ka leu neme musu nala matan mai.

NINITAK 12:12

Hu ndia de ela leo bee na nusa so'da ka no basa hata fo manaleo nai dale ka, lamahoko-setelee! Tehu soe ba'eneu daebafa ka ma tasi a, nana Nitu kona neu emi ninik nasa-melu matuaina na, nanahu ana bubuluk basa, fai na ela ka'da faa anak so.”

NINITAK 15:5

Basa ndia boema, au ita Manetualain Uman manai nusa so'da ka natahuka, de au ita Manetualain Uma Lopo na nai dalek.

NINITAK 18:20

Hai nusa so'dak! Mamahoko-setelee neu kota ndia nakalulutu na! Hai Manetualain hataholi kamahehele nala, hataholi nadedenu kala, nabi-nabi la, mamahoko-setelee leona! Nana Manetualain hukun da'dileo babalak neu hata fo ana tao-no'in neu emi!

NINITAK 21:3

Boema au amanene hala ka neme kandela manek ndia nalo bou-bou napane'e nae, “Besak ia Manetualain mamana leleo na nde bee na nakabubua no hataholi daebafa ka! Neukose naso'da nos, ma neukose ala da'di Manetualain hataholi kamahehelen. Neukose Manetualain nde leo nos, ma Ana da'di sila Manetualai na.

NINITAK 4:1

Basa ndia boema, au ita seluk ninitak esa. Au ita lelesu esa natahuka nai nusa so'da ka. Basa boema au amanene seluk halak fo nai makasoso na ana kokolak basa no au sama leo pupuu ka lii na. Halak ndia nae, “Mai, kae leoia mai. Neukose Au atu'du o hata fo mahani te neukose ana da'di.”

NINITAK 4:4

Nai kandela manek ndia boboa kaisun, hapu kandela mane fe'ek duahulu. Lasi kaduahuluha kala langatuuk lai ndia, fo bua-papake nala fulak, ma ala pake bulamoli lilopilas.

NINITAK 5:13

Boema au amanene basa mahahaek manai lalai, manai daebafa ka, manai daebafa ka bui na, manai tasi dale la lakamee. Dede'a keke'u na, basa mahahaek manai daebafa maloa ia lae, “Ndia fo nangatuuk nai kandela manek lain ma Bi'ilopo Ana ndia, nde bee na, nanakoak-nanakiok, ma maha'da-holomata boema matua-madema ma manakoasa losa dodoo na!”

NINITAK 7:15

Hu ndia de, lapadeik lai Manetualain kandela mane na mata na fo ala koa-kion lele'do-le'odaen nai Manetualain Uman dale. Ma Ndia fo nangatuuk nai kandela manek ndia lai na, neukose Ana mai fo nasulu-nahapas.

NINITAK 7:9

Basa ndia boema au mete seluk, boema au ita hataholi makadotok nanseli. Ta hapu hataholi esa boen hapu leke na dede'u nala fa. Hataholi sila la nde bee na leme basa leoina mata-mata kala, leoanak, nusaina, ma dede'a-dede'a kala mai. No ala pake ba'du manalu fulak ma ho'u ai palem ndanak nai lima nala, hataholi makadotok sila la lapadeik lasasale matak lo kandela mane ka ma lasasale matak lo Bi'ilopo Ana ndia.