NINITAK 13:4 - Susula Malalaok Hehelu Palak Ma Hehelu Beuk

⁴ Sila basa-basas lamatutua-lamadedema naga ndia, nanahu ana fe basa be'ibalakain neu bana ndia so. Ala sene do'ok neu bana ndia boema lae, “Ta hapu mabe'i-balakaik sama leo bana ndia fa. Ta hapu esa boen bisa sengi fan!”

NINITAK 13:4 Iomraidhean Croise

KELUARAN 15:11

Lamatua daebafak beek-ka nde hapu nakasusu'dik no O, ou Manetualain Fo Mandela-masa'ak ma malalao-malalafuk? See kande hapu tao manada'dibeuk-kala ma tatao-nono'i matuaina sama leo Manetualain?

YESAYA 46:5

Emi nau makasasamak Au o see? Ade hapu hata fo, sama no Au do?

2 KORINTUS 4:4

Nitu lalais fo manakoasa daebafak ia, nde babaa ketu hataholi kamahehele tak sila la dudu'a-aafin. Ndia nde napanggengge sala, fo ela ala ta lita mangale'dok maneme Hala Malole la'eneu Kristus matua-mademan, fo nalupa Manetualain dula na.

ULANGAN 9:2

Hataholin-nala, ao matuaina, ma balakain-na seli; hataholi ao matua ma ei madema sila, de emi mamanene basa, lae ta hapu hataholi esa boen, bisa la'ban hataholi sila fa.

2 TESALONIKA 2:4

Ma neukose ana laban Manetualain, ma ana manaku nae, ndia nanuu koasa, lenaheni basa dula dale mangalauk fo, hataholi daebafa ka sene-do'o kasa. Lena-lenak, neukose nangatuuk neu Lamatua ka Uman dale fo nafa'da nae, Manetualain nde ndia.

NINITAK 12:3

Boema hata matabeuk esa seluk da'di nai lalai. Hapu naga pilas esa matuaina nanseli, fo nanuu langak hitu, ma susulak sanahulu. Langan esa soona, ana pake bulamolik esa.

NINITAK 12:4

Nduuk manai lalai la ba'en neu telu soona, ana lele'a-loloso baba'ek esa ninik iko na fo ana tapas leo daebafa ka mai. Naga ndia napadeik nai inak fo ana sanga bongi ndia mata na fo sue ka nde, metema inak ndia bongi soona, ana ko'do na ana na.

NINITAK 13:11

Boema au ita bana fe'ek esa ana kalua neme daebafa ka bui na mai. Bana ndia susulan dua sama leo bi'ilopo ana susula na. Ma hala na sama leo naga hala na.

NINITAK 13:15

Manetualain fe bana kadua tao naso'da bana makasososa ka lupa ao nanadoki dula na, nalosa lupa aok nanadoki dulak ndia kokolak nalelak de nadenu fo tao lisa hataholi fo ana ta nau sene-do'o kana.

NINITAK 13:2

Bana fo au itak ndia, lupa na sama leo meoasu kokoto ka, ma ei na sama leo bana esa na'de beruang ei na, ma nggonggolo na sama leo singa nggonggolo na. Boema naga fe balakai na, kandela mane na, ma koasa matuaina na, neu bana ndia.

NINITAK 17:14

Neukose latati lo Bi'ilopo Ana ndia. Tehu Bi'ilopo Ana ma ana manatunga manalilinekan fo nanatao nananalo basak ma nanahelek sila la, neukose ala sengi manek sila la. Nana Ndia nde Lamatuak neu basa tuan lala'ena, ma Manek neu basa manek lala'ena.”

NINITAK 18:18

ma nggasi nai lelek lita ha'imasu ka namasu neme ha'i fo mana'a kota ndia. Lalo bebou lae, “Beita hapu kota fe'ek sama leo kota matuaina ia fa!”

NINITAK 9:20

Tehu ela hataholi fo susa soe katelu kala ta taolisa fas ala, ala ta nau hahae tao batu sosongo-tatangok. Ala ta hahae sene-do'ok neu dula dale mangalau kala ma songo-tango lilopilas, lilofulak, liti, batu ma ai, fo ta hapu lita do lamanene, do la'ok boen.

SEMUEL SUSULAK-KA ESAN-NA 17:24

Hataholi Israel-la lita Goliat no kaiboik boema, lalai no bibiik nanseli.