NINITAK 13:10 - Susula Malalaok Hehelu Palak Ma Hehelu Beuk

¹⁰ “Hataholi fo muse nanatahan soona, tao leo beeo neukose nanatahan. Ma hataholi fo muse nanataonisak ninik tafaina soona, tao leo beeo neukose nanataonisak ninik tafaina. Hu ndia de, Manetualain hataholi kamahehele nala muse lakatatakak ma lilineka.”

NINITAK 13:10 Iomraidhean Croise

YESAYA 14:2

Neukose leoina makadotok ala tulu-fali leoina Israel-la, fo ala fali leo nusak fo Manetualain fen neu sila, de neukose leoina ndia, ana da'di ata neu Israel. Neukose Israel foo hataholi fo ala foo hai Israel-so, ma ana paleta hataholi fo ala tuni-ndeni hain so.

YESAYA 26:21

Neukose Manetualain kona neme mamana leleon-na, nai nusa so'dak-ka, fo Ana huku laun manai daebafak-ka, nanahu sila sala-singon-nala. Kanisak fo, ala taon no nafufunik-ka, neukose nanabubuluk. Dae-a ta poti ketu hataholi nanatao nisak-ka so'on.

YESAYA 33:1

Soe ba'eneu ita musun-nala! Ala lamanako, leomae nako ta namanako sila fa, ma lalelesi, leomae hataholi ta nalelesi sila fa. Tehu lamanako ma lalelesi basa soona, neukose nakodaa namanakos, ma malelesik-ka, nalelesis.

YEREMIA 15:2

Metema ala latane neu o lae, sila muse leu leo bee leu, soona matas mae leoia, ‘Manetualain nafa'da nae, fo nananaketu basak soaneu maten nanahunamahe'di soona nemena fo maten nanahu he'di-laus. Fo nananaketu basak soaneu mate nai netee-natatik-ka dalek soona, nemena fo maten nai natee-natatik dalek. Fo nananaketu basak soaneu maten nanahu la'a-ndoes-sa soona, nemena fo maten nai la'a-ndoes-sa dalek! Fo nananaketu basak soaneu nanafook, nemena fo nanafua nenik da'di leo nanafook-ka!’

YEREMIA 43:11

Neukose Nebukadnezar mai fo ana tao nakala Masir. Ma hataholi fo manaketu basa taak soaneu maten nanahu he'di-laus matuaina. Sila fo nananaketu basak soaneu nananok da'dileo nanafoo nenik soona, neukose nananok da'di leo nanafoo nenik, ma sila nananaketu basak soaneu mates nai natee-natatik-ka dalek soona, neukose mates nai atee-natatik-ka dalek.

RATAPAN 3:26

Da'di, malole lenak ata tahani no nee-nee lino-linok losa Manetualain Ana mai fo fe tutulu-fafalik;

HABAKUK 2:3

Sulak-ma, dede'ak ndia, nana besak ia fain-na beita losa fa. Tehu faik ndia ana losa lai-lai, ma hata fo Au afa'dan neu o ndia, neukose tao leo bee-o ana da'di. Leomae meten soona bei dook-ka, tehu ka'da mahani! Neukose tao leo bee-o faik ndia ana mai, ma neukose ta nakamama'ak so'on.

MATEOS 26:52

Yesus nafa'da ana mana tungan ndia nae, “So'dok falik o tafa ma leo mamanan dale neu, nana hataholi fo mana makaminak tafa, neukose ana mate no tafa boe.

MATEOS 7:2

Nanahu emi maketu-mala'di hataholi tao leo beek soona, neukose Manetualain naketu-nala'di emi tao leondiak boe. Boema emi uku-dou hataholi minik ai uku bee soona, neukose Manetualain pake seluk ai uukuk ndia fo ana uku-dou emi boe.

LUKAS 21:19

Metema emi makatatakak ma ta haelai mamanasa fa soona, neukose emi maso'da.”

KOLOSE 1:11

Ela leo bee na Manetualain koasa matua-madema na, ana tao natea-nahele emi, nalosa emi lu'a-lepa mabe'i doi doso ka, nai basa dede'ak lala'e na dalek, no namahokok ma dudu'a naluk,

IBRANI 6:12

Ami ta nau emi da'di manapela-balek fa. Tehu ami hii fo ela emi maso'da sama leo hataholi fo manasipo hata fo Manetualain helu ka, ma nanahu emi mamahele neun, ma emi mahani no ta haelai mamanasa fa.

NINITAK 1:9

Au Yohanis, emi tolanoom fo ua-nalek esa no emi nai doidosok fo basa Kristus ana manatunga nala la'ola'di ka. Ita takatatakak doidoso ka da'dileo hataholi kamahehelek fo Ndia nuun. Ala tapa au leo Pulu Patmo sa neu nanahu au tui-benga Manetualain hala hehelu na, ma hu ka nde au fe sakasii la'eneu Yesus.

NINITAK 11:18

Leoina la fo ta nalelak Lamatua ka, ala tao musu nana fai na losa O po'a O nasa-melum, ma fai na boeo losa O maketu-mala'di hataholi manamate kala. Fai na nde ia, soaneu fe nggadi neu O ata mala, nabi la, ma neu basa O hataholi kamahehele mala, fo nde basa hataholi fo ala hule-haladoi neu O, nau matua do ana boe. Ia nde fai na soaneu tao nakalulutuk hataholi-hataholi fo manatao nakalulutuk daebafa ka!”

NINITAK 14:12

Nai dede'ak ia dalek, Manetualain hataholi kamahehele manatunga Manetualain paleta nala, ma manalilineka neu Yesu sa, paluu lakatatakak.

NINITAK 16:6

Hataholi daebafak mangalau kala taolisa Manetualain hataholi kamahehele nala ma nabi nala so. Besak ia O fes linu daak. Memak ndia nandaa soaneus!”

NINITAK 17:11

Ma bana fo makahulu na naso'da hai tehu besak ia ta naso'da so'o ka nde bee na, nde mane kafalu a. Ndia nde manek esa neme mane kahituk sila la mai boe, fo besak ia ana la'ok nasale leo mamana momopo-mamate ka neu.

NINITAK 17:8

Bana ndia makahulu na naso'da hai so, tehu besak ia ta naso'da so'on. Ba'ihanak seluk faa bai te, neukose ana kalua neme faka mamates dale mai, fo nasasale matak no momopo-mamate sa. Hataholi fo laso'da nai daebafa ka, fo na'de nala ta nanasulak nai Susula Hataholi Maso'da ka dalek te daebafak ia beita nananakadada'dik fa, neukose ala dodoo doa kana, metema lita bana ndia. Nana bana ndia makahulu na naso'da hai so. Besak ia ta naso'da so'ok, tehu neukose ana to'da mai seluk.

NINITAK 2:19

Au bubuluk basa hata fo emi tao-no'i ka so: Au bubuluk emi sue-lai emi nonoo hataholi ma, emi lilineka, emi maue-male'di, ma emi makatatakak doidosok. Au bubuluk besak ia emi maue-male'di ba'ulena neme makahulu na mai.

NINITAK 2:2

Au bubuluk hata fo emi taon: Emi maue-male'di puselaipana ma emi makatatakak manseli. Au bubuluk emi ta tao dalek neu hataholi mangalau kala fa. Ma emi boeo so'ba basa hataholi fo manaku aoina na hataholi nadedenuk, te se'ko na ta, nana emi bubuluk mae sila masapepeko kala.

NINITAK 3:10

Emi matea-mahele sama leo Au paleta basan neu emi a. Da'di neukose Au asulu-ahapa emi nai lelek Au so'ba basa hataholi manai daebafa ka ninik toto'a-sosota matuaina.

NINITAK 3:3

Da'di, mafandendelek fo fali leo hata fo makahulu na nananoli basak neu emi ma hata fo emi mamanene basan so. Makalala'ok basa sila la ma tukaitei-saledale neme emi sala-singo mala mai. Metema emi ta fo'a fa soona, neukose Au mai fo Au huku emi. Neukose Au mai sama leo nakodaa, nalosa neukose emi ta bubuluk faihi'da fai na fo Au mai fa.