NINITAK 12:3 - Susula Malalaok Hehelu Palak Ma Hehelu Beuk

³ Boema hata matabeuk esa seluk da'di nai lalai. Hapu naga pilas esa matuaina nanseli, fo nanuu langak hitu, ma susulak sanahulu. Langan esa soona, ana pake bulamolik esa.

NINITAK 12:3 Iomraidhean Croise

YESAYA 27:1

Nai lelek ndia, neukose Manetualain pake tafaina matea ma matanen-na, fo Ana huku Lewiatan, menge fo manaule-po'de ma ana leleke ndia, ma soaneu taonisa buta tasi-a.

YESAYA 51:9

Fo'a leon, ou Manetualain, fo tulu-fali ami, soi-tefa-mala ami, nenik O koasam-ma. Fo'a leon, sama leo nai tepo lelek makahulun-na nai lelek O tao makalulutuk Rahab: ma pau misa buta tasi ndia, losa maten.

YESAYA 9:15

Nusak ndia mauli-malangan-nala, ala tao latofa-latalak ma tao tasi'bu laun-na.

DANIAL 2:41

Dodoki-dudulak fo seli nanataok neme dae ulek ma seli neme besi mai ndia, ein-na ma eiku'un-na natu'du nae, nai fai makabuin, nusak ndia neukose nanababa'ek. Nusak ndia mabe'i-balakaik boe, nanahu dae ulek ndia nanasese'dok no besi.

DANIAL 2:42

Eiku'un fo seli nanataok neme besi ma seli neme dae ulek mai ndia, sosoa-ndandaan nae nusak nggelok balakaik ma nggelok tapandoes.

DANIAL 7:20

Boeo au hii bubuluk la'eneu susula ka 10-n manai langan-na, ma la'eneu susula anak fo ana moli nakabuik, boema ana fe'a heni susulak 3 neme susula makasososak-kala mai ndia. Susula anak ndia mamatak ma mabafak, fo ana kokolak dede'a me'i-afek no koao-ndaeaok. Ndia nakatata'u lena heni susula fe'ek sila-la.

DANIAL 7:24

Susula ka 10-k sila-la nde, mane ka 10-k fo neukose ala paleta nusak ndia. Basa soona, mane fe'ek esa neukose ana to'da mai; ndia fe'ek nanseli neme mane-manek makasososak-kala mai, ma neukose ana sengi manek 3.

NINITAK 12:1

Boema hata matabeu matuaina esa da'di nai lalai. Inak esa pake le'do da'dileo bua papake na, bei napadeik nai bulak lain. Nai langa na, hapu bulamolik esa ala taon neme nduuk sanahulu dua mai.

NINITAK 12:13

Nai lelek naga ndia name'da nae, ndia nanatapa basak leo daebafa ka neu boema, neu usi inak fo manabongi ni'iana touanak ndia.

NINITAK 12:17

Naga ndia namanasa nanseli neu inak ndia, nalosa neu sapu na inak ndia tititi-nonosi fe'e nala, fo nde basa hataholi manatunga Manetualain paleta nala, ma manafe sakasii la'eneu Yesus ma koasa na.

NINITAK 12:4

Nduuk manai lalai la ba'en neu telu soona, ana lele'a-loloso baba'ek esa ninik iko na fo ana tapas leo daebafa ka mai. Naga ndia napadeik nai inak fo ana sanga bongi ndia mata na fo sue ka nde, metema inak ndia bongi soona, ana ko'do na ana na.

NINITAK 12:7

Boema natee-nata'ti ka da'di nai nusa so'da ka. Mikhael no ata nusa so'da nala latee-lata'ti laban naga ndia. Ma naga ndia ana manatunga nala boeo tulu-falin de ala laban Mikhael.

NINITAK 12:9

Ala tapa naga matuaina ndia leo deak neu! Naga ndia nde menge lasik fo nana'de Nitu do Dula Dale Mangalauk fo manake'dindiu basa daebafa ka lala'ena. Ala tapan no ana manatunga nala leo daebafa ka.

NINITAK 13:1

Basa boema, au ita bana esa kalua neme tasi dale mai. Bana ndia susulan sanahulu, ma langan hitu. Susulan esa soona, hapu bulamolik esa, ma nai langan sila la esa-esak, nanasulak na'de nakamumulu-nakamamaek esa soaneu Manetualain.

NINITAK 13:2

Bana fo au itak ndia, lupa na sama leo meoasu kokoto ka, ma ei na sama leo bana esa na'de beruang ei na, ma nggonggolo na sama leo singa nggonggolo na. Boema naga fe balakai na, kandela mane na, ma koasa matuaina na, neu bana ndia.

NINITAK 13:4

Sila basa-basas lamatutua-lamadedema naga ndia, nanahu ana fe basa be'ibalakain neu bana ndia so. Ala sene do'ok neu bana ndia boema lae, “Ta hapu mabe'i-balakaik sama leo bana ndia fa. Ta hapu esa boen bisa sengi fan!”

NINITAK 15:1

Basa boema, au ita nai lalai hata matabeuk esa ba'u na seli. Boema ata nusa so'dak hitu lo susa-soe hitu, fo susa-soe mate'e kala. Ia nde la'i mate'e na Manetualain po'aheni nasa-melun.

NINITAK 16:13

Boema au ita dula dale mangalauk telu, lupa na leo lo'donggelek-ka. Lo'donggelek sila la esa-esa kalua neme naga bafan dale, neme bana ndia bafan dale, ma neme nabi pepeko kala bafan dale mai.

NINITAK 17:12

Susula kasanahuluk fo o mitak ndia nde manek sanahulu, fo ala beita paleta fa. Tehu neukose ala fes koasa fo ala paleta da'dileo mane ka, sama-sama lo bana ndia dodoo na li'u esa.

NINITAK 17:16

O mita susula kasanahuluk ma bana ndia, neukose nakamu-nakadau manasosoa-piaok ndia. Neukose ala loso la basa hata-heton lala'ena, ma ala tao lan da'di makaholak. Neukose ala la'ahenin paa na ma ala taolisan ninik ha'i.

NINITAK 17:7

Boema ata nusa so'dak ndia nafa'da au nae, “Tao le'e de o bafam poo-poo? Malole lenak au afa'da o inak ndia bibila-babaan ma bana fo ana sa'e nana bibila-babaan, fo nde bana fo nanuu langak hitu ma susulak sanahulu.

NINITAK 19:12

Mata na sama leo ha'i pila ka, ma Ana pake bulamolik makadotok nai langa na. Na'dek esa nanasulak nai aoina na, fo ka'da ndia mesa kana nde nalelak na'dek ndia.

NINITAK 20:2

Boema ana ho'u na naga fo menge lasik ndia, fo Nitu do dula dale mangalauk ndia de ana feo puputun soaneu teuk lifun esa dale na.