NINITAK 11:3 - Susula Malalaok Hehelu Palak Ma Hehelu Beuk

³ Neukose Au adenu Au sakasiing dua fo ala pake bua-lo'a fafaluk. Neukose ala po'a-benga Manetualain hala na faik lifun esa natun dua nehulu.”

NINITAK 11:3 Iomraidhean Croise

KEJADIAN 37:34

Yakob siiba'e bua-lo'an nanahu dalen-na he'di sa ma ana pake bua-lo'a manafaluk. Ana kii-makaleleu anan ndia fai-faik.

2 SEMUEL 3:31

Basa boema, Dauk paleta Yoab no solda'dun-nala, fo ela ala siba'e sila bua papaken-nala, ma ala pake tema susa, boema ala kii-makaleleu Abner. Ma nai lelek ala ndolo kopak-ka fo leu latoi, Mane Dauk-ka mesak-kana la'ok nai kopak-ka dean-na.

1RAJA-RAJA 21:27

Elia kokolak basa boema, Ahab siiheni bua papaken-na de ana pake si'di lafa lapik da'di neu ta'du-tana sale dalek, boema ana okaaon-na. Nai lelek ana sungu, ana pake si'di lafa lapik boeo, ma metema ana la'o-la'o soona, matan-na ka'da masu-masu nakandoo.

2RAJA-RAJA 19:1

Nai lelek, Manek Hizkia namanene hataholi ka 3-k sila-la hala nafafa'dan-na boema, ana sii-sii lulu'i bua papaken-na, ma ana pake si'di kalong, da'di neu ta'du-tana dale he'dik, boema neu leo Manetualain Uman-na neu.

1 TAWARIKH 21:16

Dauk nita ata nusa so'dak ndia laa nai lalai n daebafak ka tala'da. No tafaina manai liman-na ndia, ata nusa so'dak ndia naheheleaon soaneu tao namate-namopo Yerusalem. Boema Dauk ma mauli-malangan laun nala, fo nai lelek ndia ala bei pake bua papake lafa lapik fo da'di ta'du-tana sale dalek ka, ala senek leu dae lain.

NEHEMIA 9:1

Nai bulak ndia fain duahulu haa boe, laun Israel-la lakabubua. Ala okaaon-nala fo latu'du lae sila sale-dale neu sila sala-singon-nala. Ala ta lakabubua loo basa hataholi nusa dea-la fa. Ala pake lafa kalong ma ala nggali dae neu langan-nala lain, fo da'dileo ta'du-tana dale he'dik. Basa boema, ala fo'a lapadeik fo ala manaku basa sila sala-singon lala'en-na, ma sila bei-ba'i kain-nala sala-singon.

AYUB 16:15

Au pake kalong, fo da'di leo ta'du-tana dale he'dik, ma au angatuuk nai dae sopuk-ka dale, nanahu au nanasengik so.

MAZMUR 69:11

Au kii, ma au okaaong, tehu lakamumulu-lakamamaek au.

YESAYA 22:12

Nai lelek ndia, Manetualain Fo Mademaina, ma Manakoasa, nadenu emi kii ma makaleleu, nggeuheni emi langam-mala, ma pake si'di lafa lapik.

YEREMIA 1:10

Faik ia, Au fe o koasa neu leoinak-kala, ma nusa-nusak-kala – koasa soaneu tao matu'u henin, ma tao mandefa henin, soaneu loli henin, ma tao mamopo-mamate, soaneu mafofo'a ma sele-nggali.”

RATAPAN 2:10

Lasi nggolok manai kota, langatuuk denge-denge nai dae lain; ala nggali afu leo langan-nala lain neu, ma ala pake lafa kalong fo da'di ta'du-tana susa. Anafe'oanak-kala boeo, lakatele langan-nala losa dae lain.

YESKIAL 4:6

Basa ndia soona, o mangape'uk menik o boboa konam-ma, faik haahulu dalen-na, fo mame'da mita huhukuk soaneu hataholi Yehuda-la salan-na, fo faik esa soona, belin-na ba'u sila huhukun teuk esa.

DANIAL 12:7

Hataholi ndia so'uk liman duas leo lalai neu. Au amanenen ana soo nenik Manetualain fo manaketu basa taak-ka na'den-na nae, “Manada'dik sila-la neukose ala da'di teuk telu seselik. Lelek ala hahae fepa-li'u Manetualain anan-nala soona, manada'di matabeuk sila late'e.”

DANIAL 7:25

Neukose ana kokolak la'ban Manetualain Fo Mademaina, ma ana tuni-ndeni Manetualain anan-nala. Neukose ana sanga enok, fo ana nggati heni hoholo-lalanek, ma Manetualain anan-nala agama-na fai malolen-nala, ma neukose ana koasas teuk telu seselik.

DANIAL 8:14

Au amanene ata nusa so'dak esa seluk nataa nae, “Losa faik 1.150 seluk. Nai lelek ndia, ala ta fe tutunu-hohotu le'donosok ma tutunu-hohotu fafaik fa. Basa ndia soona, besak-ka uma mamasok-ka neukose nanatao matalololek.”

YOEL 1:13

Hai basa imam fo nalalau-naoono nai mei tunu-hotuk-ka, pake lafa kalong, da'di neu ta'du-tana fafaluk, fo kii leona. Masok leo Manetualain Uman dale meu, fo kii-makaleleu le'odaek esa, nana ta hapu tunu-hotu angol ma gandum ba'eneu o Manetualaim fa.

YUNUS 3:5

Laun Niniwe-la lamahele Manetualain hala hehelun ndia. Basa laun-nala lala'en-na, ho'i nakeketuk fo ala oka aon-nala, nau matua do ana boe, ala pake lafa kalong fo latu'du lae sila tukatei-saledale leme sila sala-singon mai.

YUNUS 3:8

Hataholi la ma bana-manu muse pake si'di kalong. Fo da'dileo ta'du-tana nasasale dalek, basa hataholi-la muse hule-haladoi te'e-te'e neu Manetualain. Sila muse tao matalolole sila ha'da tatao mangalaun-nala, ma sila ha'da-tataon fo henuk no sala-singok-ka.

BILANGAN 11:26

Nai mauli-malangan ka hituhuluk sila-la dalek, hapu sila dua fo nde, Eldad ma Medad, lahele nai lalaa ofu dale, de ta leu sama-sama loo fe'ek-kala leo Manetualain Lalaa Teman-na leu fa. Duladalek-ka kona neu hataholi ka duak sila-la lain neme lalaa ofu ndia dalek, de duas boeo laloo beebou sama leo nabi-a.

MATEOS 11:21

“Soe ba'eneu kota Korasi no hataholi nala! Ma soe ba'eneu kota Betsaida no hataholi nala boe. Leo uni ka, manda'di beuk fo nanataok neme emi tala'da ndia, nanatao basak neme Tirus no Sidon soona, tao leo bee o hataholi manai naa la, ala tuka tei-sale dale basa doo ka leme sala-singo nala mai so, ma ala pake bua papake fafaluk, boema ala tao afu neu langa nala lain.

MATEOS 18:16

Tehu metema ta soona, mo seluk hataholi esa do dua. Nanahu nai Susula Malalaok dale, nanasulak nae, ‘Paluu, nai dae, hataholi dua do telu sakasii, fo lafa'da hataholi nanakalaak esa sala na.’

LUKAS 10:13

“Soe ba'eneu emi, fo kota Korazim! Ma soe ba'eneu emi, fo kota Betsaida! Leo uni ka, basa manda'di beuk fo nanataok neme emi tala'da ndia, nanatao basak neme kota Tirus ma Sidon na soona, tao leo bee o, hataholi sila la, ala tukatei-saledale basa doo ka, leme sila sala-singo nala mai so, boema ala pake bua-lo'a fafaluk, ma ala tao daesopuk neu langa nala lain.

LUKAS 24:48

Emi ia nde da'di sakasii neme basa sila lala'ena mai.

YOHANIS 15:27

Boema emi boeo muse fe sakasii la'eneu Au, hu ka nde emi sama-sama mo Au, neme makasososa na mai so.

YOHANIS 3:27

Tehu Yohanis nafa'das nae, “Metema Manetualain ta fe hataholi daebafa ka hata esa boen, soona hataholi daebafa ka ta nanuu hata esa boen.

HATAHOLI 1:8

Tehu neukose emi hapu koasa, metema Manetualain Dula Dale na ana kona mai emi. Ma neukose emi da'di sakasii soaneu Au nai Yerusalem, nai basa Yudea lala'ena, ma nai Samaria, losa daebafa ka bu'u-bu'u nala.”

HATAHOLI 13:31

Basa boema, tunga-tunga faik Ana mai fo natu'du aoina na neu hataholi fo ala la'ok lon neme Galilea leo Yerusalem leu. Hataholi sila nde besak ia, ala da'di sakasii soaneun, ba'eneu leoina Israe la.

HATAHOLI 2:32

Yesus ia, nde Manetualain tao naso'da fali kana neme mamate sa mai. Fo ami basa-basa mala ia, nde sakasii matam dede'ak ndia.

HATAHOLI 3:15

Boema tolanoo kala taomisan, te see ko na Ndia nde maso'da ka huu na, ba'eneu basa hataholi lala'ena. Tehu Manetualain tao naso'da fali kana neme mamate sa mai so. Ami nde sakasii matam dede'ak ndia.

1 KORINTUS 12:28

Leondiak boe nai salani ka dalek, Manetualain naketu basa mamanak soaneu hataholi mata-mata kala; Makasososa na hataholi nadedenu kala; kadua, nabi la, katelu, mese nala, boema sila fo manatao manda'di beu kala, basa boema sila fo nanafe baba'e-babatik soaneu lakahahaik hataholi, do soaneu tulu-fali hataholi fe'ek, do soaneu nauli-nalanga, do soaneu kokolak linik dede'a matabeu mata-mata kala.

2 KORINTUS 13:1

Ia nde bee soona soaneu kala'i telu na au ne'i donge-dama emi. Nai Susula Malalaok dale nanasulak nae, “Dede'a kala esa-esak muse hapu manasakasii dua do telu fe sakasii na, fo besa ka dede'ak ndia nanapakek.”

EFESUS 4:11

Ndia nde “fe baba'e-babati hehelik neu hataholi daebafa ka”; Ana so'u nggelok da'di Lamatua ka ana mana tungan, ma nggelok da'di nabi; ma nggelok seluk bai soona, ala da'di mana tui-benga Hala Malole ndia, ma nggelok seluk, Ana so'us da'di mesen, ma manamete-makanae hataholi kamahehele kala.

ULANGAN 17:6

Tehu bole hukunisa hataholi ndia, metema hapu sakasii dua, do lena neme dua mai; ta bole hukunisa hataholi esa fa, metema hapu ka'da sakasii esa.

ULANGAN 19:15

“Sakasii esa maesak-kana soona, beita dai soaneu nafa'da hataholi nanakalaak esa salan-na fa; muse paluu sakasii dua, nai dede'ak ndia dalek.

NINITAK 1:5

ma neme Yesus Kristus, sakasii fo manalilineka ka. Ndia nde makasososa naso'da falik neme mamate sa mai, ma Ndia nde manakoasa neu mane-mane daebafa kala. Yesus sue-lai ita, ma no mamate na de Ana soi-po'i ita teme ita sala-singon mai,

NINITAK 11:2

Tehu boso uku uma so'dak manai Manetualain Uman ndia dea ka, nana mamanak ndia fe basan neu hataholi ta manamalelak Lamatua ka fa. Neukose ala heheta-aa'i kota malalaok ndia, dodoo na bulak hahulu dua dale na.

NINITAK 11:6

Ala hapu koasa soaneu kena lalai fo u'da na boso mai nai lelek ala po'a-benga Manetualain dede'a-kokolan. Sila boeo koasa basa oemata la, fo ala tao lasafali oe da'di daak. Ma duas boeo lanuu koasa soaneu fepa daebafa ka ninik susa-soe mata-mata kala, faihi'da ndia boe sa'di ala nau taon.

NINITAK 12:6

Boema inak ndia nalai leo mo maloa neu, leo mamanak fo Manetualain sadia basan ba'eneun. Inak ndia nananakaboboik faik lifun esa natun dua nehulu dale na nai mamanak ndia.

NINITAK 13:5

Bana ndia sipo hak fo koao-ndaeao de nalosa nakamumulu-nakamamaek Manetualain. Manetualain fen koasa bulak hahulu dua dale na.

NINITAK 19:10

Au bala u ata nusa so'dak ndia mata na, fo au sanga sene-do'o kana, tehu nafa'da au nae, “Bosok! Boso sene-do'ok neu au te sene-do'ok neu Manetualain! Nana au boeo ata sama leo o ma sama leo basa o tolanoom fo manaho'u lahele neu Yesus sakasii na!” Nana Yesus sakasiin ndia fe koasa neu Manetualain hataholi kamahehele nala, fo ala tui-benga Manetualain hala hehelu na.

NINITAK 20:4

Boema au ita kandela mane kala, ma hataholi manamangatuuk manai lai na, ala fes koasa fo laketu-lala'di huhukuk. Au boeo ita hataholi fo langa nala nanate'teheni kala samane nala. Hataholi sila la fe sakasii la'eneu Yesus ma ala tui lamaloloa Manetualain hala hehelu na. Hataholi sila la ta sene-do'ok neu bana ndia do bana ndia lupa ao nanadoki-dula na fa. Sila boeo beita sipo lita bana ndia ta'du-tanan nai dedei nala do nai lima nala fa. Boema ala laso'da falik de ala paleta da'dileo mane ka sama-sama lo Kristus teuk lifun esa dale na.