NINITAK 10:1 - Susula Malalaok Hehelu Palak Ma Hehelu Beuk

¹ Boema au ita ata nusa so'da kahelek fe'ek esa, ana kona neme nusa so'da ka mai. Ko'a sa poti nan ma elus esa feo na langa na. Mata panan nahaa sama leo le'do a, ma ei na sama leo dii ha'i ka.

NINITAK 10:1 Iomraidhean Croise

MAZMUR 104:3

ma O mafofo'a O Umam-ma, nai oe manai lalai-a lain. O tao ko'as-sa da'di O kaletam, O sa'e anin-na li'dan-na.

MAZMUR 97:2

Ko'as-sa ma makahatuk-ka okofeo lalan; paletan-na napadeik nai ndoos ma matetuk-ka, ma hoholo-lalanek-ka lain.

KELUARAN 16:10

Lelek Harun bei kola-kola no basa-basas te, ala mete leo moo solokaek-ka neu, de no kaiboik, lita Manetualain ndela-sa'an nai ko'as dale.

KIDUNG AGUNG 5:15

Ein-na, sama leo batu marmar fulak-ka diin-nala, nakadiditak-kana nenik lilopilas isik. Heo-haan lolen-na sama no letek manai Libanon-nala, ma nanahelek sama leo ai aras.

YESAYA 19:1

Hala heheluk la'eneu Masir nde ia. Manetualain sa'e ko'as manalai-laik-ka, de neu leo Masir neu. Masir sosongo-tatangon-nala dele lai matan-na, ma hataholi Masir-rala dalen-nala ba'ihana.

YESAYA 54:9

“Au aheluk, sama leo nai Noh tepo lelen-na, ae faa tuak-ka, neukose ana ta luu-na daebafak-ka so'on, leondiak boe, besak ia, Au aheluk ae neukose, Au ta amanasa, do Au fe nasanene'da mahelek neu emi so'on.

RATAPAN 3:44

O nasa-melum sama leo ko'as makateina nanseli nalosa ami huhule-haladoim ta hapu tola fan.

YESKIAL 1:28

ma dula-na mata-matak, sama leo elus-sa. Mandela-masa'ak ndia, nde natu'du Manetualain mamain-na. Au ita manada'dik ndia boema, au tu'u atotonokala u dae lain. Boema au amanene halak-ka nafa'da nae,

DANIAL 10:6

Aon-na nangale'do sama leo poemata, mata-panan mangale'don-na sama leo ndela'sa mangale'don-na, ma matan-na pila lo'a-lo'a sama leo ha'i-a. Alun-na ma ein-na nangale'do sama leo liti nanalosek-ka, ma halan-na nene'nen soona sama leo hataholi makadotok halan-na.

DANIAL 7:13

Nai au ninitang le'odaen ndia, au ita hata esa sama leo hataholi daebafak-ka. Ana mai no ko'as-sa okofeo-na, boema neu leo Ndia fo so'dan-na manaketu basa taak-ka neu, fo nalelelaok non.

IMAMAT 16:2

nae, “Manduku-malosak neu o tolanoom Harun, mae ka'da neu faik fo nananaketuk-ka, besak-ka ana bole masok leo Kama Malalao-malalafuk nanseli-a dalek neu, kama ndia, nanata'da fe'ek nenik tema lelesu, nanahu, nai mamanak ndia nde Au atu'du Au aoinang-nga nai ko'as manai Peti Hehelu-balataak-ka lain. Metema Harun la'olena paleta ndia soona, neukose maten.

MATEOS 17:2

Ala losa lete ka poi na boema Yesus mata-panan nasafali; mata-panan nangale'do sama leo le'do a, ma papake-ngganggaon fula mangadilak.

LUKAS 21:27

Nai lelek ndia nde Ana Hataholi ka neukose ana mai nai koas dale koasa ma ndela-sa'a matuaina na.

HATAHOLI 26:13

De nai lelek au losa eno tala'dak, fo ndia te le'dohana so Ama Manek Mandela-Masa'ak, boema au ita mangale'dok esa neme lalai mai. Mangale'dok ndia mangale'do na lenaheni le'do a. Mangale'dok ndia okofeo na au o hataholi manala'ok sama-sama lo au a.

NINITAK 1:7

Mete leona! Yesus mai no ko'a sa ana poti nan! Basa hataholi la neukose litan, nai dalek sila fo manapau nana boe. Basa leoina manai daebafa ka lala'ena neukose ala kii-makaleleu nanahu Hataholi ndia. Hei, dede'ak ndia neukose ana da'di! Amin!

NINITAK 18:1

Basa ndia boema, au ita ata nusa so'da fe'ek esa kona neme nusa so'da ka mai. Ata nusa so'dak ndia koasa na ba'u na seli, de nalosa ndela-sa'an tao na basa daebafa ka lala'ena da'di mangale'dok.

NINITAK 18:21

Basa ndia boema, ata nusa so'da kahelek esa so'u na batu esa, ba'u batu tututuk matuaina, boema ana tapan leo tasi dale neu ma nae, “Eno na leoiak, kota Babel fo nananita nalelak ndia, neukose nanatapa napane'ek, nalosa neukose ta natongo non so'on.

NINITAK 20:1

Basa ndia boema, au ita ata nusa so'dak esa kona neme nusa so'da ka mai. Ana ho'u faka mamate sa nggoe na ma lange matuaina esa nai liman dale.

NINITAK 4:3

Hataholi ndia mata panan nahaa sama leo poemata baiduri pandan pila momo'dok ma poemata dalima. Elus esa dula zamrud ana feo na kandela manek ndia.

NINITAK 5:2

Boema au ita ata nusa so'da balakai-na esa, nalo bou-bou no hala matuaina nae, “See nde nandaa siiheni segel ia la ma ana buka susulak ia?”

NINITAK 8:13

Boema au mete ita manupui kaka'ka esa ana bei laa dema na seli nai lalai, nalo bou-bou nae, “Soe, Soe, Soe ba'eneu basa hataholi manai daebafa ka, metema lamanene ata nusa so'da katelu fe'e kala, mahani te ala puu pupuu nala!”