NINITAK 1:15 - Susula Malalaok Hehelu Palak Ma Hehelu Beuk

¹⁵ ei na pila lo'a-lo'a sama leo liti nanahotu ka. Hala na sama leo oe lili'do matuaina ngguu na.

NINITAK 1:15 Iomraidhean Croise

MAZMUR 93:4

Tehu Manetualain manakoasa nai nusa so'dak-ka, anseli lena heni tasi maloaina liin-na nggun-na, ma balakain-na, lena heni lii manafo'ak-ka.

YESAYA 17:13

Ala tutulumatak sama leo faa matuaina mai. Tehu Manetualain fes nasanene'da mahelek, boema ala lalai losa dook-ka. Sila nanausik, sama leo anin-na fuu neni ha'deuk-ka nai pupukuk-ka huun-na, do sangu fuu neni afu-a.

YESKIAL 1:24

Metema ala laa fo lakalalapa li'dan-nala soona, au amanene; liin-na sama leo oe manalili'dok-ka liin-na, ma sama leo solda'du bubua matuaina esa, ei ndu'un-nala, sama leo Manetualain Fo Manakoasa halan-na. Metema ala laa late'e soona, ala diku li'dan-nala,

YESKIAL 1:7

Ein-nala ndoos ma mangadilak, sama leo liti nanalosek-ka. Eifangan-nala, sama leo singa eifangan-nala.

YESKIAL 40:3

Boema noo au leo ndia neu, de au ita touk esa mangadilak, sama leo liti-a, napadeik deka lelesuina. Ana ho'u tali uukuk esa, nanatatalik neme aba lutu-a mai, boema ana ho'u ai uukuk.

YESKIAL 43:2

de nai ndia nde, au ita managale'do-ka, nangale'do neme dulu mai, fo ta'du-tana la'eneu Israel Manetualain mamain-na. Manetualain halan-na, nananamanenek sama leo tasi maloaina nangguu, ma daebafak-ka mangale'dok, nanahu Manetualain mangale'don-na.

DANIAL 10:6

Aon-na nangale'do sama leo poemata, mata-panan mangale'don-na sama leo ndela'sa mangale'don-na, ma matan-na pila lo'a-lo'a sama leo ha'i-a. Alun-na ma ein-na nangale'do sama leo liti nanalosek-ka, ma halan-na nene'nen soona sama leo hataholi makadotok halan-na.

NINITAK 10:1

Boema au ita ata nusa so'da kahelek fe'ek esa, ana kona neme nusa so'da ka mai. Ko'a sa poti nan ma elus esa feo na langa na. Mata panan nahaa sama leo le'do a, ma ei na sama leo dii ha'i ka.

NINITAK 14:2

Boema au amanene hala ka neme lalai mai, nanggu sama leo oe lili'do matuaina ma sama leo manggulu ka nanggulu matuaina. Nenene halak ndia soona, sama leo musi kala lalii leme manamakaminak kecapi la mai.

NINITAK 19:6

Boema au amanene hala ka sama leo hataholi makadotok lalo bebou. Halak ndia napane'e nanseli sama leo lii matuaina ngguu na, ma sama leo manggulu ka nanggulu. Au amanene lafa'da lae, “Koa-kio Lamatua ka! Nanahu ita Manetualain Fo Mana Koasa ndia Ana da'di Manek so!

NINITAK 2:18

“Neu ata nusa so'da salanik manai Tiatira la, sulakman leoiak: Ia nde hala heheluk neme Manetualain Anan, fo mata na pila lo'a-lo'a sama leo ha'i a, ma ei na pila lo'a-lo'a sama leo liti nanahotu ka.