NEHEMIA 9:5 - Susula Malalaok Hehelu Palak Ma Hehelu Beuk

⁵ Hataholi Lewi-la nde mulai nakaluku-nakatelek ndia. Hataholi Lewi sila-la nde: Yesua, Kadmiel, Bani, Hasabneya, Serebya, Hodia, Sebanya ma Petahya. Lafa'da lae, “Fo'a mapadeik fo koa-kio Manetualain fo ita Manetualain-na! Fe kokoa-kikiok neun losa dodon-na neu! Koa-kio na'den fo henuk no mandela-masa'ak, na'dek fo maneni-mafa'dak, lena heni basa koa-kiok lala'en-na!”

NEHEMIA 9:5 Iomraidhean Croise

1RAJA-RAJA 8:14

Mane Salomo-a hule-haladoi basa boema ana lipa leo basa laun manalapadeik lai ndia lala'en-na, boema ana dokodoe Manetualain baba'e-papalan soaneus.

1RAJA-RAJA 8:15

Ana nafa'da nae, “Makahulun-na Manetualain naheluk basa no au amang Dauk nae leo ia: ‘Lelek Au oo Au anang-ngala kalua leme Masir mai, nai basa nusa Israel-la lala'en-na, ta hapu kota esa boen fo Au helen da'di mamanak, fo nai bee muse nafofo'a uma soaneu mamana hule-haladoik neu Au. Tehu o, Dauk, Au helen soaneu paleta Au anang-ngala.’ Kokoa-kikiok ba'eneu Israel Manetualain fo Ana tao natetu hehelu-balataan ndia so!”

1RAJA-RAJA 8:22

Basa ndia boema, nai laun manai sila-la matan, Salomo napadeik nasale leo mei tunu-hotuk-ka neu boema ana so'uk liman duas

1RAJA-RAJA 8:27

Tehu, ou Manetualain, tete'e ka O nau leo nai daebafak ia do? Lalai lala'en-na boeo, loloan-na ta dai soaneu O fa, mu'da hata no uma hule-haladoik fo au afofo'ak ia!

1 TAWARIKH 16:36

Koa-kio Amak, fo Israel Manetualain na, besak ia losa dodoon-na! Basa boema basa hataholi Israel-la lala'en-na lafa'da lae, “Tete'ek ka”, boema ala koa-kio Manetualain.

1 TAWARIKH 29:11

Te'e-te'e O matua ma manakoasa. O Mandela-masa'ak, ua-nale malole, ma matua-madema. Basa hata lala'en fo manai lalai ma daebafak-ka nde been-na O nuum. O manek matua-madema ma manakoasa neu basa hata lala'en-na.

1 TAWARIKH 29:13

Besak ia ou ami Manetualaim-ma, ami moke makasi neu O, ma ami koa-kio O na'dem fo matua-mademam-ma.

1 TAWARIKH 29:20

Ana hule-haladoi basa nae leondia boema, nafa'da hataholi makadotok fo manamaka bubuak manai sila-la nae, “Koa-kio emi Manetualain leona.” Boema basa hataholi sila-la koa-kio Amak, Manetualain fo sila bei-ba'i kain sene-do'ok-ka. Boema ala sene-do'ok soaneu fe ha'da-holomata neu Manetualain ma manek-ka.

2TAWARIKH 20:13

Boema basa touk Yehuda-la lala'en-na sama-sama loo sila sao-ana-nala lapadeik lai Manetualain Uman.

2TAWARIKH 20:19

Boema hataholi Lewi-la leme Kehat ma Korah teidale-bobongin mai fo'a lapadeik, de ala eeki-latadale koa-kio Amak fo Israel Manetualain-na.

EZRA 3:11

Laun-nala lakamee nakamee kokoa-kikiok ba'eneu Manetualain, no lakamee lakafafalik nakameek-ka mate'en-na, fo liin-na nae leo ia, “Manetualain ndia malole; ma susue-lalain neu Israel, matea-mahelek losa dodoon-na.” Basa laun-nala eeki-latadale, ma koa-kio Manetualain, nana ala tao Manetualain Uman laten-na so.

NEHEMIA 9:4

Nai ndia, hapu mimbar soaneu hataholi Lewi-la, de manamapadeik manai lain-na Yesua, Bani, Kadmiel, Sebanya, Buni, Serebya, Bani ma Kenani. Ala hule-haladoi lapane'e neu Manetualain, fo sila Manetualain-na.

NEHEMIA 9:6

Basa boema, laun Israel-la hule-haladoi lae, “O nde Manetualain, O nde Fo Ka'da Kisak; O makadada'dik nduuk ma lalai maloa lala'en-na, boeo tasi ma daebafak-ka no basa oe isin lala'en-na, boema O fe maso'dak ma O makaboboi, Basa koasa manai lalai lala'en-na, sene-do'ok neu O; ala lakatele neu O, ma sene-do'ok.

AYUB 1:21

ma nafa'da nae, “Au inang bongi au-a, au ta eni hata esa boen, de neukose au mate boeo, au ta eni hata esa boen. Manetualain nde fe-a, de Manetualain boeo nde ho'i falik-kana. Koa-kio na'den-na!”

MAZMUR 106:2

See hapu tui-benga, Manetualain palanin-na, ma ana fe kokoa-kikiok ba'eneun?

MAZMUR 134:1

Nakamee dodonge-dadamak. Mai fo, koa-kio Manetualain, hai basa Manetualain atan-nala lemin, basa manamaik fo lalalau-laoono nai Manetualain Uman, nai fai le'odaen-na.

MAZMUR 145:2

Tunga faik, au nau oke makasi neu O, ma koa-kio O, losa dodoon-na.

MAZMUR 145:5

Neukose, ala tui-benga O matua-mademan, ma O mandela-masa'am, neukose, au dodoo-tatai O tatao-nono'im fo, nanadodoo-doak-kana.

MAZMUR 146:2

Au nau koa-kio Manetualain nai au fai maso'dang-nga dalek, ma au akamee ba'eneu au Manetualaing beidai au bei aso'da ia.

MAZMUR 16:2

Au afa'da ae, “O nde au Manetualaing-nga, au ua-naleng-nga, ta hapu hata esa boen, fo lena heni O fa!”

MAZMUR 66:2

Makamee ma mamatutua-mamadedema na'den-na, Koa-kion nenik kokoa-kikiok.

MAZMUR 99:3

Nemen-na fo, ala koa-kio na'den fo mandela-masa'ak-ka. Ndia malalao-malalafuk.

KELUARAN 15:11

Lamatua daebafak beek-ka nde hapu nakasusu'dik no O, ou Manetualain Fo Mandela-masa'ak ma malalao-malalafuk? See kande hapu tao manada'dibeuk-kala ma tatao-nono'i matuaina sama leo Manetualain?

KELUARAN 15:6

O be'i-balakaim dodoo doak-kana nanseli, ou Manetualain, O taom-ma musu-a tonggela.

DANIAL 2:20

nae, “Manetualain ndia manatee-tenok ma makadelek, kokoa-kikiok ba'eneun, losa dodoon-na neu!

MATEOS 11:25

Lelek ndia, Yesus hule-haladoi nae, “Amak, fo Lamatuak mana koasa lalai a ma daebafa ka! Au oke makasi neu O, nanahu basa dede'ak sila la, O bibila babaas soaneu hataholi malela kala ma hataholi malela ina la, tehu O matu'dun neu hataholi mana sakola ta kala.

2 KORINTUS 4:6

Manetualain fo nafa'da nae, “Ela leo bee na neme makahatuk dale mai, mangale'do ka tii,” Manetualain ndia nde nakatitiik mangale'dok ndia nai ita dalen dale, fo ela ita dudu'a-aafin da'di mangale'dok fo ita talelak matalolole Manetualain mandela-masa'an fo nandela-nasa'a neu Kristus mata-panan.

ULANGAN 28:58

Metema, emi ta tunga no emi dalek katematuam-ma, neu basa emi Manetualaim-ma hoholo-lalanen fo, nanasulak nai susulak ia dalek fa soona,

1 PETRUS 1:3

Mai fo toke makasi neu Amak Manetualain, ma ita Lamatuan Yesus Kristus! Ana sue-lai na ita ba'una seli, hu ndia de, Ana fe ita so'da beuk ninik Ana tao naso'da falik Yesus Kristus neme mamate sa mai. Dede'ak ia, nini fe ita namahehena matea-mahelek.

HAKIM-HAKIM 13:18

Manetualain ata nusa so'dak ndia natane nae, “Tao le'e de, o nau bubuluk au na'deng-nga? Au na'deng ndia, na'de matabeuk.”