NEHEMIA 9:22 - Susula Malalaok Hehelu Palak Ma Hehelu Beuk

²² O fes ala sengi nusak makadotok ma leoina manai sila dae toon-na. Langatuu-la Hesybon, fo Mane Sihon nusan-na; Ala leo-la Basan fo Mane Og-ka nusan-na.

NEHEMIA 9:22 Iomraidhean Croise

MAZMUR 105:44

Ana fe leoina-la daen-na neu anan-nala, ma Ana fe tinan-nala, leo anan-nala neu, fo da'di anan-nala pusakan,

MAZMUR 78:65

Boema Manetualain fo'a, sama leo hataholi fo ana fo'a neme susungun-na mai, sama leo hataholi balakaik-ka, besak-ka ninu basa angol.

YEREMIA 27:5

“Au akadada'dik daebafak-ka, ma hataholi daebafak-ka no basa bana-manu lala'en-na nenik Au koasang-nga fo matuaina, ma nenik Au be'i balakaing, fo Au apu fen neu see ndia boe fo Au ahiik-kana.

YEREMIA 32:23

Tehu nai lelek ala mai lo nusak ia mai de latona-la boema, ala ta nau tunga O paletam-mala fa, ma ala ta laso'da tunga O nanoli-nafa'dan fa. Basa hata fo O paletak neu sala ala ta tao-no'i esa boen. Hu ndia de O muni fes basa susa-soe iala neu sila.

YESKIAL 20:28

Au os leo nusak fo, Au helu basa, Au fen leo sila neu so. Lelek fo, ala lita pupuku mademaina-ma, ma ai matuaina-la, doon-nala leloaka, boema leu tunu-hotu tutunu-hohotu nai mamanak sila-la. Ala tao-la Au amanasa, nanahu sila tutunu-hohotu nanatunun-nala, ma tutunu-hohotu angon-nala.

ULANGAN 1:4

Dede'ak ndia da'di ndek Musa sengi basa Sihon, fo hataholi Amori-la manen-na, ana paleta nai kota Hesybon-na, ma Og, fo mane Basan-na, fo ana paleta nai kota Asytarot-ta, ma Edrei.

ULANGAN 32:26

Au hii tao amopo-amate la'iesak-kasa, fo ela mopo na'den-nala.

ULANGAN 4:47

Langatuu-la Manek Sihon ndia daen-na, ma Manek Og fo neme Basan mai, daen-na boe; mane ka duak sila-la nde been-na, hataholi Amori-la manen sila, fo ala leo leme Lee Yarden-na selik dulu.

YOSUA 10:11

Nai lelek hataholi Amori-la bei loe letek ndia, nanahu lalai leme solda'du Israel-la mai boema, Manetualain fe u'da eis matuaina-la tu'da leme lalai mai de tuni-nalas, su'di enok-ka nanalun-na losa Azeka. U'da eis ndia tunenisa hataholi-la, de'u lena hataholi Israel-la taolisak-kala.

YOSUA 11:23

Yosua nangatuun-na nusak ndia lala'en-na, nandaa no Manetualain paletan neu Musa, boema Ana fen neu leoina Israel-la, fo da'di sila pusakan. Ala baba'e nusak ndia, de leo esa-na, ana hapu baba'ek esa. Leoina Israel-la hahae natee-natatik-ka, boema nusan-na nee-nee lino-lino ma so'da-molek.