NEHEMIA 9:19 - Susula Malalaok Hehelu Palak Ma Hehelu Beuk

¹⁹ Tehu O ta la'oela fas, nai moo solokaek ndia fa, nanahu O henuk no susue-lalaik-ka. O ta fe'a heni dii ko'as-sa ma dii ha'ik-ka fa, manamatu'du sila enon-na nai fai lele'don-na ma fai le'odaen-na.

NEHEMIA 9:19 Iomraidhean Croise

NEHEMIA 9:12

O mauli-malangas nai fai lele'don-na, nenik ko'as bubuak esa. Ma nai fai le'odaen-na, O tao mangale'do enon-na nenik dii ha'ik-ka.

NEHEMIA 9:27

boema O fes leo musun-na fo no dale susue-lalai tak, ala koasas ma tuni-ndenis. Tehu nai susa fo ana tuni-nalas-sa, laloo bebou neu O loke tutulu-fafalik. O mamanene neme nusa so'dak-ka mai; O fe natataak no susue-lalai henuk. O haitua mauli-malangan ma palani ta'ti batu, fo soi-po'is leme musu nok-ka mai.

NEHEMIA 9:31

Tehu, hu kande O susue-lalai matuainam-ma, de O ta la'o ela do tao makalulutuk-kasa fa. Memak, O nde Manetualain fo nakasasaman ta; O susue-lalaim ba'un-na seli, henuk no dale kasian!

MAZMUR 106:45

Hu kande sila de, Manetualain nafandele-na hehelu-balataan, de Ana sue-lais, nanahu susue-lalai matuainan-na.

MAZMUR 136:16

Ana nauli-nalanga anan-nala, tunga moo solokaek-ka; susue-lalain manaketu-basa tak, losa dodoon-na.

KELUARAN 40:36

Metema ko'as ndia kae neme Manetualain Lalaa Temak lain mai soona, leoina Israel-la ofeheni sila uma ofun-nala fo ala lali leo mamana fe'ek leu.

KELUARAN 40:38

Nai lelek leoina Israel-la bei laleu-lalaak, Manetualain nai Lalaa Temak ndia dalek fo nalupa ko'as nai fai lele'don-na, ma nalupa ha'i nai fai le'odaen-na.

YESAYA 44:21

Manetualain nafa'da nae, “Hai Israel, mafandendelek basa ia-la, nana, o nde Au atang-nga. Au tao-ala o, manu lupak, de Au atang o, Israel, neukose Au ta afandele heni o fa!

RATAPAN 3:22

Manetualain susue-lalain manaketu basa tak, neme doon losa dodo-na, beita la'iesa fo basa baba'e-babatin fa,

YESKIAL 20:14

Tehu, Au ta da'di amanasa fa, hu kande Au na'de malalao-malalafung-nga, fo ela leoina fo, lita Au o Israel kalua meme Masir mai-a, ala boso lakamumulu-lakamamaek Au na'deng-nga.

YESKIAL 20:17

Tehu basa boema, Au daleng-nga tu'da kasian neus, nalosa Au ta da'di taoisa fas, leme moo solokaek-ka fa.

YESKIAL 20:22

Tehu, Au ta da'di amanasa fa, fo ela leoina fo, lita Au o Israel kalua neme Masir mai-a, ala boso lakamumulu-lakamamaek Au na'deng-nga.

DANIAL 9:18

Mamanene ami leona, ou Manetualain, mete ami ma taoafik neu ami doidosom boema kota nalutuk fo loken nenik O na'dem-ma. Ami hule-haladoi neu O, ta hu kande ami tatao-nono'im malole neu O fa, tehu hu kande O henuk no susue-lalaik.

DANIAL 9:9

O henuk no do'o do ampon ma susue-lalaik, leomae ami la'ban basa O so.

MALEAKHI 3:6

“Au nde Manetualain, ma Au ta da'di asafali fa. Hu ndia de, ta mopo-mate emi, fo Yakob tititi-nonosin-nala fa.

BILANGAN 14:14

de neukose, ala tuin neu nusak ia hataholin-nala lamanene basa, lae O, fo Manetualain, sama-sama moo ami. Boeo, lamanene basa, lae O matu'du O aoinam-ma neu ami, nai lelek O la'ok nai ami uluk, nai dii ko'as dale, nai fai lele'don-na, ma nai dii ha'ik dale, nai fai leodaen-na.

ULANGAN 8:2

Mafandendelek leona! Te nai teuk haahulu dalen-na, emi Manetualaim-ma nauli-nalanga emi, nai emi leleo-lala'o dae doom-ma dalek, tunga moo solokaek-ka. Manetualain dudu'a basa leleo-lala'ok ndia, soaneu Ana so'ba emi, fo ela Ana nita beek nanape'dak nai emi dalem dale, ma ade neukose emi tunga paletan-nala do ta.

SEMUEL SUSULAK-KA ESAN-NA 12:22

Manetualain soo-supa basa, nae neukose Ana ta la'oela emi fa, nanahu naketu basa soaneu Ana tao emi da'di Ndia anan so