NEHEMIA 9:17 - Susula Malalaok Hehelu Palak Ma Hehelu Beuk

¹⁷ Ala ta tunga fa, lafandele heni O dale malolem lala'en-na, ma lafandele heni basa O tatao-nono'i manada'di beum-mala. No koao-ndaeaok, ala hele mauli-malangan esa, fo nos leo Masir leu fo da'di ata seluk. Tehu O Manetualain fo nau fe do'o do ampon, hahae naluk, dale malole ma manasue laik. O susue-lalaim, tete'ek-ka ba'un-na seli; O ta la'o ela fas.

NEHEMIA 9:17 Iomraidhean Croise

1RAJA-RAJA 6:13

Neukose Au leo nai uma fo o mafofo'ak ia dalek, nai Au anang Israel tala'da heon. Neukose Au ta la'oela fas.”

1RAJA-RAJA 8:57

Sa'di leo been-na ita Manetualain no ita sama leo nok ita bei-ba'i kai nala. Sa'di leo been-na Ana ta la'oela ita fa.

2TAWARIKH 36:13

Manek Nebukadnezar-ra nakaseti Zedekia fo ana soo-supa nenik Manetualain na'den-na nae neukose ana lilineka neu Nebukadnezar. Tehu makabuin-na Zedekia tao nakabubua mangalauk la'ban Nebukadnezar. Zedekia nalanga bat neu Amak fo Israel Manetualain-na. Ana ta nau tuka tei-sale dale neme sala-singon mai, ma ana ta nau fali leo Manetualain mai fa.

EZRA 9:9

Nai lelek, ami bei nai mamana ata, O ta la'oela ami fa. O taom-ma mane Persia-la sue-lai ami, ma ala fe ami loak maso'da, fo ami mafofo'a falik O Umam fo, ela ka'da ai-batu mana tapasasalak ndia so. O masulu-mahapa ami nai ia, boema nai Yehuda ma nai Yerusalem.

NEHEMIA 9:31

Tehu, hu kande O susue-lalai matuainam-ma, de O ta la'o ela do tao makalulutuk-kasa fa. Memak, O nde Manetualain fo nakasasaman ta; O susue-lalaim ba'un-na seli, henuk no dale kasian!

MAZMUR 106:13

Tehu no lai-laik, ala lafandele heni Manetualain tatao-nono'in, de ala tao no, ta loke nanoli-nafa'dan fa.

MAZMUR 106:7

Lelek ami bei-ba'i kaim-mala leme Masir-ra, ala ta lalelak fa; ala ta lalelak O tatao-nono'i matuainam-ma, sosoa-ndandaan fa. Ala lafandele heni, O susue-lalaim fo, manasasi kao-kaok-ka, ma ala la'ban Manetualain Fo Mademaina paletan-na, nai deka no Tasi Gelagah.

MAZMUR 130:4

Tehu O nau fe do'o do ampon, fo ela hataholi-a, da'di hataholi kamahehelek.

MAZMUR 78:10

Ala la'olena Manetualain hehelu-balataan no sila, ma ala ta nau tunga hoholo-lalanen fa.

MAZMUR 78:11

Ala lafandele heni, Manetualain tatao-nono'in, ma dede'a matabeuk, fo nafa'da neus.

MAZMUR 78:38

Tehu Manetualain sue-lai, ma fe do'o do ampon neu anan-nala, de Ana ta tao namopo-namate fas. La'i ba'uk-ka, nakatatakak nasa-melun, ma ta nafofo'a nasa-melun fa.

MAZMUR 86:15

Tehu O, ou Amak, Manetualain fo manasue-manalai, ta haelai namanasa, henuk no susue-lalaik, ma manalilinekak.

MAZMUR 86:5

Ou Manetualain, O malole ma O nau fe do'o do ampon, hataholi manahule-haladoi neu O-a, O sue-lai mahelen nenik susue-lalaik fo, ana sasi kao-kao.

KELUARAN 32:9

Au bubuluk ae leoina ndia, nalanga batu nanseli

AMSAL 1:24

Au aloo basa emi so, tehu emi tipa au hala naloloong-nga, ma emi ta nau taoafik neu fan.

YEREMIA 18:15

Tehu Au anang-ngala lasanggango heni Au so, de ala hotu boomenik soaneu sosongok-tatangok-ka. Ala lakatunu lai enok makahulun eli, fo sila muse tungak-ka, boema ala singo leo enok fo nanatao natetu bei taak-ka.

YEREMIA 19:15

ae, Manetualain Fo Manakoasa, Fo Israel Manetualain-na nafa'da nae leo ia, “Hu ka nde emi malanga batu ma ta au mamanene fa, de neukose Au uni fe kota ia ma basa nggolo ta'duk manai boboa kaisun-nala, ma susa-soe lala'en-na fo Au dudu'a basas.”

YEREMIA 7:26

Tehu ta hapu hataholi namanene, do taoafik neu fas. Nakalenak, emi boetai malanga batu, ma mangalauk lena heni emi bei-ba'i kaim-mala.”

YESKIAL 5:6

Tehu, Yerusalem ta sipok Au paletang-nga fa, te se'kona ndia mangalaun-na lenaheni leoina fe'ek-kala, lena-lenak langabatun-na lenaheni basa nusaina manai boboa-kaisun-na. Yerusalem la'olena Au paletang-ngala, ma ana ta nau tunga Au hoholo-lalaneng fa.”

DANIAL 9:9

O henuk no do'o do ampon ma susue-lalaik, leomae ami la'ban basa O so.

YOEL 2:13

Siiba'e o dalem-ma, te boso siiba'e o bua papakem-ma.” Fali leo Manetualain fo o Manetualaim mai. Ana ta haelai namanasa, ma manasue-laik dale malole ma dale manakasian. Ana hii fe do'o do ampon, ma Ana ta nau huku-doki fa.

IMAMAT 26:44

Tehu, leomae sila bei lai musu nusan-na boeo, neukose Au ta la'oela fas, do Au tao amopo-amates makandondook fa. Nana metema Au tao amopo-amates soona, ndia sosoa-ndandaan nae Au tao ketu Au hehelu-balatang no sila, te se'kona Au ia Manetualain, fo sila Manetualain-na.

NAHUM 1:3

Memak Manetualain ta haelai namanasa fa; tehu koasa-na, ba'un-na seli boe nalosa ba'eneu see fo ana tao salak soona Ana ta po'in neme huhukuk-ka mai fa. Manetualain la'ok nai bee soona, ani-sangu da'di nai ndia; Ana heta ein-na nai mamanak bee soona, daesopuk-ka da'di ko'as nai ndia.

BILANGAN 14:11

Manetualain nafa'da Musa nae, “Hataholi ia-la, la'ban Au losa faihi'da? Losa faihi'da seluk bai, fo hataholi ia-la ta nau lamahele Au fa, leomae Au tao basa manada'di beuk makadotok nanseli, nai sila matan so?

BILANGAN 14:41

Tehu Musa nafa'da nae, “Tao le'e de, besak ia emi nau la'olena Manetualain paletan-na? Neukose emi ta sengi fa!

BILANGAN 16:14

Tete'ek-ka, o ta moo ami leo dae maoe-maisik ndia meu, do fe ami tina ma osi angol, fo da'di ami pusakam fa. Besak ia, o nau ke'di-ndiu ami bai! Ta, ami ta nau meu fa!”

HATAHOLI 7:39

Leomae leondiak boe, ita bei ba'ikai nala ta nau tunga paleta na fa. Ala ta nau sipo kana fa, ma ala nau fali seluk leo Masir leu.

ROMA 9:15

Nana Manetualain nafa'da Musa nae, “Au atu'du susue-lalaik neu hataholi fo Au nau atu'du Au susue-lalaing neun, ma neukose Au atu'du Au dale kasia nga neu hataholi fo Au nau atu'du Au dale kasia nga neun.”

IBRANI 12:25

Hu ndia de, masanene'dak fo boso nalosak emi ta nau mamanene Ndia fo mana kokolak neu emi a. Sila fo ta nau lamanene Ndia fo mana maik leo daebafa ka mai, ma nanduku-nalosak halak maneme Manetualai na mai, ana ta bisa nalai fa. Mu'da hata no ita ia fo mana mamanene Ndia fo mana kokolak neme nusa so'da ka mai a. Metema ita ta nau tamanene fan soona, hapu nai bee ita bisa taladeak!

SEMUEL SUSULAK-KA ESAN-NA 12:22

Manetualain soo-supa basa, nae neukose Ana ta la'oela emi fa, nanahu naketu basa soaneu Ana tao emi da'di Ndia anan so