NEHEMIA 9:14 - Susula Malalaok Hehelu Palak Ma Hehelu Beuk

¹⁴ Muse ala tao Fai Sabat fo malalao-malalafuk-ka, ma O fe O hoholo-lalanem tunga Musa.

NEHEMIA 9:14 Iomraidhean Croise

KEJADIAN 2:3

Boema, Ana ba'e-pala fai ka hitu ndia, de Ana taon da'di fai hehelik, nanahu nai faik ndia, Manetualain hahaeaon-na, nai lelek Ana tao nakababasak tatao-nono'in.

NEHEMIA 1:8

Ou Manetualain, mafandendelek O hala-kokolam fo O paleta Musa nafa'dan nae metema ami, fo hataholi Israe la, ta lilineka neu O fa soona, neukose O tao tapasasala ami nai leoina fe'ek-kala tala'da.

NEHEMIA 10:32

Tunga teuk, neukose ami esa-esak fe lilofulak gram lima soaneu asa Manetualain Uman-na paluun-na.

KELUARAN 16:23

Musa nafa'das nae, “Manetualain paletan-na nde ia nae: Balahaa nde been-na, fai hehelik soaneu hahaeaok, fai Sabat, faik fo fen neu Manetualain. Hata fo emi nau tunu-dalan nai faik ia soona, tunu-dalan leona, ma hata fo emi nau tunu-nasun soona, tunu-nasun leona. Metema emi paluun nai faik ia dalen-na hapu lenak soona, pe'da fe'en soaneu balahaa.”

KELUARAN 16:29

Mafandendelek, te Au fe emi faik esa soaneu hahaeaom-mala. Hu ndia de, neu fai ka 6-na, Au fe emi nana'ak dai, soaneu faik dua dalen-na. Neu fai ka hitun-na, hataholi-la esa-esak, muse nahele nai uma, fo ta bole kalua fa.”

KELUARAN 24:12

Basa boema, Manetualain nafa'da Musa nae, “Mai leo Au mai, nai letek lain. Nai ndia, neukose Au fe o batu dua, Au sulak basa Au hoholo-lalaneng-ngala nai dalek. Basa hoholo-lalanek sila-la, da'di nanolik ba'eneu leoina ndia.”

YESKIAL 20:11

Nai naa, Au fes Au paletang-ngala, ma Au anolis, Au hoholo-lalaneng fo, ala muse tungan, nana hataholi manatao tungan-na, neukose naso'da nahele.

YESKIAL 20:12

Au adenus fo, ala tao lalalao-lalalafu fai Sabat-ta, da'di leo ta'du-tana neu Au hehelu-balataang no sila, soaneu fes nasanene'dak, nae Au Manetualain, tao sila da'di Au ana heheling so.

YESKIAL 20:20

Tao malalao-malalafu fai Sabat-ta, fo ela ana da'di ta'du-tana hehelu-balataak nai Au ma emi, fo ana fe emi nasanene'dak, nae Au nde, emi Amam Manetualain-na.’

IMAMAT 19:3

Hataholi-a esa-esak, muse fe ha'da-holomata neu ina-aman, ma taoafik neu fai Sabat-ta, sama leo hata fo Au paletan. Au nde emi Manetualain.

IMAMAT 27:34

Paleta sila-la nde Manetualain fen neu Musa, neme Letek Sinai lain, soaneu leoina Israel-la.

YOHANIS 1:17

Ita sipo Manetualain Hoholo-lalanen tunga Musa. Tehu lafa'da Manetualain susue-lalain, ma liinekan, tunga Yesus Kristus.

ULANGAN 4:45

Musa nakalala'ok paleta ndia ndek ala kalua leme Masir mai, de leme bafak manai Lee Yarden-na boboan dulu, fo nasasalematak no kota Bet-Peor-ra. Dae ndia nde been-na dae nangatuu palaak neme hataholi Amori-la manen-na na'de Sihon, fo nde makahulun-na ana paleta neme kota Hesybon-na. Musa no leoina Israel-la sengi manek ndia, nai lelek ala kalua leme Masir mai.

ULANGAN 4:5

Au anoli basa hoholo-lalanek sila-la neu emi, sama leo au Manetualaing-nga paletan neu au-a. Tunga basa sila-la nai nusak fo, neukose emi masok-kana, fo emi leon ndia.

ULANGAN 5:31

Tehu o, Musa, fali ma'im-ma fo leo moo Au meme ia; neukose Au fe Au hoholo-lalaneng ma Au paletang lala'en-na leo o neu. Manolis hoholo-lalanek ma paleta sila-la, fo ela ala tungan nai nusak fo Au fen neu sila.’