NEHEMIA 9:13 - Susula Malalaok Hehelu Palak Ma Hehelu Beuk

¹³ O kona meme lalai mai, leo Lete Sinai lain, boema O kokolak moo O ana mesam-ma. O fes hoholo-lalanek, nakanenetek ma paleta fo ndoos ma matetuk ma masosoa-ndandaak.

NEHEMIA 9:13 Iomraidhean Croise

2RAJA-RAJA 17:37

Tunga Au hoholo-lalaneng tataas esa, ma paleta-paleta fo Au sulak basan, soaneu emi so. Boso hule-haladoi neu lamatua fe'ek-kala,

EZRA 7:6

Ezra hataholi malelaina esa, de ana bubuluk ba'uk-ka, la'eneu Hoholo-lalanek, fo Israel Manetualain-na, fen neu Musa. Hu kande Ezra Manetualain-na ba'e-palan, de Ana fen basa hata fo ana noken. Mane Artahsasta paleta neu teu ka hitun-na, boema Ezra neme Babel leo Yerusalem neu, sama-sama no hataholi Israel bubuak esa, fo nde imam de'ubee, hataholi Lewi-la, manamakameek-kala, boema manamanea nai Manetualain Uman-na, lelesuinan-na, ma basa manatao bela-ba'uk-kala.

MAZMUR 119:137

Ou Manetualain, O ndoos ma matetuk, basa O hoholo-lalanem-mala la'en.

MAZMUR 119:160

Basa O dede'a-kokolam-mala, la'en, O hoholo-lalanem, fo ndoos ma matetuk lala'ena, nahele losa dodoon-na.

MAZMUR 119:4

O fe ami, O hoholo-lalanem, ou Manetualain, fo ela ami makalala'ok-kana, no lilinekak.

KELUARAN 16:23

Musa nafa'das nae, “Manetualain paletan-na nde ia nae: Balahaa nde been-na, fai hehelik soaneu hahaeaok, fai Sabat, faik fo fen neu Manetualain. Hata fo emi nau tunu-dalan nai faik ia soona, tunu-dalan leona, ma hata fo emi nau tunu-nasun soona, tunu-nasun leona. Metema emi paluun nai faik ia dalen-na hapu lenak soona, pe'da fe'en soaneu balahaa.”

KELUARAN 19:11

Binesak te, sila muse laheheleaon basa so. Nai faik ndia, neukose Au kona leo Letek Sinai lain u, nai mamanak fo nai bee, basa hataholi-la bisa lita Au.

KELUARAN 20:1

Boema Manetualain kokolak, de dede'a-kokolan nde ia,

KELUARAN 20:22

Manetualain paleta Musa fo nafa'da leoina Israel-la nae, “Emi mita basa tao leo beek, de Au, fo Manetualain, kokolak no emi neme lalai mai so.

YESAYA 64:1

Ou Manetualain, siba'e lalai, fo kona mai leona, taom-ma letek-kala langgengo, nai O matam,

YESAYA 64:3

O tao hai, tatao-nono'i matuaina, fo ami ta dudu'a-dodoo mita fan. O kona mai, de letek-kala langgengo nai O matam-ma.

HABAKUK 3:3

O Manetualain Fo Malalao-malalafuk nanseli, mai neme Téman mai O mai meme letelepa Paran mai. O matua-mademam poti-na lalai; daebafak-ka henuk no kokoa-kikiok ba'eneu O.

ROMA 7:16

Naa, metema au tao tatao-nono'ik fo ta nandaa no au dale hihii nga fa soona, dede'ak ndia sosoa na nae, au manaku ae agama Yahudi hoholo-lalanen sila la malole.

ULANGAN 33:2

“Manetualain Ana mai neme Letek Sinai mai; Ana tii nai Edom lain, sama leo le'do-a, ma neme Letek Paran-na mai, de nasalaa-na anan-nala. Ata nusa so'dak, lifun sanahulu, ala mai sama-sama loon; ma ha'i pila nai boboa konan-na.

ULANGAN 4:33

Hapu leoina fo naso'da nahele, nai lelek namanene lamatua daebafak esa, ana kokolak nos neme ha'i dale mai, sama leo emi la'o-la'dik-ka so do beik?

ULANGAN 4:36

Ana fe emi mamanene halan-na neme lalai mai, soaneu nanoli emi; Natu'du basa ha'i matuainan-na neu emi nai daebafak ia so, de ana kokolak no emi neme ha'i ndia dalek mai.

ULANGAN 4:8

Ma leoina matuaina beek kande, nanuu hoholo-lalanek fo ndoos ma matetuk nanseli, sama leo hoholo-lalanek fo au anolin neu emi nai faik ia?

ULANGAN 5:4

Manetualain nau kokolak no ita, matak no matak neme ha'i dale, nai letek ndia lain.