NEHEMIA 9:1 - Susula Malalaok Hehelu Palak Ma Hehelu Beuk

^1-2 Nai bulak ndia fain duahulu haa boe, laun Israel-la lakabubua. Ala okaaon-nala fo latu'du lae sila sale-dale neu sila sala-singon-nala. Ala ta lakabubua loo basa hataholi nusa dea-la fa. Ala pake lafa kalong ma ala nggali dae neu langan-nala lain, fo da'dileo ta'du-tana dale he'dik. Basa boema, ala fo'a lapadeik fo ala manaku basa sila sala-singon lala'en-na, ma sila bei-ba'i kain-nala sala-singon.

NEHEMIA 9:1 Iomraidhean Croise

2 SEMUEL 1:2

Balahaa boema, ta'eanak esa, ana mai neme Saul mamana ofun-na mai. Ana siba'e bua papaken-na, ma ana tao dae leo langan lain neu, fo da'di leo ta'du-tana manasusak. Neu leo Dauk neu, de ana senek neu Dauk matan-na.

2TAWARIKH 20:3

Yosafat bii-namata'u nanseli, boema ana hule-haladoi noke tutulu-fafalik neme Manetualain mai. Bas boema ana fe paleta fo ela basa laun-na lala'en-na okaaon-nala.

2TAWARIKH 7:10

ma balahaa, fo nai bula kahitu-a fain duahulu telu boema, Salomo nadenu hataholi sila-la fali. Ala lamahoko nanahu hata malole fo Manetualain taon soaneu leoina Israel fo anan-nala, soaneu Dauk ma Salomo.

EZRA 8:21

Boema au po'a-benga nai Lee Ahawa su'un-na, ae basa-basam-mala muse okaaom-mala, ma makaloe-makadae aom-ma nai Manetualain matan. Ami hule-haladoi, fo ela Manetualain hela-nole ami, nai ami leleo lala'om-ma dalek, boema nasulu-nahapa ami, ami anam-mala, ma basa ami hata-hetom lala'en-na.

EZRA 8:23

Boema ami okaaom-mala ma hule-haladoi neu Manetualain, fo ami moke nasulu-nahapak, de Ana sipok ami hule-haladoim boe.

NEHEMIA 8:2

Boema Ezra neni susulak ndia leo nakabuak dale neu, fo nai ndia hapu touk, inak ma ni'iana fo lalelak so.

ESTER 4:16

“Maloo makabubua basa hataholi Yahudi manai Susan-nala, fo hule-haladoi fe au. Boso mi'a-minu lele'dok 3, ma le'odaek 3. Au boe, ma anafe'oana malalau-maoono au-a, neukose ami okaaom-mala boe. Basa ndia soona, neukose au u leo manek-ka u, leomae dede'ak ndia, la'o lenak esa, soaneu susula nakeketuk-ka. Metema au muse mate, hu kande dede'ak ndia boe, soona nemen-na fo au mate!”

ESTER 4:3

Nai basa propensi lala'en-na boeo, hataholi Yahudi-la kii makaleleu, nai lelek ala po'a-benga manek-ka paletan-na. Ala okaaon-nala, ala kii ma lahoo, ma sila ba'uk-ka pake lafa lapik, de langape'uk lai afu lain.

AYUB 2:12

Tehu lelek bei lai dook-ka, te lakanae litan so, tehu hihii lae, ta lalelak-kana so'on. Boema, ala kii, de ala dola heni halan-nala, ma ala sii-sii lulu'i bua papaken-nala, boema ala nggali afu leo lain neu, ma leo langan-nala lain neu.

YESAYA 22:12

Nai lelek ndia, Manetualain Fo Mademaina, ma Manakoasa, nadenu emi kii ma makaleleu, nggeuheni emi langam-mala, ma pake si'di lafa lapik.

YOEL 2:12

Manetualain nafa'da nae, “Tehu besak ia, fali leo Au mai leon no dale katematuak, boema oka aom-ma, kii ma makaleleu.

IMAMAT 23:39

Ketu-kolu basa, fo mulai hataholi Yahudi-la, bula ka hitun-na, fain sanahulu lima soona, emi muse tao feta faik hitu dalen-na. Fai makasososan-na, ma fai ka falun-na nde been-na, fai hehelik soaneu fai hahaeaok.

YOSUA 7:6

Yosua ma basa hataholi Israel-la, mauli-malangan-nala, dalen-nala he'dis nanseli, nalosa ala sisii-lulu'i bua-lo'an, de lele'dok esa dalen-na, losa le'odae, ala sene-do'ok nai Manetualain Peti Hehelu-balataan matan-na, ma ala tao afu neu langan-nala lain, fo da'di leo ta'du-tana dale he'dik.

NINITAK 11:3

Neukose Au adenu Au sakasiing dua fo ala pake bua-lo'a fafaluk. Neukose ala po'a-benga Manetualain hala na faik lifun esa natun dua nehulu.”

HAKIM-HAKIM 20:26

Boema, hataholi Israel-la leu seluk leo Betel leu, de ala kii neu Manetualain. Ala okaaon-nala losa le'odae nai naa, ma ala tunu-hotu tutunu-hohotu mole-dame, ma tutunu-hohotu nanatunuk soaneu Manetualain.

SEMUEL SUSULAK-KA ESAN-NA 4:12

Hataholi esa neme leo Benyamin-na mai, nalai neme natee-natatik dale mai, de neu leo Silo neu, boema ana losa faik ndia boe. Ana sii-sii lulu'i bua papaken-na, ma ana tao dae neu langan lain, fo da'di ta'du-tana manasusak.

SEMUEL SUSULAK-KA ESAN-NA 7:6

Boema basa-basas lakabubua lai Mizpa. Ala aso oe boema ala po'a henin fo da'di leo tunu-hotuk neu Manetualain basa boema, nai faik ndia dalen-na, ala oka aon-nala. Lafa'da lae, “Ami masala-masingo basa neu Manetualain so.” (Nai Mizpa ndia nde Semuel mulai da'di mauli-alangan neu hataholi Israel-la.)