NEHEMIA 8:3 - Susula Malalaok Hehelu Palak Ma Hehelu Beuk

³ Basa boema Ezra lees fe laun-na Hoholo-lalanek ndia mulai neme fafaik losa le'dohana. Basa-basas lamanene ma ala taoafik besa-besa lon.

NEHEMIA 8:3 Iomraidhean Croise

NEHEMIA 10:29

Ami basa-basam-mala makabubua moo basa ami mauli-malangam-mala, ma ami soo-supa soaneu maso'da tunga Manetualain hoholo-lalanen fo Ana fe basan tunga atan Musa. Sa'di leo been-na Manetualain supa-soo ami, metema ami ta tao matetu hehelu-balataak ia fa. Ami soo-supa, neukose ami tunga basa Manetualain fo ami Manetualaim-ma paletan, hoholo-lalanen ma nakaneneten lala'en-na.

NEHEMIA 13:1

Nai lelek ala lees fe laun-na Musa hoholo-lalanen boema, ala hapu hala nafa'da mangale'dok-ka nde ia nae: ‘Hataholi Amon ma hataholi Moab-pala, ta bole lakabubua loo Manetualain anan-nala fa;

NEHEMIA 8:1

Nai hataholi Yahudi-la bula ka hitun-na, hataholi Israel-la esa-esak leo nahele nai kotan-na so. Nai bulak ndia fain esa boema, basa-basas lakabubua nai Yerusalem, fo nai Lelesuina Oe-a matan-na. Ala loke Imam Ezra fo malelaina nai Hoholo-lalanek ndia fo ela ana ho'i neni Susula Hoholo-lalanek fo nde Susula Hoholo-lalanek fo Manetualain fen neu Israel tunga Musa.

NEHEMIA 8:18

Ala tao feta faik hitu dalen-na. Tunga faik, Ezra lees Manetualain susula Hoholo-lalanen neme baba'ek leo baba'ek neu. Neu fai ka falun-na boema, feta nate'e, nandaa no Hoholo-lalanek nakaneneten-na.

NEHEMIA 8:4

Ezra napadeik neu mimbar ai fo ala sadian soaneu natotongok ndia lain. Hataholi mapadeik manai boboa konan-na nde ia: Matica, Sema, Anaya, Uria, Hilkia, ma Maaseya; ma manamapadeik manai boboa kiin-na: Pedaya, Misael, Malkia, Hasum, Hasbadana, Zakharia ma Mesulam.

NEHEMIA 8:5

Loanak fo Ezra napadeik nai lain ndia, dema lena hataholi sila-la, nalosa basa-basas hapu litan. No lai-laik ana buka susulak ndia boema, basa-basas fo'a lapadeik.

MARKUS 12:37

Da'di metema Dauk noke Mane Mana Fe So'dak ndia nae, ‘Lamatuak’, soona da'di tao leo beek de, Dauk tititi-nonosin Mane Mana Fe So'dak ndia?” Hataholi makadotok manai Manetualain Uman sila la, ala hii lamanene Yesus nanoli.

LUKAS 19:48

tehu ala ta hapu enok soaneu tao fan, nanahu basa hataholi la ka'da lamanene lahelen, ma lahiik hala-kokolan.

LUKAS 8:18

Hu ndia de taoafik matalolole hata fo emi mamanene nana. Nana hataholi fo manamanuu ka, neukose ala fen ba'u ka lena seluk. Tehu hataholi fo ta manuu ka, neukose nanaho'ik neme hataholi ndia mai, leomae bei ela ka'da faa anak nai ndia boeo.”

HATAHOLI 13:15

Ala lees basa Musa Susula na, ma Nabi la Susula na boema, uma mamasok ndia mauli-malanga nala ladenu hataholi neu nafa'da Paulus no nonoo nala nae, “Metema tolanoo kala nau tao matetea-mahehele ma kokoe-nanasi hataholi ia la soona, manduku-malosa kana leona.”

HATAHOLI 13:27

nana hataholi fo mana leo nai Yerusalem mala lo sila mauli-malanga nala ta lame'da fa te, se'kona Hataholi ndia nde mana soi-tefa. Ala ta lalelak nabi la nanolin fo nanalees tunga-tunga fai Saba ta fa, de nalosa ala huku Yesus. Tehu se'ko na no tatao-nono'i leondia ka de ala tao la hata fo nabi la lafa'da ela ka, ana da'di.

HATAHOLI 15:21

Nana neme makahulun eli mai a, ala lees Musa hoholo-lalanen tunga-tunga fai Saba ta nai uma mamaso kala dalek, ma nanatui-bengak nai basa kota lala'ena so.”

HATAHOLI 16:14

Inak esa nai inak sila la dalek nde bee soona, ina mana mase'o tema pila balanggeo kabelik, na'de Lidia, fo neme Tiatira mai. Ana sue-lai Manetualain, de Lamatua ka nakababale dale na, fo ela ana sipok hata fo Paulus nanolin nana.

HATAHOLI 17:11

Hataholi manai Berea la hii lamanene Paulus no Silas tutui-bebengan, lenaheni hataholi Tesalonika la. Lamanene Lamatuak Yesus dede'a-kokolan no namahokok, ma tunga faik ala lees Susula Malalao ka fo ala bubuluk, ade Paulus nanolin sila la tete'e ka do ta.

HATAHOLI 20:11

Basa boema Paulus kae falik leo lain neu, boema ana baba'e fes loti de la'a sama-sama. Paulus kokolak no hataholi sila la losa fafaik, boema ana la'o leona.

HATAHOLI 20:7

Mamaso na fai makasososa na le'odae boema, ami makabubua de ami mi'a-minu sama-sama nono'ka bai tolanoo ka. Le'odaen ndia, Paulus kokolak no hataholi sila la, nana balahaa te ana sanga la'o ndia so. Fatila'da so, te Paulus bei kokolak nakandoo.

HATAHOLI 28:23

Boema basa-basas laketu la faik esa fo latongo seluk. Nai faik ndia, hataholi ba'u ka leu leo Paulus mamana leleo na neu. Neme fafain ndia losa le'donoso, Paulus nafa'da mangalele'dos ma ana tui-benga fes, halak la'eneu tao leo beek fo Manetualain paleta leo Mane ka. Paulus pake Musa ma Nabi la susula na lalane nala fo ana sanga enok, fo daenga lamahele Yesus.

ULANGAN 31:9

Boema Musa sulak-na Manetualain Fo Manakoasa hoholo-lalanen, de ana fen leo imam Lewi fo, ana hapu bela-ba'uk soaneu ana ito-ato Peti Hehelu-balataak-ka, ma ana fen neu basa mauli-malangan Israel-la.

1 TESALONIKA 2:13

Hapu seluk dede'ak fe'ek esa, nde tao na ami moke makasi tataas esa neu Manetualai na. Dede'ak ndia nde ia nae, nai lelek fo ami manduku-malosak halak ndia, ta da'dileo halak neme hataholi daebafa ka mai fa te, da'dileo halak fo te'e-te'e ana mai neme Manetualain mai. Ndia nde mana tao-no'i nai emi fo mana mamahele Kristu sa, ao inan dale.

YOSUA 8:35

Yosua lees basa Musa paletan-nala neu hataholi Israel fo lakabubua nai ndia, nai dalek hapu inak-kala, ni'iana-la, ma hataholi nusa dea manaleo nai sila tala'da.

NINITAK 2:29

Ba'eneu see fo hapu namanene soona, ela leo bee na ana taoafik neu hata fo Manetualain Dula Dale na nafadan neu hataholi kamahehele nala!”

NINITAK 3:22

Ba'eneu see fo ana hapu namanene soona, ela leo bee na ana taoafik neu hata fo Manetualain Dula Dale na nafa'dan neu hataholi kamahehele nala!”