NEHEMIA 8:17 - Susula Malalaok Hehelu Palak Ma Hehelu Beuk

¹⁷ Basa laun fo manafali ma'is leme mamana tu'u-tapak mai, ala tao lalaak sila-la, boema ala leo lema ndia. Ia nde soaneu ka la'i esan-na, ala tao dede'ak ndia, mula neme Yosua fo Nun anan-na tepo-lelen-na, boema basa-basas lamahoko ma laua-lanale.

NEHEMIA 8:17 Iomraidhean Croise

1 TAWARIKH 29:22

Faik ndia la'a linu no namahokok nai Manetualain matan. Boema soaneu ka la'i duan-na, ala po'a-benga Salomo da'di leo manek. No Manetualain na'den-na, ala so'un da'di sila manen-na ma Zadok da'di imam.

2TAWARIKH 30:26

Kota Yerusalem-ma henuk no namahoko-setelee-ka, nanahu neme Dauk anamanen Salomo tepo-lelen-na beita hapu manada'dik sama-na leondiak fa.

2TAWARIKH 35:18

Paskah leondiak-ka, ala ta tao litan so'on mulai neme Nabi Semuel-la tepo-lelen-na mai. Ta hapu manek esa boen neme mane-manek makahuluk-kala mai, ala tao hai feta Paskah sama leo ala taon

2TAWARIKH 8:13

Ana tunu-hotu tutunu-hohotuk sila-la tunga Musa Hoholo-lalanen soaneu tunga-tunga fai malole: fai Sabat, fai malole Bula Beuk, ma fai malole tunga teuk ka telu kala, fo nde fai malole Loti Ta Pake Laluteik-ka, fai malole Keketu-kokoluk-ka, ma fai malole Lalaa Akidook-ka.

EZRA 3:4

Sila boeo tao feta Fai Matua Lalaa Akidook-ka, nandaa no nakanenetek-ka; ma tunga faik, ala fe tutunu-hohotuk, fo nananaketu basak soaneu faik ndia.

YOHANIS 1:14

Dede'a-kokola ka, Ana da'di hataholi daebafak, de Ana leo nai ita tala'da, boema ita tita matua-mademan so. Matua-mademan ndia, Ana sipo kana da'dileo Ama ka Ana kisa na. Tunga Anan ndia, de ita tita Manetualain, ma susue-lalain neu ita.

ULANGAN 16:15

Emi muse tao feta ndia, fai hitu dalen-na, soaneu fe ha'da-holomata neu emi Manetualaim-ma, nai Ana hele mamanak-ka. Mamahoko-setelee, nanahu emi Manetualaim-ma, Ana fe baba'e-papalak neu emi daem-ma buna-boan, ma emi ue-le'dim.

IBRANI 11:13

Basa hataholi sila la lamahehele lahele losa mate. Ala ta sipo dede'ak fo nanaheluk neme Manetualain mai fa, tehu ka'da lita ma ala sipo kana neme doo ka mai. Ma no enok ndia de lafa'da lae, sila ka'da hataholi manamai, ma manasepo-danga nai daebafak ia.

IBRANI 11:9

No namahehele ka, de Abraham leo da'dileo hataholi manama nai nusak fo Manetualain helu basak ndia. Abraham leo nai ndia, nai uma lopo dale. Leondiak boe, Isak ma Yakob, ala sipo heheluk fo sama neme Manetualain mai.

IBRANI 4:8

Metema leo uni ka Yosua fe basa hataholi sila la mamana hahae aok, fo Manetualain helu ka, soona neukose Manetualain ta kokolak seluk la'eneu fai fe'ek esa seluk so'on.

YOSUA 1:1

Mate basa Musa, fo Manetualain atan ndia boema, Manetualain kokolak no Musa limaboa konan-na, fo nde Yosua fo Nun anan-na.