NEHEMIA 8:10 - Susula Malalaok Hehelu Palak Ma Hehelu Beuk

¹⁰ Besak ia, fali me'um-ma leona; mi'a-minu no namahokok. Fe emi nana'a-nininum ma emi angol-la seli leo hataholi manato'a-taak-ka. Faik ia, fai hehelik ba'eneu ita Manetualain-na, da'di boso dale he'di. Namahokok fo Manetualain fen neu emi-a, neukose natetea-nahehele emi.”

NEHEMIA 8:10 Iomraidhean Croise

1RAJA-RAJA 8:66

Neu faik-ka falu na boema, Salomo nadenu hataholi sila-la fali le'us. Hataholi sila-la basa-basas koa-kion boema ala fali leo sila uman no dalen-nala lamahoko, nanahu basa baba'e-papalak fo Manetualain fe basan neu atan Dauk ma neu leoina Israel fo anan-nala.

1 TAWARIKH 16:27

Matua-madema ma Mandela-masa'ak ka poti nalan, uman na henuk no koasa ma namahoko-seteleek.

NEHEMIA 8:11

Hataholi Lewi-la boeo, lakatetesa-lakatatamak laun-na dalen-nala, ma lafa'da do'e-do'e lae, “Dalem-mala boso he'dis nai faik fo hehelik ia.”

NEHEMIA 8:12

Boema laun-na lala'en-na fali le'us, fo la'a-linu, boema ala baba'e fe hataholi fe'ek-kala nana'a-nininuk. Lamahoko nanahu lamanene lelees ndia, boema lalelak sosoa-ndandaan.

ESTER 9:19

Hu ndia de, hataholi Yahudi fo manaleo nai kota anak-kala, ala tao bula Adar-ra fain 14, da'di fai nasanene'dak, da'di leo fai namahokok, faik soaneu feta-dote, boema esa fe esa bua palsen, nalupa nana'a-nininuk.

ESTER 9:22

Nana nai faik sila-la nde ala sengi sila musun-nala, nalosa sila dale he'din ma dale susan-na, nasafali da'di namahokok ma maua-manalek. Hu ndia de, ala muse tao feta soaneu faik sila-la, fo la'a-linu sama-sama, boema esa fe esa nana'ak, ma ala fe hataholi nuu taa-hata taak-kala bua palsen.

MAZMUR 149:2

Mamahoko leon, hai Israel, nanahu o Manamakadada'dim-ma; mamahoko-setelee leon, hai laun Sion-nala lemin, nanahu emi Manem-ma!

MAZMUR 89:17

Nai fai katemak esa dalek, ala lamahoko ma latea-lahele, nanahu O dale malolem-ma.

AMSAL 17:22

Dalek fo henuk no namahoko-seteleek-ka, taon-na aopaak-ka so'da-la'dak; tehu dale manasusak-ka, tao namopo manggatek-ka.

PENGKHOTBAH 11:2

Pe'da o doi pokom-ma neu manadangan mata-matak-kala, sanga-ma enok makadotok. Nana hataholi-a paluu nanea, nai lelek soe-a beita tuni la'e fan.

PENGKHOTBAH 2:24

Ba'eneu hataholi daebafak-ka, ta hapu hata esa malolen-na lena neme nana'ak, nininuk mai fa, ma name'da nita ue-le'din buna-boan. Au ame'da ae ndia boeo, Manetualain baba'e-babatin.

PENGKHOTBAH 3:13

Malole lenak ita basa-basa-tala ta'a ma tinu, boema tame'da tita ita sosota-mamangun buna-boan. Ndia nde been-na, Manetualain baba'e-babatin basa sila-la.

PENGKHOTBAH 5:18

Metema hataholi esa sipo su'i-betes ma hata-heto neme Manetualain mai, ma fen loak name'da nita su'i-betes ndia soona, muse makasi fo na'a nita ue-le'din buna-boan lala'en-na. Ndia nde been-na Manetualain baba'e-babatin boe.

PENGKHOTBAH 9:7

Ayo, ka'da mu'a-minu ma mamahoko-setelee leona, minu o angol-la no namahoko-seteleek. Manetualain nakahe'ik, nakalenak Ana nau.

KIDUNG AGUNG 5:1

Au u leo au osing dale u, fa'ding-ngo, au saoinang-ngo, au hehele akabubua au ai daa tuung-ngala, ma au bumbung-ngala; au u'a au fani popolang-nga, ma au inu au fanioeng-nga, au inu kapoe, ma au angol-la. Mi'a-minu leon, tia-laing-ngala lemin, Minu losa mafuk hu kande susue tou-ta'ek.

YESAYA 49:5

Beita bongi au fa, te Manetualain naloo au, fo au da'di Ndia atan, soaneu au tao akabubua hataholi Israel-la fo ela, ala fali ma'is leo Ndia mai. Manetualain taon-na au da'di, hataholi nanafe ha'da-holomata, Manetualain nde been-na, au bei-balakaing.

YESAYA 61:10

Yerusalem nafa'da nae, “Au amahoko-setelee nanahu Manetualain, au daleng-nga namahoko, nanahu Manetualain. Sama leo manaka'bing touk-ka no inak-ka, ala pake lilo-henu mana'ahiik mesa-mesan, leondiak boe Manetualain fe au pake ba'du so'da-molek, ma ba'du sesengik-ka.

YOEL 2:23

Hai laun Sion-nala lemin, mamahoko-setelee leona! Mamahoko ma eeki-matadale! nanahu basa malole lala'en-na ala mai leme Manetualain, fo emi Manetualaim mai. Ana fe emi u'dan, nai fai hanas mate'ek-ka. Ana fe u'dan-na mai, nai fai makasufun-na, boeo nai fai sele-ngalik-ka, sama leo fai makahulun-na.

ZAKHARIA 14:21

Basa kete manai Yerusalem-mala, ma nai basa Yudea lala'en-na, neukose nanafe hehelik, fo da'di Manetualain Fo Manakoasa pusakan. Laun fo manatunu-hotu tutunu-hohotuk-ka, neukose ana paken, fo ana nasu paa tutunu-hohotuk-ka. Metema, tepo-lelek ndia losa soona, neukose ta hapu manadangan nai Manetualain Fo Manakoasa Uman-na so'on.

LUKAS 11:41

Fo manai emi pinga-mangom dale ndia nde muse emi fen neu hataholi nuu ta-hata ta kala. No enok ndia, basa-basan neukose da'di balisi soaneu emi.

2 KORINTUS 8:2

Sila nanafola basak ninik toto'a-tataa mabelaina la so. Tehu nai toto'a-tataak sila la tala'da, ala lamahoko ma dale nala malole lanseli nai fe tutulu-fafali ka dalek soaneu tulu-fali hataholi fe'ek, leomae sila nuu ta-hata tak lanseli.

FILIPI 3:4

Tunga ndo na, au bisa amahena neu ito-atok sila la neme hataholi fe'e kala mai boe. Nanahu metema hapu hataholi esa, ana dodoo nae, ndia hapu ne'ek soaneu namahena neu ito-atok fo tunga ha'da-tatao ao paak sila la soona, au lena seluk neme ndia mai bai.

NINITAK 11:10

Laun manai daebafa ka, neukose lamahoko sakasii kaduak sila la mamate na. Neukose ala tao feta, ma esa haitua fe esa palsen, nana nabi kaduak sila la lini doidoso ba'u fe hataholi daebafa ka so.

SEMUEL SUSULAK-KA ESAN-NA 25:8

So'ba matane mitak-kasa, te tao leo bee-o, neukose ala ta lalelesi dede'ak ndia fa. Hu ndia de, au amahena, fo ela o sipok au solda'dung-ngala no malole nai o umam, nanahu ami mai la'e, fai matua ia. Boeo, fe o atam ia-la, ma au, Dauk fo o tia-lai malolem-ma, su'di beek fo, o mahiik fen tunga o dale hihiim-ma.”