NEHEMIA 8:1 - Susula Malalaok Hehelu Palak Ma Hehelu Beuk

¹ Nai hataholi Yahudi-la bula ka hitun-na, hataholi Israel-la esa-esak leo nahele nai kotan-na so. Nai bulak ndia fain esa boema, basa-basas lakabubua nai Yerusalem, fo nai Lelesuina Oe-a matan-na. Ala loke Imam Ezra fo malelaina nai Hoholo-lalanek ndia fo ela ana ho'i neni Susula Hoholo-lalanek fo nde Susula Hoholo-lalanek fo Manetualain fen neu Israel tunga Musa.

NEHEMIA 8:1 Iomraidhean Croise

2RAJA-RAJA 23:2

Boema ana la'o sama-sama nos, leo Manetualain Uman neu, ma basa imam-mala, basa nabi-la, ma basa laun-nala lala'en-na, nau nuu-taa hata-taak, do kamasu'i-makabetek boe, fo ala tungas. Boema, manek-ka napadeik neu sila basa-basas matan, fo deka no dii nanadama hehelik, soaneu manek-ka, de ana lees napane'e, susula hehelu-balataak, fo hapun neme Manetualain Uman dale-a, isi-liin. Basa boema, manek-ka tao hehelu-balataak no Manetualain, fo ana tungan, ma nakalala'ok basa Manetualain paletan-na, ma hoholo-lalanen-nala, no dalek-katema tuak, ma no basa aopaa-samanen. Manek-ka boeo naheluk, fo ana tao natetu Manetualain hehelu-balataan no anan-nala, eno-dalan, fo nanasulak nai susulak ndia dalek. Basa laun-na lala'en-na boeo, laheluk, fo ala tunga hehelu-halataak ndia.

2TAWARIKH 34:15

Hilkia nafa Safan nae, “Au hapu Manetualain susula hoholo-lalanen nai Manetualain Uman,” boema ana fe susulak sila-la leo Safan neu.

2TAWARIKH 34:30

boema nos leo Manetualain Uman neu. Basa imam-mala, hataholi Lewi-la ma laun-nala lala'en-na, nau nuu taa-hata taak do kamasu'ik boe, ala la'o sama-sama loos. Nai sila basa-basas matan, fo nai deka no dii matuaina hehelik soaneu manek-ka boema manek-ka napadeik de ana lees napane'e susula hehelu-balataak fo ala hapun neme Manetualain Uman dale-a, isi-liin lala'en-na. Basa boema manek-ka tao hehelu-balataak no Manetualain soaneu ana tungan, ma nakalala'ok basa paletan ma hoholo-lalanen no dale katematuak ma no aopaa samanen, boema ana tao natetu Manetualain tao hehelu-balataak no anan-nala, eno-dalan, fo nanasulak nai susulak ndia dalek-ka.

EZRA 7:1

Teuk lamalala basa boema, nai lelek Artahsasta paleta Persia, boema hapu touk esa na'de Ezra, fo ana da'di neme Imam Matuaina Harun-na, tititi-nonosin mai. Tititi-nonosin-nala tuin neme dae leo lain neu nde ia: Ezra, Seraya, Azarya, Hilkia

EZRA 7:10

Ezra tao la'iesak dudu'a-aafin neu palisak besa-besa no, Manetualain Hoholo-lalanen, ana tao tungan, boema nanoli basa nakeketuk lala'en-na no nakaneneten-nala, neu leoina Israel-la.

EZRA 7:11

Susula teu netek fo, Mane Artahsasta fen leo Ezra, fo imam esa, ma malelaina nai hoholo-lalanek dalek-ka, isin-na nae leo ia

EZRA 7:6

Ezra hataholi malelaina esa, de ana bubuluk ba'uk-ka, la'eneu Hoholo-lalanek, fo Israel Manetualain-na, fen neu Musa. Hu kande Ezra Manetualain-na ba'e-palan, de Ana fen basa hata fo ana noken. Mane Artahsasta paleta neu teu ka hitun-na, boema Ezra neme Babel leo Yerusalem neu, sama-sama no hataholi Israel bubuak esa, fo nde imam de'ubee, hataholi Lewi-la, manamakameek-kala, boema manamanea nai Manetualain Uman-na, lelesuinan-na, ma basa manatao bela-ba'uk-kala.

NEHEMIA 12:26

Hataholi sila laso'da nai Yoyakim fo Yesua anan-na ma Yozadak upun-na tepo-lelen-na, ma nai Gobelnol Nehemia ma Imam Ezra, fo malelaina nai hoholo-lalanek ndia, tepo-lelen-na.

NEHEMIA 12:37

Ala losa Lelesuina Oe Lili'dok-ka boema, ala heo de ala kae edak Kota Dauk-ka, tunga Dauk uma manen-na, boema ala fali ma'is leo papala nanadamak manai Lelesuina Oe-a nai kota boboan dulu.

NEHEMIA 8:16

Boema laun-nala leu ho'i ai ndanak sila-la. Sila basa-basas tao lalaak nai uman-nala kala matetun lain, nai uman-nala so'dan-na, nai Manetualain Uman-na so'dan manai uluk-ka, nai mook fo manadeka no Lelesuina Oe-a ma nai mook manadeka no Lelesuina Efraim-ma.

NEHEMIA 8:3

Basa boema Ezra lees fe laun-na Hoholo-lalanek ndia mulai neme fafaik losa le'dohana. Basa-basas lamanene ma ala taoafik besa-besa lon.

YESAYA 8:20

Soona mataa mae leo ia, “Mamanene Manetualain nanolin-na! Hataholi fo ana kokolak ta nandaa no nanolik ndia fa soona, ta nanuu namahehenak fa.”

IMAMAT 9:5

Leni Musa helu basa hata-la, leo lalaa Temak-ka matan-na neu, ma basa salanik lala'en fo lakabubua lai ndia soaneu ala sene-do'ok neu Manetualain.

MALEAKHI 4:4

Mafandendelek Au atang Musa nanolin-nala, mafandendelek hoholo-lalanek ma paleta-paleta fo Au fen neme Lete Sinai-a, soaneu basa hataholi Israel-la lala'en-na, tao tungan.

MATEOS 13:52

Boema Yesus nafa'das nae, “Hu ndia de mese agama see, fo ana da'di Manetualain hataholi kamahehelen soona, hataholi ndia sama na leo uma lamatuak esa, fo ana kalua bua beu palan neme petin dale mai.”

MATEOS 23:13

“Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi mapanggengge hataholi soaneu ala da'di lima eik neme Manetualain hataholi kamahehele nala mai. Emi nde ta nau da'di lima eik neme Manetualain hataholi kamahehele nala mai fa, boema hataholi mana nau kala, emi mapanggengges. [

MATEOS 23:2

“Mese agama la ma hataholi Farisi la hapu koasa, soaneu lafa'da mangalele'do Musa hoholo-lalanen.

MATEOS 23:34

Mamanene matalolole, te neukose Au haitua fe emi nabi-nabi, hataholi manatee tenok, ma mese-mese nala; tehu neukose emi taomisa hataholi sila la nggelok, boema emi lona nggange nggelok. Hapu nggelok neukose emi fepa-li'us nai uma mamaso kala dalek, ma emi usis leme kota esa leo kota esa.

ULANGAN 31:11

emi muse lees mapane'e, hoholo-lalanek ia-la neu hataholi Israel fo, manamai sene-do'ok neu emi Manetualain-ma, nai Ana hele mamanak-ka.

HAKIM-HAKIM 20:1

Boema hataholi Israel-la lala'en-na, ala mai leme Dan nai kii, losa Bersyeba nai kona, ma Gilead nai dulu, fo tao latetu hala nalolook ndia. Lakabubua, ma dalek esa lai Mizpa, nai Manetualain matan.

HAKIM-HAKIM 20:8

Hataholi makabubuak manai sila-la, ala fo'a lapadeik sama-sama ma lae, “Ita basa-basa-tala, esa boen, ta bole fali ne'un leo ofun do uman-na neu fa.