NEHEMIA 7:6 - Susula Malalaok Hehelu Palak Ma Hehelu Beuk

⁶ Hataholi nanafook sila-la, ba'uk-ka la'oela propensi Babel-la, de ala fali ma'is leo Yerusalem ma Yehuda mai, de esa-esak fali ne'un leo kotan-na neu. Ala leo dook-ka lanseli neme mamana okak manai Babel-la, mulai neme Mane Nebukadnezar-ra foo nenis leo naa neu da'dileo hataholi nanafook.

NEHEMIA 7:6 Iomraidhean Croise

2RAJA-RAJA 25:11

Basa boema, laun bei manai kota dale-la, nde tuka malelaina-la, fo bei ela hataholi-la, nde hataholi nuu-taa hata-taak-kala, ma hataholi manamalaik leo hataholi Babel-la leu-a, Nebuzaradan foo nini la'iesak-kasa leo Babel neu.

EZRA 5:8

Ela leo been-na, Ama Manek bubuluk, mae ami meu leo propensi Yehuda meu so, de ami mita Manetualain Fo Matuaina Uman-na, lafofo'a falik-kana, nenik batu matuaina mesa-mesan, ma lapadedeik tama seluk ai neu papala nanadaman-nala. Ala tao besa-besa loo bela-ba'uk ndia, de ta nakakai fa, ma lai-laik.

EZRA 6:2

Tehu susula liik la'eneu dede'ak ndia, ta hapun neme Babel fa, te hapun nai kota Ahmeta, fo nai nusa Media. Susula liik ndia, nanasulak nai susulan-nanalunuk esa dalek, de liin-na nae leo ia,

NEHEMIA 1:3

Ala tui lae hataholi nanafoo haik fo manafali ma'is leo dae-oen mai sila-la, besak ia laso'da no doidosok ma ala hapu nakamumulu-nakamamaek neme leoina nusa dea manai titia-tatain-nala. Bai te, kota Yerusalem-ma papala nanadaman-nala lutu-lutu, de bei besenggela-besenggali ma lelesuinan-nala beita nanatao matalololek neme lelek makahulun-na nanahotu henik-ka mai.

NEHEMIA 7:7

Sila mauli-malangan-nala nde, Zerubabel, Yesua, Nehemia, Azarya, Raamya, Nahamani, Mordekhai, Bilsan, Misperet, Bigwai, Nehum ma Baana.