NEHEMIA 7:5 - Susula Malalaok Hehelu Palak Ma Hehelu Beuk

⁵ Hu ndia de, Manetualain nakababale au daleng-nga, soaneu au alo akabubua basa laun-nala ma basa mauli-malangan-nala boema lasi ngolok-kala, fo ela au hapu lekes tunga esa-esak susula bei-ba'in. No enok ndia de, au hapu susulak la'eneu hataholi manafali makasososak leme mamana tu'u-tapak mai. Susulak nanasulak nai nisidaen ia nde bee soona, au hapu tutui mangale'dok neme susulak ndia mai nae:

NEHEMIA 7:5 Iomraidhean Croise

EZRA 7:27

Boema Ezra nae, “Koa-kio Manetualain fo ita bei-ba'i kain-nala, sene-do'ok-ka! Ana nakababale basa manek-ka dalen-na, nalosa ana nau taoafik neu ka'da Manetualain Uman-na nai Yerusalem.

NEHEMIA 5:19

Au dokodoe ou Manetualain, mafandele hata fo au tao basan soaneu leoina ia, ma ba'e-pala au leona.

NEHEMIA 6:14

Au hule-haladoi ae, “Ou Manetualain, mafandendelek hata fo Tobia ma Sanbalat taon ndia. Hukus leona! Leondiak boe, nabi inak fo mana'de Noaja ma nabi-nabi fe'ek fo ala nau lakabibiik au-a.”

NEHEMIA 7:4

Yerusalem nde been-na kota maloaina, tehu laun-nala ka'da lumanak, ma uma beita ba'uk-ka fa.

AMSAL 2:6

Manetualain nde manafe manatee-tenok-ka; hataholi daebafak-ka hapu malelak ma dudu'a-aafi manadaik neme Ndia mai.

AMSAL 3:6

Mafandendelek Manetualain nai basa hata lala'en fo o tao-no'ik-ka dalek, soona neukose natu'du fe o, so'dak malole-a eno-dalan.

1 KORINTUS 15:10

Tehu, hu ka nde Manetualain susue-lalain, de au da'di sama leo au fo besak ia. Ma ta palsuma, Manetualain fe do'o do ampon neu au fa. Nakalenak bai, au nde puselaipana lenaheni basa Lamatua ka hataholi nadedenu fe'e nala; Tehu tunga ndo na au ue-osang ta ndia fa; te ndia fo Manetualain manasue-lai au ma manatao-no'i sama-sama no au a, ue-osan ndia.

2 KORINTUS 3:5

Ami ta manuu ne'ek hata esa boen soaneu ami mafa'da mae, ami mapalani tao-no'i ue-le'dis ia, tehu Manetualain nde fe be'i-balakaik ndia neu ami a.

2 KORINTUS 8:16

Ami moke makasi ba'u ka neu Manetualain, nana sama leo ami boe, de Ana tao na Titus te'e-te'e tulu-fali emi, de ana tulu-fali emi!

KOLOSE 1:29

Hu ka nde dede'ak ndia de, au puse laipana nai lau-ono ka dalek. Au alalau-aoono unik be'i-balakaik fo Kristus fen neu au lala'e na. Be'i-balakaik ndia, henuk no Manetualain koasa na, nai au so'da nga dalek.

YAKOBIS 1:16

Tolanoo susue-lalai ngala lemin, boso fe hataholi ke'dindiu emi!