NEHEMIA 6:13 - Susula Malalaok Hehelu Palak Ma Hehelu Beuk

¹³ Sila dale tutu'un-na nde, fo ela au bii, fo au tunga sila hahapun-na fo daenga au tao sala-singok. No enok ndia, ala hapu loak tao langgenggeo au na'deng-nga, fo hataholi-la kokolak au.

NEHEMIA 6:13 Iomraidhean Croise

NEHEMIA 6:12

Au tai dodoo basa dede'ak ndia boema, au ame'da ae Semaya lelekon ndia, ta neme Manetualain mai fa, te neme Tobia ma Sanbalat mai. Ala solo Semaya fo nanduku-nalosak dede'a nafa'da elak ndia neu au.

NEHEMIA 6:6

isin-na nae leo ia: “Gesyem nae hala-hala anin manai leoina titia-tataik ia tete'ek-ka, de lafa'da lae Tolanook-ka ma basa hataholi Yahudi-la tutu'u eno makahatuk, hu ndia de Tolanook-ka tao nahii kota papala nanadaman-na. Boeo nafa'da nae, Tolanook-ka sanga so'u aon da'di mane Yehuda,

AMSAL 22:1

Na'de malole-a, belin-na lena heni, hata-heto makadotok-ka; hataholi sue-lai ita, malole lena neme ana fe ita lilofulak ma lilopilas.

AMSAL 29:5

See so'u laik nonoo hataholin-na soona, ana lona hihi'ik, soaneu aoinan-na.

PENGKHOTBAH 7:1

Na'de kaboomenik-ka, malole lena neme mina kabeliina mai; Ma fai mamatek-ka, malole lena neme fai bobongik-ka mai.

YESAYA 51:7

Hai Au leoinang-ngala lemin, mamanene Au leona, emi bubuluk hata fo la'en; Au nanoling-nga, nanape'dak nai o dalem dale. Metema, hataholi daebak-ka, hakinonoli o soona, boso bii, metema ala lakadadaek o soona, dalem-ma boso ba'ihana.

YESAYA 57:11

Manetualain nafa'da nae, “See lamatua daebafak sila-la, de ala tao-la emi bii-mamata'u, nalosa emi masapepeko-masandandali, ma ta mafandele Au fa? Ade, emi ta sene-do'ok neu Au so'on, nanahu Au denge-denge dook-ka nanseli do?

YEREMIA 1:17

Yeremia, maheheleaom leona! Muu leona, fo manduku-malosak neus, basa hata fo Au paletan neu o. Boso bii-mamata'u neus, fo ela Au boso tao-ala o boetai bii-mamata'u seluk, metema o masasalematak moos.

YEREMIA 18:18

Hataholi-la lafa'da lae, “Mai fo ata tao naabua makahatuk soaneu la'ban Yeremia. Ta ka'da ndia mesak-kana kokolak no Manetualain fa. Te neukose hapu imam fo manamanoli-manamafa'da, hapu hataholi manatee-tenok fo ana hapu fe nanoli-nafa'da; ma hapu nabi fo ana bisa nanduku-nalosak hehelu-hoholok neme Manetualain neu ita. Mai fo ita kalak-kana lo manamaketu-mala'di-la neu, fo ela ita ta tamanene dede'a-kokolan seluk fa.”

YEREMIA 20:10

Au amanene hataholi-la lamakukutuk nai basa mamanak-kala, “De bibii-namata'uk-ka boetai namatuak-ka! Mai fo tafa'da lo manakoasa!” Nakalenak basa u tia-laing-ngala lala'en-na lahani au tutu'dang-nga. Ala lafa'da lae, “Fafa'kama nenik fufu'di-oodok, ndia ita hapu tao takalan, fo ela ita hapu balas nanape'da-dalek neun.”

YESKIAL 2:6

Tehu o, hai hataholi daebafak manasapu-lalok-konei, boso bii-mamata'u neu basa malenalanga-masabasook sila-la, ma neu sila hala-kokolan-nala. Neukose, ala lena-la'ban o, ma lakamumulu-lakamamaek o, nalosa o maso'dam-ma, nono'kabai nai kulak-ka tala'da. Leomae leondiak boe, boso bii-mamata'u.

MATEOS 10:28

Boso bii neu hataholi kanisa ao paa ka, nana sila ta lanuu koasa, fo tao lisa samane ka fa. Bii neu ka'da Manetualain, fo nanuu koasa taonisa la'iesak emi ao paa samanem nai tasi ha'ik dale.

MATEOS 22:15

Basa boema hataholi Farisi la lakabubua, fo lalahalak la'eneu tao leo beek fo ala hapu lakahihi'ik la Yesus ninik natatanek.

MATEOS 26:59

Malanga ima mala ma basa mana Maketu Mala'di Agama Matua Ina, ala sanga enok fo ala hapu sakasii pepekok soaneu laketu huku lisa Yesus.

HATAHOLI 6:13

Ma lo hataholi mana sakasii masapepeko kala, fo ala fe sakasii la'eneu Stefanus. Sakasii masapepekok sila la lae, “Hataholi ia nakamumulu-nakamamaek Manetualain Uma malalao-malalafu na tataas esa, ma nakamumulu-nakamamaek Manetualain paletan fo Musa naduku-nalosa kala.

2 KORINTUS 11:12

Hata fo au taon besak ia, neukose au tao-no'i akandoon, fo ela “hataholi nadedenu” fe'e kala ta lanuu ne'ek soaneu lamatutua-lamadedema aoina nala, ma lafa'da lae sila laue-lale'di sama leo ami.

1 TIMOTIUS 5:14

Hu ndia de, au nau inafalu muli solu kala sao seluk fo ala hapu anak, ala ito-ato uma loon, fo ela ita musu noo na, boso hapu loak, tao langgenggeo ita na'de na.

2 TIMOTIUS 1:7

Nana Manetualain fe ita Dula Dale ka, ana ta tao na ita da'di hataholi mana bii-mamata'uk fa. Te Manetualain Dula Dalen ndia nde, tao na ita tatea-tahele, ana tao na ita dale na henuk no susue-lalai ka, ma ita takatatakak ta ita ao ina na.

TITUS 2:8

Metema o kokolak soona, kokolak pake dede'a-kokolak manatee tenok, fo hataholi boso nakamuu-nakadau o hala-kokolam, fo daenga o musu noo mala ala mae, nana ta hapu o dede'a-kokola mangalaum esa boen fo, ala paken soaneu ala laban ita.

YAKOBIS 4:17

Hu ndia de, hataholi fo ana bubuluk basa, hata malole bee ka nde, muse ana tao-no'i nana, tehu ana ta tao-no'i fan, soona hataholi ndia nasala-nasingo.

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”