NEHEMIA 5:5 - Susula Malalaok Hehelu Palak Ma Hehelu Beuk

⁵ Ade ami ta hataholi Yahudi fa do? Ade ami anam-mala ta sama no hataholi Yahudi fe'ek-kala anan-nala fa do? Leomae leondiak boe, no nakasetik ami po'ilotak ami anam-mala da'di ata. Nakalenak ami mase'o heni ami anafe'oanam-mala fo da'di ata. Ami ta mala so'on, nanahu ami ngga'de heni ami tinam-ma, ma ami osi angol-la so.”

NEHEMIA 5:5 Iomraidhean Croise

KEJADIAN 29:14

Laban nae, “Memak tete'ek-ka, o ia teidalek fo, ana deka no au.” Yakob leo neme ndia, bulak esa dalen-na.

KEJADIAN 37:27

Mai fo ata tase'on leo hataholi Ismael sila-la neu. Ta paluu ita fen name'da he'dis fa. Tao leo beek boeo, ita fa'din ndia.” Tolanon-nala lakaheik,

2RAJA-RAJA 4:1

Faik esa boema, nabi manamatek esa, soainan-na neu leo Elisa neu, de nafa'da nae, “Ama, au saotoung-nga maten so! De Ama bubuluk, mae ndia boeo, hataholi manatunga Manetualain boe, tehu nahuta hataholi esa. Besak ia, hataholi ndia, ana mai fo ana ho'i-na au anang duas, fo ana taos da'di ata, fo ketu au saotoung-nga huta-bu'un.”

AMSAL 22:7

Hataholi kamasu'i-makabetek-ka, ana koasa hataholi nuu-taa hata-taak-ka; hataholi manafe totonak-ka, ana koasa hataholi manatonak-ka.

YESAYA 50:1

Manetualain nafa'da Israel nae, “Hai Au anang-ngo nei, o maedaenga, Au usiheni o sama leo saotouk esa, usiheni saoinan-na do? Metema leondiak soona, susulan-naelak-ka, nai bee? O maedaenga, Au ase'oheni o, sama leo amak esa, nase'o anan-na, leo manala'ok hutak-ka neu do? Ta! O nanafook, ma nanatu'u-tapak, hu kande o sala-singom, ma o tatao-nono'i mangalaum-ma!

YESAYA 58:7

Baba'e emi nana'a-neninum neu hataholi kamala'ak-kala, sipok hataholi uma tak-kala nai emi umam. Fe hataholi makaholak-kala, bua papakek, ma boso tipa emi tolanom fo, ana paluu tutulu-fafalik.

MATEOS 18:25

de ana ta hapu bae nala fan. Da'di manek ndia, ana fe paleta fo lase'o ata ndia no saoana nala, ma basa hata-heton lala'ena, fo ana bae ketu huta nala.