NEHEMIA 5:2 - Susula Malalaok Hehelu Palak Ma Hehelu Beuk

² Nggelok lafa'da lae, “Au anang makadotok. Ami paluu gandum fo ami maso'da.”

NEHEMIA 5:2 Iomraidhean Croise

KEJADIAN 41:57

Hataholi la mai leme basa daebafak-ka lala'en-na soaneu asa gandum neme Yusuf mai, nanahu la'andoes matuaina nai mamanak lala'en-na.

KEJADIAN 42:2

Au amanene lae hapu gandum nai Masir; meu leo naa meu, fo asa gandum fo ela boso mate ita too la'andoes-sa.”

KEJADIAN 43:8

Boema Yehuda nafa'da aman nae, “Po'i ni'iana ndia ana tunga, fo au nde anea ni'iana ndia. Neukose ami la'o no lai-laik, fo ela boso mate ita esa boen no la'a ndoes sa.

KEJADIAN 47:19

Boso po'ilotak mate ami! Boso po'ilotak ami tina-osim da'di dae tokotiik. Asa-ma ami, ma ami dae-oem nenik gandum, da'dineu baba'en-na. Ami ma ami dae-oem, neukose ala da'di manek-ka nuun. Fe ami gandum fo ami mi'a, ma tao bini-ngges soaneu ami sele-nggali neu ami tina-osim!”

2RAJA-RAJA 4:1

Faik esa boema, nabi manamatek esa, soainan-na neu leo Elisa neu, de nafa'da nae, “Ama, au saotoung-nga maten so! De Ama bubuluk, mae ndia boeo, hataholi manatunga Manetualain boe, tehu nahuta hataholi esa. Besak ia, hataholi ndia, ana mai fo ana ho'i-na au anang duas, fo ana taos da'di ata, fo ketu au saotoung-nga huta-bu'un.”

NEHEMIA 5:3

Hapu nggelok lafa'da lae, “No nakasetik, au nga'de heni au tinang-nga, osi angol-la, ma ami umam-ma soaneu asa gandum, fo ela boso mate ami no la'as-sa.”

HAGAI 1:6

Emi sele-nggali basa bini ngges makadotok so, tehu emi ketu-kolu faanak. Emi manana'ak de emi mi'a, tehu emi ta makabete fa. Emi manuu angol de emi minu, tehu emi dalem-ma, ta namahoko fa. Emi manuu bua papakek, tehu ta dai, soaneu tao nato'bi emi aoinam-ma fa. Ma kuli-la sipo ngga'di-a, ta dai soaneu tao natetu so'dan-nala fa.

MALEAKHI 2:2

Fe ha'da-holomata neu Au nenik emi tatao-nono'im. Metema emi ta nau mamanene Au dede'a-kokolang fa soona, neukose Au soo-supa emi. Emi sipo basa baba'e-papalak-kala, neukose nasafali da'di soo-supak. Tete'ek-ka, Au soo-supa basa hata malole sila-la so, nanahu emi ta tao taoafik neu Au paletang-nga fa.

ULANGAN 23:19

Metema, emi fe hataholi nusa dea, ana tona doik soona, emi bole moke bunak. Tehu metema, emi fe emi leoinam esa, ana tona doik, do nana'ak, do bua-lo'a fe'ek soona, emi ta bole moke bunak fa. Metema, emi tunga paleta ndia, soona emi Manetualaim-ma, fe baba'e-papalak neu basa hata lala'en fo, emi tao-no'in nai nusak fo emi mangatuu-man ndia.