NEHEMIA 5:11 - Susula Malalaok Hehelu Palak Ma Hehelu Beuk

¹¹ Ela leo been-na, emi boeo tao mamopo heni laun-na huta-bu'un-nala neu emi ndia, nau nalupa tali-doik do gandum, nau angol do mina setun boe. No lai-laik, fe falik sila tinan, osi angol, mina setun ma uman-nala.”

NEHEMIA 5:11 Iomraidhean Croise

NEHEMIA 5:10

Au boe, au tolanoong-ngala ma au tia-laing-ngala, tona fe laun-na doik ma gandum so. Neukose ami ta moke falik-kasa fa.

NEHEMIA 5:12

Boema basa mauli-malangan sila-la lataa lae, “Neukose ami tunga nanoli-nafa'dak ndia. Neukose ami fe falik la'iesak-kasa, ma ami ta makasetis fo ala bae hata esa boen.” Boema au aloo basa imam-mala, ma au adenu mauli-malangan naka'sa soo-supa nai imam-imam sila matan, lae hata fo sila kokolak-kana ndia, tete'ek-ka neukose ala tao latetun.

YESAYA 58:6

Au ahiik okaaok-ka, nde ia: Se'iheni, lange tuni-ndenik-ka, ma lulu'a-lelepa ta ndoos ma matetuk-ka, ma soi-po'i hataholi fo nanatuni-ndenik-kala.

LUKAS 3:8

Matu'du minik emi tatao-nono'im mae emi tukatei-saledale basa neme emi sala-singom mai so. Boso mafa'da mae Abraham nde bee na, emi bei-ba'ikaim. Mafandendelek: te neme batu ia la mai boeo, Manetualain nabi'i tao tititi-nonosik soaneu Abraham!

ULANGAN 6:11

Uman-nala, henuk no bua-lo'a neulauk mesa-mesan, tehu emi ta nde tao mahenu uma sila-la fa. Neukose emi mita oedolu-la, tehu emi ta nde kali oedolu sila-la fa. Neukose emi mita osi angol ma osi setun-nala, tehu emi ta nde sele sila-la fa. Metema, Manetualain no emi leo nusak ndia neu, fo emi manuu basa hata lala'e fo, emi mahiik mi'an soona,

SEMUEL SUSULAK-KA ESAN-NA 12:3

Besak ia, au apadeik nai emi matam! Metema au tao salak soona, kalaak au nai Manetualain matan, ma nai Ana hele manek-ka matan. Au ho'i hai hataholi fe'ek sapin do keledein so do beik? Au tipu-dai hai, do tuni-ndeni hai, do sipo doi sosolo dalek hai so do beik? Mafa'da leona, fo au ho'i-a su'di beek-ka soona, au fe falik-kana.”