NEHEMIA 4:6 - Susula Malalaok Hehelu Palak Ma Hehelu Beuk

⁶ Tehu ami tao matalolole makandoo papala nanadamak ndia, de basa boema ta doo anak boen te, papala nanadamak-ka sa'e losa tala'da so, nana laun-na tao-no'i no manggatek nanseli.

NEHEMIA 4:6 Iomraidhean Croise

1 TAWARIKH 29:14

Te'e-te'e au ma au laung-nala ta hapu fe O hata esa boen, nanahu basa hata lala'en-na nde been-na O baba'e-babatim ma hata fo ami fek ia nde been-na O nuum boe.

1 TAWARIKH 29:3

Nakalenak hu kande au susue-lalaing ba'un-na seli soaneu au Manetualaing-nga Uman ndia de, au fe basa au lilofulang lilopilang neme hata-heton-nala mai boe;

2TAWARIKH 29:36

Boema Manek Hizkia ma laun-na lamahoko, nanahu Manetualain tulu-fali sila, de ala tao basa sila-la ka'da nai fai nggenggeloanak esa mesak-kana.

NEHEMIA 4:5

Boso fe do'o do ampon neu tatao-nono'i mangalaun-nala, ma boso mafandeleheni sala-singon-nala, nana lakamumulu-lakamamaek basa ami, fo besak ia ami mafofo'a O umam-ma ia.”

NEHEMIA 4:7

Lelek Sanbalat, Tobia ma hataholi maleme Amon ma Asdod mai, boema hataholi Arab-pala lamanene lae Yerusalem papala nanadaman fo nanatao nahiik ndia, boetai la'ok nakandoo ma lamanene lae ala mulai dama ketu papala nanadamak-ka bolon-nala, boema lamanasa lanseli.

NEHEMIA 6:15

Papala nanadamak ndia tao matalololen-na, na'a faik limahulu dua, de basan neu hataholi Yahudi-la bula Elul-la, fain duahulu lima.

MAZMUR 110:3

Nai faik o mai no koasa, nai pupukuk malalao-malafuk-ka, o laum-mala tutulumatak no sila hihii-nanau mesan-na. Sama leo dinis-sa nai fai fafain-na, basa touana muli-soluk-kala, ala mai leo o mai.

MAZMUR 122:3

Yerusalem, kota fo nananafofo'ak da'di leo kota nananakatoto'dok no malole ma mana'ahiik.

HAGAI 1:14

Boema, Manetualain nakababale Gobelnol Zerubabel-la, Imam Matuaina Yosua, boema basa hataholi manafali ma'is leme mamana tu'u-tapak mai-a, dalen-nala, fo ela basa-basas lafofo'a Manetualain fo sila Manetualain, Uman-na.

FILIPI 2:13

nana Manetualain nde tao-no'i dede'ak sila la, nai emi ao inam dale, soaneu emi nau ma emi tao mabe'i Manetualain hihii nanaun.

IBRANI 13:21

Sa'di tao leo bee na Manetualain, fo oe mata mole-dame ndia, tao natetu-nandaa emi, ninik basa hata malole fo emi paluun soaneu tao-no'i hihii-nanaun. Sa'di leo bee na, no Yesus Kristus hehela-nonolen, de Manetualain tao-no'i nai ita dalek, hata fo nahii kana. Ela leo bee na, Kristus nanakoa-kiok losa dodoo na! Amin.