NEHEMIA 4:10 - Susula Malalaok Hehelu Palak Ma Hehelu Beuk

¹⁰ Tehu hataholi Yehuda-la mulai lakamee nakamee haladoik-ka nde ia: “Basa ita be'i-balakain soaneu so'u basa ia-la, tehu kadafuk bei makadotok ladodou. Fafa'kama ita ta tabe'i tao ue-le'dis leo iak soaneu tafofo'a kota ia papala nanadaman-na fa.”

NEHEMIA 4:10 Iomraidhean Croise

2TAWARIKH 2:18

Ana ba'e fe hataholi lifun hituhulu soaneu so'u uma ai batun, lifun faluhulu soaneu pa'a batu nai letelepak-ka, ma lifun telu natun nee soaneu lanea ma ala ho'u tatao-nono'ik ndia.

2TAWARIKH 34:13

ala fes lanea hataholi manalu'a ai-batu-la, lalanga hataholi manamaue-male'dik manai tatao-nono'ik mata-matak-kala, ala da'di hataholi manasulak susulak, ma lanea lelesu-la.

NEHEMIA 4:11

Tehu ami musum-ma ana tutu'u nai dalen dale soaneu sapun-na ami no kaiboik, fo taonisa ami, nalosa ami ue-le'dim nate'e.

NEHEMIA 4:2

Ana kokolak nai tia-lain-nala ma solda'du Samaria-la matan nae, “Hataholi Yahudi manafuu-mopok, ma ala ta bisa tao hata esa boen ndia, ala tao bek ndia. Ade ala sanga lafofo'a falik kota ia do? Sila laedaenga tataos ndia bisa basan nai faik esa dalen-na, ka'da nenik tunu-hotu tutunu-hohotuk do? Ade ha'i na'a naputu kadafu madodouk sila-la, sila bisa taos da'di papala nanadamak-ka batun-nala do?”

NEHEMIA 4:9

Hu ndia de ami hule-haladoi neu ami Manetualaim-ma, ma lele'do-le'odaen ami manea kota ndia.

YESKIAL 29:18

“Hai hataholi daebafak fo, manasapu-manalalok-konei, Mane Nebukadnezar-ra, neme Babel mai, neu sapu-na Tirus. Ana nadenu solda'du-la, ala lepa lelepa mabelaina, nalosa langan-nala da'di polik, ma kosuheni alu loun-nala, tehu nau manek-ka, do solda'du-la boe, ala ta hapu hata esa boen, neme sila sosota-mamangun ndia mai fa.

HAGAI 1:2

Manetualain Fo Manakoasa nafa'da Hagai nae, “Leoina ia, nafa'da nae, fain-na beita losa, soaneu naofo'a falik Manetualain Uman-na fa.”

BILANGAN 13:31

Tehu hataholi manafali ma'is sama-sama loo Kaleb sila-la lafa'da lae, “Ta, ita balakain-na ta dai, soaneu teu sapu talas. Nusak ndia, laun-nala balakain lena ita.”

BILANGAN 32:9

Ala losa Bafak Eskol-la so, de lita dae ndia so boe. Tehu nai lelek ala fali ma'is boema, ala tao-la leoina Israel-la bii masok leo dae fo, Manetualain fen leo sila neu.