NEHEMIA 2:14 - Susula Malalaok Hehelu Palak Ma Hehelu Beuk

¹⁴ Basa boema, ami la'ok makandoo meme kota boboan dulu leo kii meu, fo leo Lelesuina Oe Manasikouk-ka ma Lifu Manek-ka meu. Tehu hapu enok nai ndia, soaneu au sa'e keledei ndia fa, nanahu ai batu manadodouk ba'uk-ka nai ndia.

NEHEMIA 2:14 Iomraidhean Croise

2RAJA-RAJA 18:17

Tehu, mane Asyur ndia, haitua solda'du bubua matuaina esa, neme Lakhis mai, fo leu sapu-la Yerusalem. Malanga solda'du manai lain 3, lauli-lalanga solda'du bubuak ndia, fo nde malanga solda'du manai lain esa, malalu-maoono nininuk esa ma esa neme, manek-ka manamanean-nala, malangan-na mai, Lelek, ala losa kota ndia, boema ala ho'i mamanak nai tina, fo loken lae Tina Penatu, fo ana deka no, oelolok fo manafaa neme lifu manai lain-na mai.

2RAJA-RAJA 20:20

Tutu'i fe'ek la'eneu manek Hizkia, la'eneu tatao-nono'i malolen-na neme palani ta'ti batun-na mai, ma tao leo beek de, ana tao lifu ma oelolok, fo oe-a faa leo kota dale neu, basa-basan nanasulak, nai Mane-manek Yehuda-la, susula Tutu'in dale.

2TAWARIKH 32:30

Manek Hizkia ndia nde bakate'te oemata Gihon-na oen-na, de ana fe oen-na faa tunga besi oe-la lai dae dale leo kota Yerusalem-ma dalek neu. Basa hata lala'en fo Hizkia tao-no'in neni buna-boak.

NEHEMIA 12:37

Ala losa Lelesuina Oe Lili'dok-ka boema, ala heo de ala kae edak Kota Dauk-ka, tunga Dauk uma manen-na, boema ala fali ma'is leo papala nanadamak manai Lelesuina Oe-a nai kota boboan dulu.

PENGKHOTBAH 2:6

Au kali lifu, fo oe faa leo bubu'u-palusa neu, ma ana faa leo osi sila-la dalek neu.