NEHEMIA 2:13 - Susula Malalaok Hehelu Palak Ma Hehelu Beuk

¹³ Lelek ami la'oela kota tunga Lelesuina Bafak-ka nai muli te bei le'odaek. Ami la'ok masale leo kona meu, fo leo Lelesuina Kadafuk-ka meu, de ami tunga Oe Mata Naga. Nai leleo-lala'ok ndia dalek, au palisak nalutu-nalutuk manai kota papala nanadaman-nala, de au ita lelesuina fo ha'i na'a nalutuk-kala boe.

NEHEMIA 2:13 Iomraidhean Croise

2TAWARIKH 26:9

Soaneu tao natea-nahele kota Yerusalem-ma, de Uzia napadedeik uma puni madema nai Lelesuina Bu'uk-ka, nai Lelesuina Bafak-ka ma nai papala nanadamak-kala bu'u-nala.

NEHEMIA 1:3

Ala tui lae hataholi nanafoo haik fo manafali ma'is leo dae-oen mai sila-la, besak ia laso'da no doidosok ma ala hapu nakamumulu-nakamamaek neme leoina nusa dea manai titia-tatain-nala. Bai te, kota Yerusalem-ma papala nanadaman-nala lutu-lutu, de bei besenggela-besenggali ma lelesuinan-nala beita nanatao matalololek neme lelek makahulun-na nanahotu henik-ka mai.

NEHEMIA 12:31

Au fe basa mauli-malanga Yehuda-la loak fo kae leo papala nanadamak lain leu, fo lapadeik lakadadalak da'di bubua matua dua, fo neukose ala la'ok lakadadalak okofefeok kota, boema lakamee nakamee makasi neu Manetualain. Bubuak makasososak-ka, ala la'ok lakadadalak nai papala nanadamak lain, lasale leo kona neu, fo leo Lelesuina Kadafuk-la neu.

NEHEMIA 2:12

Dodoo basa ndia, au ta afa'da su'di see boen, ae Manetualain fe au ninitak soaneu afofo'a falik kota Yerusalem-ma. Balahaa le'odae, de au fo'a boema au leleko au nonoong de'ubee de ami la'o no le'odaek leo kota deak meu. Fe'ek neme au sa'e keledei-a mai, ami ta meni bana sasa'e fe'ek fa.

NEHEMIA 2:15

Da'di ami kona leo Bafak Kidron-na meu, de le'odaek ndia ami la'ok makandoo, boema palisak kota papala nanadaman-na. Basa ndia boema, ami lepos de ami fali leo kota meu, tunga Lelesuina Bafak-ka.

NEHEMIA 2:17

Tehu basa boema, au afa'das ae, “Mete ita so'dan fo manadoi-dosok ia leona! Yerusalem, ela ka'da ai batu madodoun-na, ma ha'i na'a heni basa lelesuinan-nala. Mai fo tafofo'a falik papala nanadamak Yerusalem-mala, fo ela ta lakamumulu-lakamamaek seluk ita fa.”

NEHEMIA 2:3

boema au ataa ae, “So'dak ba'eneu Ama Manek losa dodoon-na! Tao leo bee fo atam-ma dalen-na ta he'dis-sa fa, metema kota fo au bei-ba'i kaing-ngala mamana natoi-natonon-nala, besak ia ela ka'da ai batu madodouk-kala, ma ha'i na'a nakalulutuk basa lelesuinan-nala so.”

YEREMIA 5:10

Neukose Au adenu musu-a neu, fo ana tao nalutu sila osi angol-la, tehu ana ta tao nakalulutuk-kana fa. Neukose, Au adenu musu ndia, fo ana ta'ti heni sila ai angol-la ndanan-nala, nana ndanak sila-la, Au nuung ta sila fa.