NEHEMIA 13:18 - Susula Malalaok Hehelu Palak Ma Hehelu Beuk

¹⁸ Hu kande, no sala-singok leo ia-ka, de Manetualain huku basa ita bei-ba'i kain-nala, ma Ana tao nakalulutuk kota ia. Ade besak ia, emi nau popo-tama seluk Manetualain nasa-melun neu Israel, nenik emi tao manggenggeo fai Sabat-ta do?”

NEHEMIA 13:18 Iomraidhean Croise

NEHEMIA 10:32

Tunga teuk, neukose ami esa-esak fe lilofulak gram lima soaneu asa Manetualain Uman-na paluun-na.

KELUARAN 31:12

Manetualain paleta Musa

YEREMIA 17:27

Basa sila neukose ala da'di metema emi mamahele neu Au, ma tao fao sabat-ta da'di fai hehelik soaneu Au. Boso lu'a-lepa hata beek ndia boe tunga Yerusalem lelesu inan-nala nai faik ndia dalen-na. Metema emi la'o lena Au paletang sila-la soona, Yerusalem lelesu inan-nala ma uma manen-nala neukose Au hotu heni la'i esak-kasa ma ha'i ndia ta hapu nakamate fa.’ ”

YEREMIA 44:22

Manetualainta nakatataak so'on Ana mete emi tunu-hotu tutunu-hohotukneu lamatua daebafak fe'ek-kala. Emi tatao-nono'im ndia mangalauk-ka ma sosoa-ndandaan ta. Emi masala-masingo basa neu Manetualain so, ma ta nau tunga neu paletan-nala fa. Hundia de besak ia emi nusa namom nakalulutuk so, de nalosa tapu leon fa, ma na'den-na nanapakek da'di leo soo-supak. Hataholi fo litan lame'da langgenggengo ao.”

YEREMIA 44:9

Ade emi masanggango heni basa mangalauk lala'en-na fo nanataok neme emi bei ba'ikai manamatem-mala, neme manek-manek Yehuda-la ma sila saoinan-nala, ma emi, ma emi saoinam-mala nai dae Yehuda ma nai kota Yerusalem enon-nala do?

YESKIAL 23:26

Neukose, ala o'du lakaholak o, ma ala loso-la o lilo-henum.

YESKIAL 23:8

Ana sosoa-piao nakandoo, sama leo makahulun-na, ana sosoa-piao neme Masir, nai lelek mopo na'de anafe'oanan-na. Nai lelek bei anan-na, hataholi sungu non so, de ala taon da'di leo ina manasosoa-piaok.

IMAMAT 26:18

Metema, emi la'ola'di basa huhukuk sila-la, te emi beita nau tunga Au boen soona, neukose Au popo-tama seluk emi huhuku-ma la'i hitu.

IMAMAT 26:28

soona neukose Au anoli emi no nasak, ma Au huku emi la'i hitu, fo belan-na lena neme huhukuk makahuluk-kala mai.

AMOS 8:5

Emi kokolak nai emi dalen dale mae, “Fai malole bula moli beuk ndia doon-na seli. Ita hii tase'o seluk ita gandum-mala no lai-laik, tehu fai malole ndia ta nau basa fan. Fai hi'da fo besak-ka fai Sabat-ta nate'e, fo daenga ita mulai tase'o seluk? Ita tahiik tan seli no eno ke'di-ndiuk, tipu-dai tenik uuku-dodouk, ma ata ke'di-ndiu hataholi nenik tatais.

BILANGAN 32:14

De besak ia, emi lena-la'ban paleta, sama leo emi amam-mala boe! Memak emi hataholi masala-masingok bubuak esa, fo emi taom-ma Manetualain nasa-melun lua ponu-ponu seluk neu leoina Israel-la!