NEHEMIA 13:13 - Susula Malalaok Hehelu Palak Ma Hehelu Beuk

¹³ Au adenu hataholi fo na'den-nala nde dae ia, fo lanea kama pepe'da nana'ak sila-la: Imam Selemya, Zadok, fo hataholi esa malelaina nai Hoholo-lalanek-ka dalek, ma Pedaya fo hataholi Lewi ndia. Au fe bela-ba'uk neu Hanan fo Zakur anan-na ma Matanya upun-na, fo ala fali hataholi sila-la. Au bubuluk ae hataholi sila-la hapu nananamahelek, de neukose ala ito-ato bua-lo'as sila baba'en-na neu nonoo manatao belan-nala, tunga matetun-na.

NEHEMIA 13:13 Iomraidhean Croise

2RAJA-RAJA 12:15

Basa manamanea bela-ba'uk sila-la, dalen-nala ndoos, de ta paluu lafa'da doik-kala maso-kaluan fa.

2RAJA-RAJA 12:16

Doik maneme tutunu-hohotuk soi salak-ka, tutunu-hohotuk fe do'o do ampon neu sala-singok-ka, ta taos leo peti ndia dalek neu fa. Ala fe doik sila-la, leo imam-imam-mala neu.

2RAJA-RAJA 22:7

Basa hataholi manamanea bela-ba'uk sila-la, ala tao tunga ka'da ndoon-na, da'di ta paluu mokes, fo lafa'da doik-kala dede'un-na fa.”

NEHEMIA 10:38

Tehu imam esa, tititi-nonosi Harun soona, muse sama-sama no hataholi Lewi sila nai lelek ala susu tunu-hotuk sila-la. Ma baba'ek esa neme ba'eneu sanahulu mai neme basa tunu-hotuk sila-la mai ndia, hataholi Lewi sila-la muse lenis leo kama pepe'da nana'ak manai Manetualain Uman-na.

NEHEMIA 11:22

Manamanea hataholi Lewi fo manaleo lai Yerusalem-ma nde, Uzi fo Bani anan-na ma Hasabya upun-na. Bei-ba'i kain-nala nde: Matanya ma Mikha. Ana masok leo-ingu Asaf, fo bela-ba'un nde ana ito-ato sasanu nai lelek ala tao mamasok nai Manetualain Uman.

NEHEMIA 12:44

Nai lelek ndia, hataholi de'ubee hapu bela-ba'uk lanea kama nana'ak-kala, mamanak fo nai bee ala pe'da tutulu-fafalik soaneu Manetualain Uman-na, fo nai dalek hapu hataholi-a fe baba'ek esa neme ba'eneu sahulu mai, ma boa-boa makasososak-ka, tunga teun. Basa manamanea sila-la, muse leu loke tutulu-fafalik sila neme tina-tina manai kota-kota-la boboa-kaisun mai. Ala fe tutulu-fafalik sila-la leo imam-mala, ma hataholi Lewi-la, nandaa no Hoholo-lalanek nakaneneten. Hataholi Yehuda-la fe ha'da-holomata neu basa imam-mala ma hataholi Lewi sila-la,

NEHEMIA 7:2

Au fe au tolanoong Hanani paleta kota Yerusalem ma, ma au fe Hananya da'di malanga solda'du manai lain soaneu kota musu-a, nanahu ndia lena neme hataholi fe'ek-kala mai, ana bii-namata'u neu Manetualain ma hapu nananamahelek.

NEHEMIA 8:4

Ezra napadeik neu mimbar ai fo ala sadian soaneu natotongok ndia lain. Hataholi mapadeik manai boboa konan-na nde ia: Matica, Sema, Anaya, Uria, Hilkia, ma Maaseya; ma manamapadeik manai boboa kiin-na: Pedaya, Misael, Malkia, Hasum, Hasbadana, Zakharia ma Mesulam.

LUKAS 12:42

Lamatua ka nataa nae, “See ka nde malalau-maoono mana lilinekak ma manatee tenok ndia, de nalosa tua na so'un da'di malangan neu malalau-maoono fe'e kala, fo daenga ana fes la'a-linu la'e fai na?

HATAHOLI 4:35

leo Lamatua ka hataholi nadedenu nala leu. Basa soona Lamatua ka hataholi nadedenu nala baba'e fes neu hataholi mana paluu kala.

HATAHOLI 6:1

Hataholi mana tunga Yesu sa boetai lamba'u ka. Nai lelek ndia, hataholi Yahudi mana kokolak linik dede'a Yunani la, ala ta hii hataholi Yahudi nusa isi kala fa. Hataholi Yahudi mana kokolak linik dede'a Yunani la lae, “Ami inafalu mala ala ta hapu baba'ek neme tutulu-fafalik fo ala baba'e fe hataholi la fa.”

HATAHOLI 6:3

Da'di malole lenak, tolanoo kala hele ma emi hataholim hitu, tehu hataholi kahituk sila la na'de nala ta langgenggeo faa anak boen, ma Manetualain Dula Dale na, ana koasa na hataholi sila la, boema hataholi sila la, hataholi manatee teno kala, fo ami fes ala ito-ato tutulu-fafalik ia la;

1 KORINTUS 4:2

Malalau-maoono leondia ka, bela-ba'u makasososa na nde ana muse lilineka neu tua na.

1 TIMOTIUS 1:12

Au oke makasi neu ita Lamatuan Yesus Kristus, hu ka nde Ana fe au be'i-balakaik fo au alalau-aoonon, nana nafa'da nae, au andaa soaneu bela ba'uk ndia,

1 TIMOTIUS 3:10

Ela leo bee na, palisak makahulu kasa, fo metema tete'e ka, bu'u-ba'e ta kala soona, besa ka fes lalalau-laoono nai salani ka dalek.