NEHEMIA 13:10 - Susula Malalaok Hehelu Palak Ma Hehelu Beuk

¹⁰ Fe'ek neme ndia mai, au hapu lae basa manamakaminak sasanu-la ma hataholi Lewi-la la'o ela Yerusalem, de esa-esak fali ne'un leo tina-osin neu, nanahu laun-na ta tao natetu sila paluun-na fa.

NEHEMIA 13:10 Iomraidhean Croise

2TAWARIKH 31:4

Fe'ek neme ndia mai, manek-ka nadenu Yerusalem laun-nala leni tutunu-hohotuk fo nananaketuk ba'eneu basa imam-imam ma hataholi Lewi-la, fo ela sila pake basa sila le'do-fain lala'en-na neu lau-ono-ka nai Manetualain Uman sama leo nanasulak nai Manetualain hoholo-lalanen dale.

NEHEMIA 10:37

Neukose ami meni fe basa imam manai Manetualain Uman-na, gandum sopuk nanakamek neme gandum fo tunga teuk ami ketu-kolu makasososak-ka, boeo tunu-hotu fe'ek, nalupa angol, mina setun ma ai boa mata-matak lala'en-na. Ami fe ami tinam-ma buna-boan baba'ek esa neme ba'eneu sanahulu mai, neukose ami menin leo hataholi-hataholi Lewi fo manasusu tunu-hotu baba'ek esa neme ba'eneu sanahulu nai kota-kota fo hataholin-nala manatao tina osi.

NEHEMIA 10:39

Laun Israel-la ma hataholi Lewi-la muse leni tutulu-fafalik hehelik fo nalupa gandum, angol ma mina setun leo kama pepe'da nana'ak, fo mamanak pepe'da Manetualain Uman-na bua-lo'an. Basa imam fo lakalala'ok bela-ba'uk, basa manamanea Manetualain Uman-na lelesuinan-na ma manamakameek-kala mamana leleon-na nai ndia boe. Neukose ami ta hahae mete-makanae ami Manetualain Uman-na fa.

NEHEMIA 12:47

Nai Zerubabel tepo-lelen-na ma nai Nehemia tepo-lelen-na boeo, basa laun Israel-la lala'en-na fe tunu-hotuk soaneu tao latetu basa manamakameek-kala ma manamanea lelesuina nai Manetualain Uman-na, paluu tunga fain-na. Laun-na fe tunu-hotu hehelik soaneu hataholi Lewi-la, ma hataholi Lewi-la boeo, fe leo basa imam-mala, baba'ek fo nananaketu basak so.

YESAYA 43:23

O ta meni bi'ilopo, soaneu o tutunu-hohotu nanatunum-ma fa, o ta fe ha'da-holomata neu Au, nenik o tunu-hotum fa. Te se'kona, Au ta fe o lelepa mabela, nenik o tutunu-hohotum fa, do ta tao akatoto'ak o, nenik Au akaseti o, fe Au boomenik fa.

MALEAKHI 3:8

Besak ia, Au atane emi: Hataholi daebafak-ka, bole ke'di-ndiu Manetualain do ta? Tao leo bee-o, ta hetu. Tehu emi ke'di-ndiu Au boe. Emi matane mae, ‘Da'di, tao leo bee?’ Au ataa ae, Nai dede'ak, fo fe baba'ek esa neme 10 mai, ma nai fe tunu-hotuk-ka dalek.

BILANGAN 35:2

“Manduku-malosak neu leoina Israel-la, mae neme dae pusaka fo neukose emi sipon ndia, emi muse fe hataholi Lewi-la, kota ndia kotan de'ubee, no moo mana'un manai boboa-kaisun-nala, fo ela ala leo leme ndia.

ULANGAN 12:19

Mafandendelek, fo boso nalosak emi po'ilotak hataholi Lewi-la, latofa-latalak, nai lelek emi leo nai nusak ndia.