NEHEMIA 12:44 - Susula Malalaok Hehelu Palak Ma Hehelu Beuk

⁴⁴ Nai lelek ndia, hataholi de'ubee hapu bela-ba'uk lanea kama nana'ak-kala, mamanak fo nai bee ala pe'da tutulu-fafalik soaneu Manetualain Uman-na, fo nai dalek hapu hataholi-a fe baba'ek esa neme ba'eneu sahulu mai, ma boa-boa makasososak-ka, tunga teun. Basa manamanea sila-la, muse leu loke tutulu-fafalik sila neme tina-tina manai kota-kota-la boboa-kaisun mai. Ala fe tutulu-fafalik sila-la leo imam-mala, ma hataholi Lewi-la, nandaa no Hoholo-lalanek nakaneneten. Hataholi Yehuda-la fe ha'da-holomata neu basa imam-mala ma hataholi Lewi sila-la,

NEHEMIA 12:44 Iomraidhean Croise

1 TAWARIKH 23:28

Ala muse tulu-fali imam-imam fo Harun tititi-nonosin nai lakalala'ok feta makaluku-makatele dalek nai Manetualain Uman, mete-lakanae Manetualain uma so'dan nala ma kama-kama manai Manetualain Uman, boema lanea fo ela basa hata lala'en fo nanafe hehelik soaneu Manetualain na, boso da'di langgenggeo.

1 TAWARIKH 26:20

Hataholi fe'ek manai leo Lewi dalek, ala fes bela-ba'uk soaneu Manetualain Uman na hata-heton ma gudang fo mamana pepe'da tutunu-hohotuk neu Manetualain na.

1 TAWARIKH 9:26

Tehu malanga manamanea ka 4-k sila-la, lanea lahele. Ala lanea kama-kama manai Manetualain Uman, ma bua-lo'as nanape'dak manai ndia.

NEHEMIA 10:36

Neukose ami meni ami ana tou ulum-mala leo imam manai Manetualain Uman, fo fen leo Manetualain neu, nandaa no hoholo-lalanek nakaneneten-na. Boeo neukose ami fe ami sapi ana, bi'ilopo ana do bi'ihii ana ulum-mala neu.

AMSAL 8:34

Namahoko-seteleek ba'eneu hataholi fo namanene neu au, fo su'di faik nangatuk nahani nai au umang-nga lelesun-na, ma manamaneak nai au mamana leleong-nga lelesuinan-na.

YESAYA 40:31

Tehu hataholi fo, namahena neu Manetualain-na, neukose ana hapu be'i-balakai beuk. Sila sama leo manupui kaka'ka fo ana laa dema-na seli, nenik li'da mabe'i-balakain-na. Ala lalaik, te ala ta sota-mangu fa, ala la'o, te ala ta sota-mangu fa.

BILANGAN 3:10

Tehu o muse so'u Harun no anan-nala, fo lakalalaok bela-ba'uk da'di leo imam; fe'ek neme sila mai, metema su'di see boe, fo ana so'ba-so'ba nakalala'ok bela-ba'uk ndia soona, muse huku nisan.”

ROMA 12:7

Hataholi fo ana hapu baba'e-babatik soaneu tulu-fali hataholi fe'ek soona, muse te'e-te'e ana tulu-fali hataholi fe'ek. Hataholi fo ana hapu baba'e-babatik soaneu nanoli soona, muse nanoli te'e-te'e.

ULANGAN 18:8

Ana bole hapu nana'ak fo, dede'un-na sama no imam fe'ek-kala; hata fo ana hapu neme uma isin-nala mai boe.”