NEHEMIA 10:39 - Susula Malalaok Hehelu Palak Ma Hehelu Beuk

³⁹ Laun Israel-la ma hataholi Lewi-la muse leni tutulu-fafalik hehelik fo nalupa gandum, angol ma mina setun leo kama pepe'da nana'ak, fo mamanak pepe'da Manetualain Uman-na bua-lo'an. Basa imam fo lakalala'ok bela-ba'uk, basa manamanea Manetualain Uman-na lelesuinan-na ma manamakameek-kala mamana leleon-na nai ndia boe. Neukose ami ta hahae mete-makanae ami Manetualain Uman-na fa.

NEHEMIA 10:39 Iomraidhean Croise

2RAJA-RAJA 7:10

Hu ndia de, ala fali le'us leo Samaria leu, de laloo beebou neu manamanea kota lelesuinan-na lae, “Ami meu leo hataholi Siria-la, uma ofun-na meu so, de se'kona, hataholi ta naa. Ami mita ndalan-nala, ma keledein-nala bei nanapa'ak lai mamanan-nala, ma ala la'oela uma ofun-nala leondiak mesan.”

2TAWARIKH 31:11

No manek-ka paletan-na, de ami tao mama pepe'da nana'a-nininuk nai Manetualain Uman-na boboa-kaisun,

2TAWARIKH 31:12

boema ami pe'da boa-boa ma perpuluhan sila-la neu mamana pepe'da nana'a-nininuk sila-la dalek. Ala fe hataholi Lewi esa na'de Konanya da'di manamanea, ma ana fe fa'din Simei da'di ndia manatulu-falin.

NEHEMIA 12:47

Nai Zerubabel tepo-lelen-na ma nai Nehemia tepo-lelen-na boeo, basa laun Israel-la lala'en-na fe tunu-hotuk soaneu tao latetu basa manamakameek-kala ma manamanea lelesuina nai Manetualain Uman-na, paluu tunga fain-na. Laun-na fe tunu-hotu hehelik soaneu hataholi Lewi-la, ma hataholi Lewi-la boeo, fe leo basa imam-mala, baba'ek fo nananaketu basak so.

MAZMUR 122:9

Hu kande, ita Aman Manetualain Uman-na, de au hule-haladoi, fo ela o ua-nalem malole.

BILANGAN 18:26

fo nanduku-nalosak paleta ia, neu hataholi Lewi-la nae, Metema, emi sipo hataholi Israel-la hahapu dadain baba'ek esa neme ba'en neu sanahuluh, fo Manetualain fen neu emi, fo da'di neu emi baba'em-ma soona, emi muse fe hahapu dadain baba'ek esa neme ba'en neu sanahuluh leo Manetualain neu, fo soaneu emi tunu-hotu hehelim-ma.

BILANGAN 18:30

Emi fe basa baba'ek ndia soona, emi bole ho'i-ma bei elak-ka fo emi soan, sama leo hataholi manatao tina-osi esa, metema ana fe basa tunu-hotun soona, ana ho'in-na bei elak-ka fo ndia soan.

ULANGAN 12:17

Emi ta bole mi'a emi tutunu-hohotu neme emi hahapu dadain baba'ek esa neme ba'en neu sanahuluh fo nde gandum, angol ma mina setun-nala hahapu dadain ba'ek esa neme ba'eneu sanahuluh fa, ma emi sapim, bi'ihiik ma bi'ilopom-mala, ana nanabongi makasososan-nala, tutunu-hohotuk fo bae nasar, emi tutunu-hohotum fo, emi fe no emi dale hihiim-ma, do tutunu-hohotu fe'ek-kala, nai emi mamana leleom-ma fa.

IBRANI 10:25

Ela leo bee na ita takabubua sama-sama tahele, ma boso pela-bale sama leo hataholi fe'e kala. Lena-lenak ita muse lilineka tatetea-tahehele aok, nanahu ita bubuluk tae ta doo ka so'on te, neukose Lamatua ka ana mai so.