NEHEMIA 10:36 - Susula Malalaok Hehelu Palak Ma Hehelu Beuk

³⁶ Neukose ami meni ami ana tou ulum-mala leo imam manai Manetualain Uman, fo fen leo Manetualain neu, nandaa no hoholo-lalanek nakaneneten-na. Boeo neukose ami fe ami sapi ana, bi'ilopo ana do bi'ihii ana ulum-mala neu.

NEHEMIA 10:36 Iomraidhean Croise

2TAWARIKH 31:5

Paleta ndia nanapo'a-benga basak boema, hataholi Israel-la leni boa-boa leo Manetualain Uman neu. Ala ho'i boa-boa sila neme sila dae oen isi-mina makasososan-na mai, fonde ha'de sopuk, angol, mina setun, fanioe, ma buna-boak fe'ek-kala. Sila boeo leni perpuluhan neme sila hata-heton mai.

NEHEMIA 12:44

Nai lelek ndia, hataholi de'ubee hapu bela-ba'uk lanea kama nana'ak-kala, mamanak fo nai bee ala pe'da tutulu-fafalik soaneu Manetualain Uman-na, fo nai dalek hapu hataholi-a fe baba'ek esa neme ba'eneu sahulu mai, ma boa-boa makasososak-ka, tunga teun. Basa manamanea sila-la, muse leu loke tutulu-fafalik sila neme tina-tina manai kota-kota-la boboa-kaisun mai. Ala fe tutulu-fafalik sila-la leo imam-mala, ma hataholi Lewi-la, nandaa no Hoholo-lalanek nakaneneten. Hataholi Yehuda-la fe ha'da-holomata neu basa imam-mala ma hataholi Lewi sila-la,

NEHEMIA 13:5

Elyasib fe Tobia kama matua esa, fo tunga ndoon-na ala sadia hehelik kama ndia soaneu pe'da tunu-hotu gandum, boomenik, bua-lo'as fo nanapakek nai Manetualain Uman, tunu-hotuk soaneu imam, gandum baba'ek esa neme ba'eneu sanahulu mai, angol, ma mina setun, fo sanga ba'e fe hataholi Lewi-la, basa manamakaminak sasanu-la, ma manamanea Manetualain Uman-na lelesuinan-na.

KELUARAN 13:2

“Tunu-hotu basa ana uluk-kala fe Au. Basa Israel anatou ulun-nala, ma basa bana-manu ana ulun-nala nde been-na, Au nuung sila.”

KELUARAN 23:19

Tunga teuk, emi muse meni emi gandum-ma buna-boa makasososan-na leo Au mai. Ta bole nasu bi'ilopoana do bi'ihiiana paan-na nenik bi'iana sila inan su'uoen-na fa.”

KELUARAN 34:19

Basa anatouk uluk-kala ma bana maneanak fo nanabongi makasososak-kala nde been-na, Au nuung,

MALEAKHI 3:10

Meni la'iesak emi tunu-hotum, baba'ek esa neme 10 mai, leo Au Umang-nga neu, fo ela hapu nana'a-nininuk sasi kao-kao nai naa. Fola Au, soona neukose emi mita, mae Au soi heni basa lelesu nusa so'dak-ka, fo Au ba'e-bati emi nenik hata malole lala'en-na.

GALATIA 6:6

Hataholi mana sipo Kristus nanoli na, ela leo bee na, ana tulu-fali ndia mese na, ninik hata malole beek fo ndia nanuun.

ULANGAN 12:6

Nai mamanak ndia nde, emi muse meni tutunu-hohotu nanatunuk, boema tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, tutunu-hohotuk soaneu bae nasar-ra, emi tutunu-hohotum fo, emi fe no emi dale hihiim-ma, ma emi sapi ana bi'ihii ana, bi'ilopo ana fo, nanabongi makasososak-kala.