MIKHA 7:9 - Susula Malalaok Hehelu Palak Ma Hehelu Beuk

⁹ Ita tasala-tasingo basa neu Manetualain so, hu ndia de besak ia, ita muse tame'da tita nasa-melun. Tehu ta dook-ka so'on, te neukose nasala'e ita, ma Ana fe ndoos ma matetuk-ka neu ita. Neukose no ita kalua leo mangale'dok-ka teu; neukose ita tame'dan tae, Ana soi-tefa-na ita.

MIKHA 7:9 Iomraidhean Croise

2 SEMUEL 24:17

Dauk nita ata nusa so'dak fo manataonisa laun-na ndia, boema nafa'da Manetualain nae, “Au nde asala-asingo, nana au nde tao sala-singok ndia. Tehu leoina manahapu soe ndia, sala beek? Huku au ma au teidaleng-ngala!”

AYUB 23:10

Tehu, Ana bubuluk basa au enong lala'en-na, boeo au ei nggangganing lala'en-na Metema, Ana fola au, sama leo lilopilas-sa, soona neukose, Ana bubuluk nae, au daleng-nga leo lilo isik.

AYUB 35:14

Ayub, nakalenak bai, metema o mafa'da, mae o ta mita fan, ma o mae o dede'am-ma, nai matan-na so, de o mahani talu-talu mon!

MAZMUR 119:154

Masala'e au dede'ang-nga, fo soi-po'i au; soi-tefa-mala au, nandaa no O hehelum-ma.

MAZMUR 37:6

Neukose, Ana nafa'da o lilinekam sama leo mangale'dok-ka, ma o dale ndoom-ma, sama leo fai lele'don-na.

MAZMUR 43:1

Fe ndoos ma matetuk-ka neu au, ou Manetualain masala'e au haak-ka soaneu leoina malelesik-ka. Se'i-po'i au neme hataholi mangalauk ma manatipu-daik-ka mai.

MAZMUR 7:6

nemen-na fo musu usi au, fo ana ho'un-na au, boema ana taonisa au, fo ana la'oela au popolang-nga nai dae lain.

MAZMUR 94:15

De neukose, napadedeik natetu seluk, hoholo-lalanek-ka, nai uma manakee-manafula, neukose basa hataholi manatao tunga ndoon-na, neukose ala sipok-kana.

YESAYA 42:16

Neukose Au hela-nole Au leoinang pokek-kala tunga enok fo, ala ta bubuluk-kana fa; Neukose Au hela-noles lai enok fo, ta lalelak-kana fa. Au tao-a makahatuk-ka, da'di mangale'dok ba'eneus, ma Au tao atetu eno manapeko-pakik-kala. Ndia nde, neukose Au taon ba'eneus, de tao leo bee-o, neukose Au tao atetun.

YESAYA 42:7

Soaneu fe hataholi pokek-ka nita, ma soi-po'i hataholi manai bui makahatuk-ka dalek.

YESAYA 46:13

Neukose Au fe fai soi-po'ik-ka, ana deka, so'da-molek fo Au fe-ka, ta nakano'dok fain-na so'on. Neukose Au soi-tefa Yerusalem, ma Au fe ha'da-holomata neu Israel.”

YESAYA 51:22

O Manetualain-ma, nafa'da nae leo ia, Emi Amam Manetualain, fo nasala'e emi, “Doidosok fo Au fen nai Au nasa-melung dale-a, neukose Au ho'i falik-kana, neme o mai. Neukose Au nasa-melung tenak, de emi boso boe, lu'a-lepa bain.

YESAYA 56:1

Manetualain nafa'da anan-nala nae, “Tao hata fo ndoos, ma matetuk ma nandaa no Au hoholo-lalaneng. Nana, ba'ihanak seluk bai te, Au mai soi-tefa emi ma Au ndo matetung nananafa'dak.

YEREMIA 10:19

Laun Yerusalem lalo bebou lae, “Ami hapu bisu matua de ana ta hapu hai fa. Makahulun-na ami maedaenga toto'a-tataak ia ami lu'a-lepan, te sekona taa.

YEREMIA 14:7

Au anang-ngala lalo bebou lae, ‘Manetualain, leomae ami sala-singom-mala tuni-ndeni ami tehu tulu-fali ami sama leo O hala-hehelum-ma. Ami la'o ela O do'e-do'e; Tete'ek-ka, ami masala-masingo neu O.

YEREMIA 51:10

Manetualain anan-nala lafa'da lae, “Manetualain natu'du basa nae ita nai enok ndoos ma matetuk. Mai teu leo Yerusalem fo ita tui nai naa beek fo ita Amak Manetualain taok ndia.”

RATAPAN 1:18

Tehu Manetualain nde la'en, nana au la'olena paletan-na so. Hai leoina-la lemin, mamanene au leona, mitak au nai doidosok dale. Basa au ta'eanang-anafe'oanang-ngala nanafook, de loos leo mamana tu'u-tapak neu.

IMAMAT 26:41

nalosa Au ho'i nakeketuk, soaneu la'ban-nasa, ma Au usi henis leo mamana okak dale, nai sila musun-nala nusan. Mate'en-na, metema emi tititi-nonosim tunga, boema nanahuku basak hu kande sila sala-singon, ma malena langan-nala soona,

MALEAKHI 3:18

Neukose Au anang-ngala, lita seluk hataholi malole, ma hataholi mangalauk, hataholi manasene-do'ok, ma manasene-do'ok tak-ka, so'dan-nala ta sama fa.”

1 KORINTUS 4:5

Hu ndia de, hu ka nde beita la'e fai na fa, de boso no lai-laik emi maketu mae hataholi esa nasala do ta. Mahani losa Lamatua ka fali ma'in dei. Ndia nde neukose buka basa bibila-babaak fo nananafunik nai makahatu ka dalek. Ndia nde neukose ofeheni basa dale tutu'uk fo manaenek nai hataholi daebafa ka dalen dale. Neu lelek ndia soona, besa ka hataholi a esa-esak ana sipo kokoa-kikiok fo nandaa ana sipon neme Manetualain mai.

2 TIMOTIUS 4:8

De besak ia, Manetualain sadia basa au, bua palsen na so. Neu Fai Mate'e ka te, neukose Lamatuak fo Mana maketu-mala'di matetuk ndia, Ana fe bua palsen ndia neu au, nana au so'da nga malole no Manetualain. Ta ka'da au mesa nga sipo bua palsen ndia fa, tehu basa hataholi fo lahiik ma mana mahani Lamatua ka mamain ndia boeo.

NINITAK 18:20

Hai nusa so'dak! Mamahoko-setelee neu kota ndia nakalulutu na! Hai Manetualain hataholi kamahehele nala, hataholi nadedenu kala, nabi-nabi la, mamahoko-setelee leona! Nana Manetualain hukun da'dileo babalak neu hata fo ana tao-no'in neu emi!

SEMUEL SUSULAK-KA ESAN-NA 24:15

Taoafik neu atam, fo mane Israel-la sanga taonisan ia. Mete atam fo nanausi do'e-do'ek ia! Atam-ma, ka'da busa mates esa, ma utu esa mesak-kana.

SEMUEL SUSULAK-KA ESAN-NA 25:39

Dauk namanene Nabal maten boema nafa'da nae, “Koa-kio Manetualain! Nanahu Ana balas Nabal dodoki-aali au, boema Ana kena ka'i au fo ela au boso tao mangalauk. Manetualain huku basa Nabal nanahu tatao-nono'i mangalaun-na.” Basa boema, Dauk nadenu hataholi neu adu-natane Abigail, fo ana taon da'di ndia saoinan.

SEMUEL SUSULAK-KA ESAN-NA 26:10

No Manetualain fo maso'dak-ka na'den-na, au bubuluk ae mahani te, neukose Manetualain nde taonisa Saul, metema fai mamaten-na losa so, do metema maten nai natee-natatik dale.

SEMUEL SUSULAK-KA ESAN-NA 3:18

Boema Semuel nafa'da la'iesak-kana neu Eli. Ta nafuni dede'ak de'ek esa boen. Basa boema Eli nafa'da nae, “Manetualain nde ndia, de nemen-na, fo Ana tao hata fo Ana meten malole.”