MIKHA 7:6 - Susula Malalaok Hehelu Palak Ma Hehelu Beuk

⁶ Nana, nai tepo-lelek leo iak-ka nde uma isi-la, esa musu no esa; ana touk-ka nakadadaek aman, ana inak-ka la'ban inan, ma manafeu inak-ka nale'a-napilik no alinan-na.

MIKHA 7:6 Iomraidhean Croise

KEJADIAN 49:4

Mu'dak la'iesak-kana, o mako'ba sama leo oe-a, nalosa o ta nde makasososak-ka fa; nana o sungu moo au sao makahatung-nga, o tao manggenggeo o amam pepe'un-na.

2 SEMUEL 16:11

Boema, Dauk nafa'da seluk Abisai, ma basa atan-nala nae, “Au ana bonging-nga boeo, ana sanga enok fo sanga taonisa au; tao le'e de, emi mita Benyamin hataholin ia, ha'da-paliin boema, emi dodoo doak-kana? Manetualain nde nadenun fo ana soo-supa au-a; hu ndia de, boso taon le'e esa boen, nemen-na fo ana soo-supa nakandoo.

MAZMUR 41:9

Lafa'da lae, “He'din-na belak-ka nanseli, de ana ta bisa fo'a so'ok.”

AMSAL 30:11

Hapu hataholi nggelok soo-supa aman, ma ala ta fe ha'da-holomata neu inan fa.

AMSAL 30:17

Hataholi fo, ana hakinonoli ina-aman fo lamalasi so, nandaa tapan leo deak neu, fo manupui kaa, ana tutu matan-na, fo manupui kaka'ka, na'a popolan-na.

YESAYA 3:5

Neukose hataholi-la, esa tuni-ndeni esa. Hataholi muli-soluk-kala ta nau lamanene lasik-kala, ma ni'iana-la ta nau lamanene hataholi matua-la fa.

YESAYA 9:19

Nai nusak ndia lala'en-na, hataholi-la laseti-lalaka nana'a-nininuk, ma la'a su'di beek fo bisa la'an, tehu ta lakabete fa. Nakalenak, la'a seluk nonoon-nala!

YEREMIA 12:6

O nana malelesi basak so, lena-lenak neme o tolano ka'a-fa'dim-mala mai; sila boeo sapu-la o. Boso mamahele neu sila, leomae sila hala-kokolan-nala makee-mamina.”

YEREMIA 20:10

Au amanene hataholi-la lamakukutuk nai basa mamanak-kala, “De bibii-namata'uk-ka boetai namatuak-ka! Mai fo tafa'da lo manakoasa!” Nakalenak basa u tia-laing-ngala lala'en-na lahani au tutu'dang-nga. Ala lafa'da lae, “Fafa'kama nenik fufu'di-oodok, ndia ita hapu tao takalan, fo ela ita hapu balas nanape'da-dalek neun.”

YEREMIA 9:4

Hataholi-a esa-esak, muse nanea besa-besa soaneu nonon-na, ma tolano bongik-ka boeo, ta hapu nananamahelek fa. Nana, sila boeo, sama leo Yakob, de sila esa-esak ke'di-ndiu seluk tolanon-na. Hataholi-a esa-esak, la'ok su'di leo bee neu, fo kokolak nanggenggeo hataholi na'den, ma kokolak dede'a masapepeko-masandandalik.

YESKIAL 22:7

Nai o laum-ma dalek, ta hapu hataholi esa boen fo, ana fe ha'da-holomata neu ina-aman fa. O ke'di-ndiu hataholi nusa dea-la, ma o ho'i nanalak, nai faluina anamaak-kala fai susan-na dalek.

OBAJA 1:7

O nonoom manalook o-a, ala ke'di-ndiu o, de ala usi heni o neme o nusam-ma mai. O tia-laim-mala sengi o, ma hataholi manala'a lakabubua loo o-a, lakahihi'ik-la o. Ala beetane la'eneu o lae, ‘Besak ia, malelan lala'en-na nai bee?’

MATEOS 10:21

Neukose losa fai na te, hataholi a fe tolanoo na leo hataholi fe'ek neu fo ala tao lisan, Ma dede'ak ndia boeo, neukose ana da'di neu ama ka no ana ka. Ana kala, ala la'ban ina-ama nala, Ala fe ina-aman leo hataholi fe'ek leu fo, ala tao lisas.

MATEOS 26:23

Boema Yesus nae, “Hataholi fo ana dope loti na leo mango dale sama-sama no Au a, hataholi ndia nde ke'dindiu Au.

LUKAS 12:53

Ama ka neukose la'ban ana tou na, ma ana tou ka neukose la'ban aman. Inan la'ban ana ina na, ma ana ina na la'ban inan. Alina ka neukose la'ban manafeu ina na, ma manafeu ina ka neukose la'ban alina na.”

LUKAS 21:16

Neukose emi nanake'di-ndiuk neme emi ina amam, emi tolanoo mala, emi ka'a-fa'di mala, ma emi tia-lai mala. Neukose ala taolisa emi nggelok.

YOHANIS 13:18

Au afa'da basa dede'ak ia la, ta soaneu emi basa-basa mala fa. Ninik Au bubuluk basa, see ka nde Au hele nana. Tehu hata fo nanasulak nai Susula Malalao ka dalek, muse ana da'di, fo nde ‘Hataholi fo na'a sama-sama no Au a, neukose ana la'ban Au.’