MIKHA 6:2 - Susula Malalaok Hehelu Palak Ma Hehelu Beuk

² Hai letek-kala, hai daebafak-ka buin-nala lemin, mamanene Manetualain kalaan-na. Nanuu dede'ak no Anan Israel, de neukose Ana kalaak-kasa.

MIKHA 6:2 Iomraidhean Croise

2 SEMUEL 22:16

Tasi buin-na nanasilu henik, ma daebafak-ka buin-na natahuka nai lelek Manetualain nasapala musun-na nenik nasa-melun.

2 SEMUEL 22:8

Boema, daebafak-ka nanggengo ma ana dele, letek-kala huun-na, ala ke'ko, ma ala dele nanahu, Manetualain nasa-melun!

MAZMUR 104:5

O pasak daebafak-ka no matea-mahelek neu buin lain, nalosa, neukose ta nanggengo losa dodoon-na

AMSAL 8:29

nai lelek Ana paleta tasi oe-a fo ela boso seli daetoon-nala. Au emen-na boe nai lelek daebafak-ka neten-na nanape'dak.

YESAYA 1:18

Manetualain nafa'da nae, “Mai fo ata taketu-tala'di dede'ak ia. Leomae emi sala-singom pilas sama leo kaisuma, te neukose Au safe-a emi da'di fulak sama leo abas-sa. Leomae emi sala-singom makadotok ma belak-ka, te neukose Au fe do'o do ampon neu emi.

YESAYA 3:13

Manetualain naheheleaon basa, soaneu Ana kalaak ma naketu-nala'di anan-nala.

YESAYA 43:26

Fe Au nasanene'dak, fo mai fo ata teu leo manakee-manafula teu, fo kalaak o dede'am-ma, fo ela nananitak, nae o ndoos.

YESAYA 5:3

Da'di, besak ia, Au tia-laing-nga nafa'da nae, “Emi basa-basam fo, laun Yerusalem ma Yehuda-la lemin, maketu-mala'di Au osi angol-la ma Au.

YEREMIA 2:9

Manetualain nafa'da nae, “Besak ia, Au adede'a seluk o Au anan-ngala, ma Au aketu-ala'di tititi-nonosin-nala

YEREMIA 25:31

Halan-na nadodolo neme daebafak-ka pe'da leu pe'dak neu; Manetualain tao dede'ak ndia neu basa leoina la. Neukose basa hataholi lala'en-na sese'an-na nanapalisak fo ela manatao mangalauk-ka neukose nana huku nisak.’ ”

YEREMIA 31:37

Leounik-ka la'i esa boema lalai-a hapu nanaukuk, ma daebafak-ka poin-na hapu nanapalisak mataloloek soona, neu faik ndia te neukose Au tipa-dede'a heni Israel nanahu basa sila tatao-nono'in fo mangalaun-nala. Au, Manetualain, nde manakokolak-ka.”

HOSEA 12:2

Basa hata lala'en fo hataholi Israel-la tao-no'in, neme fafaik losa le'odae, sosoa-ndandaan ta, te neni ka'da momopo-mamatek sama leo ani timu-a. Dale manake'di-ndiun-nala, ma tatao-nono'i ha'da hataholi taan-nala, boetai nakadele nai sila dalek. Ala tao hehelu-balataak loo Asyur, ma leni mina leo Masir neu, fo da'di leo ta'du-tana tia-laik.”

HOSEA 12:3

Manetualain nanuu dede'ak no leoina Yehuda. Boeo, neukose Ana huku Israel, nanahu ha'da-paliin-nala. Neukose Ana balas tatao-nono'in-nala.

HOSEA 4:1

Manetualain kalaak nusak ia laun-na. Hai Israel, mamanene hata fo nafa'dan nae, “Ta hapu lilinekak, do susue-lalaik nai nusak ia fa, de laun-na ta manaku Au da'di leo Manetualain fa.

MIKHA 6:1

Mamanene hata fo Manetualain kalaak-kana neu Israel. Fo'a leona, ou Manetualain, fo meni O kalaam-ma mai! Nemen-na, fo letek ma pupukuk-kala lamanene hata fo O sanga mafa'dan.

ULANGAN 32:22

Neukose, Au nasa-melung lua ponu-ponu sama leo ha'i fo na'a losa daebafak-ka buin-na, Ha'i ndia na'aheni daebafak-ka no basa oe-isin lala'en-na, ma na'a losa letek-kala buin-na.

ULANGAN 4:26

Ela leo been-na, nai faik ia, lalai-a no daebafak-ka da'di sakasii, lae metema emi ta nau tunga au fa soona, neukose no lai-laik, mopok emi neme dae fo emi leon nai Lee Yarden-na selik eli.