MIKHA 5:7 - Susula Malalaok Hehelu Palak Ma Hehelu Beuk

⁷ Hataholi Israel fo ala bei leo lai leoina-la tala'da, neukose sama leo meoasu nai bana manai nula-la tala'da, do nai bi'ilopo bubuak manai moo mana'uk-ka. Meoasu ndia neu leo bi'ilopo bubuak ndia tala'da heon neu, fo ana heheta-aa'i ma ana sisii-lulu'i. Ta hapu manasoi-po'i fo soi-po'i bi'ilopo sila-la fa.

MIKHA 5:7 Iomraidhean Croise

2 SEMUEL 17:12

Neukose, ita tatongo too Dauk su'di nai bee boe, soona ata sapu-tan, beidai ana beita bubuluk hata fo ana da'di so. Neukose, ta hapu esa nala deak boen, nau Dauk do solda'dun-nala boe.

MAZMUR 110:3

Nai faik o mai no koasa, nai pupukuk malalao-malafuk-ka, o laum-mala tutulumatak no sila hihii-nanau mesan-na. Sama leo dinis-sa nai fai fafain-na, basa touana muli-soluk-kala, ala mai leo o mai.

MAZMUR 133:3

Do sama leo dinis-sa nai Letek Hermon-na, fo ana kona leo pupukuk Sion-nala lain neu. Nai naa, Manetualain nakona baba'e-papalan, fo maso'dak losa dodoon-na.

MAZMUR 72:6

Ela leo been-na, ana sama leo u'dan-na nai mook-ka sama leo u'daina, ana faa nai tina-la.

AMSAL 19:12

Manek-ka nasa-melun sama leo; dinis fo nakadoe na'u-aiana.

YESAYA 32:15

Tehu neukose, Manetualain mai la'iesa seluk no koasan-na. Soona neukose moo soloka'ek-ka, da'di tina maoe-maisik, ma neukose tina-la, sama leo nula.

YESAYA 44:3

Nana, neukose Au fe oe leo dae tuuk-ka neu, ma Au fe lee-la, ala faa lai dae tokotik-kala. Neukose, Au fe Au koasang-nga, neu o tititi-nonosim, ma Au fe o upu-anam, baba'e-papalak.

YESAYA 55:10

Sama leo u'dan-na, ana mai neme lalai mai, fo ana ta fali ne'u fan, tehu ana tao nakadoe daebafak-ka, fo ana taon-na dae-a, nalole, ma nakamomolik bubu'u-palusa, ana fe buna-boak neu manasele-mananggali, ma nana'ak neu hataholi fo, ana nau na'a.

YESAYA 66:19

Neukose Au pe'da ta'du esa neu sila tala'da heon. Neukose Au soi-tefa-ala sila lumanak, nai sila dalek. Neukose Au adenus leu leo leoina manai nusa dook, fo beita lamanene lita, la'eneu Au, ma lita Au matua-mademang ma Au koasang-nga: leo Spanyol, Libia, ma Lidia no manakou malelan-nala leo Tubal ma Yunani leu. Neukose ala tui-benga Au matua-mademang nai leoina sila-la tala'da.

YEREMIA 14:22

Leoinam-mala sosong-tatangon-nala ta hapu lakona u'dan leo daebafak-ka mai fa. Lalai-a boeo ta bisa po'a u'dan nenik koasan-na mesak-kana fa. Ka'da O nde ami mamahenak-ka. O nde tao basa sila-la ala da'di.

YESKIAL 14:22

Leounik-ka, hapu nggelok laladeak, fo ala soi-tefa-la anan-nala, fo metema ala mai leo o mai soona, taoafik neus. Mete tatao-nono'i mangalaun-nala leo beek, soona neukose emi mamahele, mae Au nakeketung-nga nandaa, soaneu huku Yerusalem.

YESKIAL 47:1

Touk ndia, no falik au leo lelesu masok leo, Manetualain Uman neu. Au ita oe-a, ana faa neme lelesu ndia dae mai, de ana faa leo dulu neu, sama leo Manetualain Uman-na boeo, nasale leo dulu neu boe. Oe ndia, ana faa neme Manetualain Uman-na, lelesu doon manai boboan kona mai, de ana tunga mei tunu-hotuk-ka, su'udoon kona.

YESKIAL 5:5

Manetualain Fo Mademaina, nafa'da nae, “Mete te, ia nde been-na Yerusalem. Au pe'da kota ia nai daebafak-ka usen-na, boema nusaina fe'ek-kala, lai boboa-kaisun.

DANIAL 11:32

Boema no tipu-daik, neukose manek ndia fufu'di-oo'dok hataholi fo manala'oela agaman-na, fo daenga ala au tulu-falin. Tehu hataholi fo lamahele neu Manetualain-na, neukose lapalani la'ban-nana.

HOSEA 14:5

Manetualain nafa'da nae, “Au aloo falik Au anang manatao tofa-tafik-kala, fo Au sue-lais no dalek-katema tuak; neukose, Au ta amanasa seluk-kasa fa.

HOSEA 6:3

Hu ndia de, mai fo ata sanga enok, soaneu te'e-te'e talelak Manetualain. Tao leo bee-o, neukose Ana mai leo ita mai, sama leo le'do-a tii mai, ma sama leo u'dan-na tao nakadoe daebafak-ka nai faik u'dan-na nate'e.”

YOEL 2:32

Tehu ba'eneu see, fo ana dokodoe noke Manetualain tutulu-fafalin soona, neukose ana hapu so'dak. Manetualain nafa'da nae, “Au hele hataholi manai Yerusalem-mala, neukose laso'da.”

AMOS 5:15

Makamuu-makadau mangalauk-ka, ma sue-lai malole-a, ma tao matetu eno ndos ma matetuk-ka. Fafa'ka ma Manetualain neukose Ana sue-lai bei ela leoina Israel-la hataholin-nala.

MIKHA 2:12

Manetualain nafa'da seluk nae, “Hai hataholi Israel fo bei elak-kala lemin! Neukose tao leo bee-o, Au tao akabubua emi, fo Au tao-a emi da'di esa, sama leo bi'ilopo-a fali leo lalaen-na neu. Sama leo mook fo henuk no bi'ilopo-a, leondiak boe emi nusam-ma, neukose henu seluk-kana no hataholi makadotok.

MIKHA 4:13

Manetualain nafa'da nae, “Hai laun Yerusalem-mala lemin, meu leona fo heheta-aa'i emi musum-mala! Neukose Au tao a emi da'di balakaik, sama leo sapi fo susulan-na besi ma eifangan-na liti. Neukose emi tao makalulutuk leoina makadotok, ma ala loso-la su'i-betes-sala, neukose emi tunu-hotu fen leo Au, Manetualain, fo manamakadada'dik lalai ma daebafak-ka.”

MIKHA 4:7

Ala tao lalas da'di lu'uk so, ma dook-ka leme nggolo-ta'dun mai. Tehu, neme bei ela hataholi sila-la mai, de neukose Au mulai tititi-nonosi beuk esa. Neukose ala da'di leoina matua ma mabe'i-balakaik. Neukose Au paletas nai Pupuku Sion-na losa dodoon-na.”

MIKHA 5:3

Metema manakoasa ndia mai soona, neukose Ana koasa anan-nala nenik be'i-balakaik ma koasa neme Manetualain, fo Ndia Manetualain-na mai. Neukose anan-nala laso'da no nee-nee lino-linok, nanahu basa hataholi manai daebafak-ka lala'en-na, neukose manaku matua-mademan,

MIKHA 5:8

Neukose Israel sengi musun-nala, boema ana tao nakalulutuk la'iesak-kasa.

MIKHA 7:18

Ta hapu Manetualain sama leo O fa, ou Manetualain, fo manafe do'o do ampon neu bei ela O hataholim nanahelek-kala, sala-singon. O ta mamanasas losa dodoon-na fa; nasafalin-na, O mamahoko matu'du O susue-lalaim fo too-lanen ta ndia.

ZEFANYA 3:13

Hataholi Israel fo bei elak-kala, neukose ala ta tao mangalauk seluk neu su'di see-a so'on; neukose ta lasapepeko-lasandandali so'on, ma ala ta tipu-dai boen. Neukose tetu-temak, ma so'da la'dak, boema ta lame'da bibii-namata'uk neu su'di see fa.”

ZAKHARIA 14:8

Nai faik ndia, neukose oe neuk-ka ana faa neme Yerusalem mai; oe ndia seli, ana faa leo Tasi Mates-sa neu, ma seli, ana faa leo Tasi Tala'dak neu. Neukose oe ndia, ana faa tunga teuk, nau nai fai oefak, do nai fai hanas boe.

ZAKHARIA 9:13

Neukose Au pake Yehuda da'di leo palani ta'tibatu-la kokoun-na, ma Israel da'di leo kokou isik, fo nahani ka'da po'in neu. Au pake laun Sion-na da'di leo tafaina; fo no tafaina ndia, neukose Au sapu-a hataholi Yunani-la.”

MATEOS 28:19

Hu ndia de meu leo basa leoina manai daebafa ka lala'ena, fo taos da'di Au ana mana tunga ngala. Salanis ninik Ama ka na'de na, Ana ka nade'na, ma Manetualain Dula Dale na na'de na.

HATAHOLI 11:15

Petrus kokolak nakandoo nae, nai lelek fo au mulai kokolak ae leondia, boema Manetualain Dula Dale na kona neu hataholi sila la, sama leo makahulu na ana da'di neu ita.

HATAHOLI 13:46

Tehu Paulus no Barnabas boetai lapani seluk, de ala kokolak no le'do-le'dok lae, “Memak Manetualain dede'a-kokolan muse nanananduku-nalosak nakahuluk neu emi. Tehu, hu ka nde emi ta nau sipo kana fa de emi nde maketu aom mae, emi ta mandaa sipo so'da matetu ka, ma mana ketu basa ta ka fa. Hu ndia de ami meu lo leoina fe'e kala meu.

HATAHOLI 16:9

Le'odaen ndia duas lai Troas, boema Paulus nita ninitak esa. Nai ninitak ndia dalek, Paulus nita hataholi Makedonia esa napadeik nai mata na, boema hataholi ndia noke nanseli, fo neu leo Makedonia neu, fo ana tulu-fali duas.

HATAHOLI 9:15

Tehu Lamatua ka nafa'da Ananias nae, “Ka'da mu leona! Nana Au hele basa hataholi ndia soaneu nalalau-naoono Au, ma ana tui-benga Au neu leoina fe'ek fo ala beita masok agama Yahudi a fa, ma neu mane-mane kala, boema neu Au hataholi kamaheheleng Israel ngala boe.

ROMA 10:20

Yesaya napalani nafa'da seluk nae, “Manetualain nae leo ia, ‘Hataholi fo ala ta sanga Au fa, tehu latongo lo Au so; ma Au atu'du Au ao nga neu sila fo ta latane la'eneu Au fa.’ ”

ROMA 11:12

Hu ka nde leoina Yahudi la lasala-lasingo ma ala ta tunga Manetualain hihii-nanaun fa, de Manetualain fe baba'e-papalan neu leoina fe'e kala. Lena-lenak metema leoina Yahudi la tututi-nanaton lo Manetualai na, malole falik; tao leo beeo Manetualain fes baba'e-papalak ba'ulena seluk bai!

ROMA 9:30

Da'di, dede'a ka isi na nde ia: Leoina fe'ek fo hataholi ta Yahudi la, ala ta sanga enok fo ela tututi-nanaton lo Manetualai na malole falik fa. Tehu hu ka nde lamahele de, Manetualai tao na sila tututi-nanaton lo nana, ana da'di malole falik.

1 KORINTUS 3:6

Au sele, ma Apolos tee, tehu Manetualain nde nakamomoli ka.

ULANGAN 32:2

Ela leo been-na, au nanoling-nga, ana kona samaleo u'dan-na, ma au hala-kokolang ana ti'ti sama leo dinis-sa, sama leo u'da ngginggitik-ka nai na'u lain, ma u'da matuaina nai bubu'u-palusa lain.

HAKIM-HAKIM 6:36

Boema, Gideon nafa'da Manetualain nae, “Manetualain, O mafa'da basa, mae O nau pake au soaneu soi-po'i hataholi Israel-la.