MIKHA 5:2 - Susula Malalaok Hehelu Palak Ma Hehelu Beuk

² Da'di, neukose Manetualain po'ilotak sila musun-nala koasa anan-nala, losa inak fo nananaketuk soaneu da'di manakoasa ndia inan, ana bongi-nan. Basa ndia soona, hataholi fo sila leoina esa, bei lai mamana tu'u-tapak, neukose Ana taos da'di esa loo sila leoinan-na.

MIKHA 5:2 Iomraidhean Croise

KEJADIAN 35:16

Basa ndia boema Yakob ma hataholin-nala la'oela Betel. Lelek ala bei lala dodoana faa neme Efrata mai te, Rahel fai na losa soaneu ana bongi. Tehu ana bongi nakalele'ok.

KEJADIAN 35:19

Mate Rahel boema, latoin nai enok manaleo Efrata neu a, su'un-na, fo besak ia na'de Betlehem.

KEJADIAN 48:7

Au tao dede'ak ndia soaneu Rahel fo o inam. Nai au leleo-lala'ong fo fali eme Mesopotamia mai a, o inam maten nai dae Kanaan-na, fo ta dook-ka neme Efrata mai fa, de au daleng-nga he'di nanseli. Au atoin nai naa, fo nai enok leo Efrata neu, su'un na.” (Besak ia lalelak Efrata nde Betlehem.)

KEJADIAN 49:10

Neukose Yehuda ho'u aitete'e nusak-ka, neukose tititi-nonosin paleta losa dodoon-na. Neukose leoina-kala leni bea mai, ma ala senek ma lakatele nai matan-na.

1 TAWARIKH 2:54

Salma fo napadedeik kota Betlehem-ma nde been-na hataholi Netofa, hataholi Atarot-Bet-Yoab ma hataholi Zori, fo nde leo-ingu esa neme leo-ingu ka 2-k fo manaleo manai Manahti-a, bei-ba'in nde ndia.

MAZMUR 132:6

Ita temanene la'eneu Peti Hehelu-balataan nai Betlehem, boema, hapun nai mook Yaar-ra.

MAZMUR 90:2

Lete-letek-kala beita nananakadada'dik, ma daebafak-ka beita nalupa daebafak fa, O nde Manetualain fo, manaketu basa tak, makasososan ta, ma mate'en ta.

KELUARAN 18:21

Tehu fe'ek neme ndia mai, o muse hele-ma touk manatee-tenok de'ubee, fo fes da'di malangan neu hataholi lifun esa, natun esa, limahulu, ma sanahulu. Hataholi sila-la, muse hataholi fo ala bii Manetualain, ma ala tunga Manetualain, hapu nananamahelek, ma ala ta nau sipo doi sosolo dalek fa.

KELUARAN 18:25

de ana hele-na, leoina Israel-la hataholi manatee-tenon de'ubee. Ana fes da'di mauli-malangan neu hataholi lifun esa, natun esa, limahulu, ma sanahulu.

YESAYA 11:1

Mane Dauk-ka, tititi-nonosin sama leo ai nanalo'o henik-ka so. Tehu sama leo ai nanalo'o henik ndia huun-na nape'du beu, leondiak boe, neukose manek esa ana to'da mai neme Dauk tititi-nonosin mai.

YESAYA 53:2

Manetualain nau, atan ndia sama leo nupuk-ka, fo ana moli nai dae tokotik. Ta hapu mana'ahiik, nai aopaan-na, fo ita meten fa; ta hapu hata esa fo nandaa, soaneu ita tahiik-kana fa.

YESAYA 55:4

Te'e-te'e, Au taon da'di mauli-malangan, ma malanga solda'du matuaina sakasii neme Au koasang-nga mai, soaneu leoinak-kala.

YESAYA 7:14

Besak ia, neukose Manetualain nde fe o ta'du-tana. Anafe'oana kailus esa, neukose ana bongi-na ni'iana touanak esa, fo ana foin na'de Imanuel.

YEREMIA 30:21

Manek fo ana paleta emi-a dada'din-na neme emi leoinam-ma mai. Neukose nanapo'i-lotak ana deka no Au metema Au aloon ana nasasale-matak no Au. Nana see kande ndia fo napalani nasasale matak no Au, nenik ndia hihi-nanaun mesan-na? Neukose emi da'di Au Anang-ngala ma Au da'di emi Manetualaim-ma. Au, Manetualain nde manamafa'dak ndia.”

HOSEA 6:3

Hu ndia de, mai fo ata sanga enok, soaneu te'e-te'e talelak Manetualain. Tao leo bee-o, neukose Ana mai leo ita mai, sama leo le'do-a tii mai, ma sama leo u'dan-na tao nakadoe daebafak-ka nai faik u'dan-na nate'e.”

AMOS 9:11

Manetualain nafa'da nae, “Neukose fain-na losa, Au tao-a Dauk nusan-na fo'a seluk. Besak ia, nusak ndia da'di sama leo uma fo ana tu'u neu so. Tehu neukose Au tao ahii papala nanadaman-nala, fo Au afofo'a falik-kana, fo ana da'di sama leo makahulun eli.

MIKHA 4:10

Hai laun Yerusalem-mala lemin, maule-mapo'de ma makadii-makadau sama leo ina manabongik-ka! Nana besak ia, emi muse la'oela kota, fo meu leo nai mook-ka. Emi muse meu leo Babel meu, tehu nai naa, neukose Manetualain po'i emi neme emi musum-mala mai.

ZAKHARIA 13:7

Manetualain Fo Manakoasa, nafa'da nae, “Fo'a leon, hai tafaina, fo sapu-ma manafoo fo naue-nale'di fe Au! Taomisan leona, soona neukose bi'ilopo-la tapasasala. Neukose Au sapu-a Au anang-ngala,

ZAKHARIA 9:9

Hai laun Sion-nala lemin, mamahoko-setelee leon! Hai laun Yerusalem-mala lemin, eeki-matadale leon! Mete leon! Emi Manem-ma, ana mai no matua-mademan! Ndia manek fo manatao tunga ndoo-matetun-na, fo maneni so'da-molek-ka. Tehu henuk no dale taidaek, ana losa ana sa'e keledei, keledei ana esa.

MATEOS 2:1

Bongi Yesus nai kota Betlehem, nai nusa Yudea nai lelek Mane Herode sa paleta. Nai lelek ndia, hapu hataholi malela nduuk telu leme dulu mai fo ala leo Yerusalem leu.

MATEOS 2:6

‘Hai, basa hataholi manai Betlehem, fo nai nusa Yehuda, Ade o nusa ma, ta nusa anak nanseli fa, Nanahu neme o hataholi mala dalek, neukose mauli-malangan esa, nanabongik, fo nasulu-nahapa Au hataholi Israel ngala.’ ”

MATEOS 28:18

Boema Yesus neu nangatuuk deka nos de nafa'das nae, “Basa koasa manai nusa so'da ka ma manai daebafa ka nanafe basak neu Au so.

LUKAS 23:2

Ala losa ndia boema, ala mulai kalaa kana lae, “Ami hapu ma Hataholi ia tao na lau nala latofa-latalak. Ana dudungu-papau hataholi la fo ala boso bae bea leo Kese la neu, nana nafa'da nae, Ndia nde bee na ami Mane ma, Manek Mana Fe So'dak fo Manetualain helu ka.”

LUKAS 23:38

Nai Yesus ai nggange na nisi lai na ala sulak dede'a ka nde ia nae, “Hataholi Yahudi la Mane na nde Ia.”

YOHANIS 7:42

Nana, nanasulak nai Susula Malalaok dale nae, Mane Mana Fe So'da ka nde bee na, Dauk tititi-nonosin, boema neukose Ana mai neme Dauk nggolo-ta'dun, fo Betlehem dei.”

ULANGAN 1:15

Hu ndia de, nai mauli-malangan fo emi helek sila-la dalek, au hele hataholi de'ubee manatee-tenok, ma ha'da-paliin malole, fo au so'us da'di emi mauli-malangam. Sila de'ubee, da'di mauli-malangan neu hataholi lifun esa, ma nggelok lauli-lalanga hataholi natun esa, nggelok lauli-lalana hataholi 50, ma nggelok lauli-lalanga hataholi 10. Au so'u mauli-malangan fe'ek boe, fo ala ito-ato emi leom-ma.

KOLOSE 1:17

Basa hata lala'ena beita da'di fa te, Kristus da'di nakahuluk so. Ma hu ka nde de, basa hata lala'e na, esa-esak neu mamana na.

IBRANI 13:8

Yesus Kristus sama nahele, nau makahulu na, besak ia, ma losa dodoo na.

IBRANI 7:14

Basa hataholi la, ala bubuluk lae ita Lamatua na da'di neme leoana Yehuda mai; ma Musa ta la'iesa fo ana seseik leoanak ndia, nai lelek ana kokolak la'eneu imam-imam mala.

1 YOHANIS 1:1

Susulak ia isi na la'eneu, dede'a-kokolak mana fe maso'dak ndia hapun te, daebafak ia beita da'di fa. Ami mamanene matam, dede'a-kokolak ndia. Ta ka'da ami mita fan, te ami ho'u la'en so boe.

NINITAK 19:16

Nai ba'du manalu na, ma nai puu na nanasulak na'de ka nde ia, “Manek nai basa manek lala'ena.”

NINITAK 2:8

“Neu ata nusa so'da salanik manai Smirna la, sulakman leoiak: Ia nde hala heheluk neme Ndia fo makasososak ma mate'ek – fo manamate basak ma naso'da falik.

NINITAK 21:6

Boema Ana kokolak nae, “Basa so! Au nde Alfa ma Omega, fo makassososak ma mate'ek. Au nde Lamatuak neme Makasososak ma Makabuik. Basa hataholi mana maa ma'da kala, neukose Au fes linu hiik neme oe mata fo manafe maso'da ka.

HAKIM-HAKIM 17:7

Nai lelek ndia boe, hapu ta'eanak esa neme leo Lewi-a mai. Makahulun-na, ana leo neme Betlehem, nai nusa Yehuda.

RUT SUSULAN-NA 1:1

Nai tepo-lelek makahulun eli, Israel beita nanuu manek esa boen, te la'a-ndoes nai Kanaan. Nai lelek ndia, hapu touk esa na'de Elimelekh, neme leo-ingu Efrata mai, de ana leo nai kota Betlehem-ma, nai nusa Yehuda. Hu kande la'a-ndoes ndia, de no saoinan Naomi, ma ana toun duas, fo nde Mahlon ma Kilyon leu leo nusa Moab-pa leu. Boema ala leo leme naa. Lelek ala lei lai naa boema,

RUT SUSULAN-NA 4:11

Boema lasi nggolok-kala ma hataholi manai sila-la lae, “Hei, ami sakasii. Sa'di leo been-na, Manetualain tao o saoinam ndia da'di sama leo Rahel ma Lea fo manabongi fe Yakob anak makadotok-ka. Sa'di leo been-na, o mamasu'i nai leo Efrata hataholin-nala tala'da, ma sa'di leo been-na, o nananita-nalelak nai Betlehem.

SEMUEL SUSULAK-KA ESAN-NA 10:19

Au soi-po'i emi neme basa doidosok ma honggu'uk lala'en-na mai so, tehu besak ia, emi ta sipok Au, fo emi Manetualaim-ma fa, nanahu emi moke, fo ela Au atu'du fe emi manek esa. Nah, malole so, de makabubua nai Au, fo emi Manetualaim Manakoasam-ma matan, tunga emi esa-esak leon.’ ”

SEMUEL SUSULAK-KA ESAN-NA 17:12

Dauk nde been-na Isai anan, fo hataholi Efrata, neme Betlehem nai Yehuda mai. Isai anatoun falu, ma nai tepo-lelek Saul paleta, Isai namalasi nanseli so.

SEMUEL SUSULAK-KA ESAN-NA 17:18

Boeo, meni fe malanga solda'du-a, keju balek sanahulu nde ia. Matanen, o ka'am-mala leo beek, fo meni fe au buti, mae o matongo moos so, de bei so'da-molek-kala.

SEMUEL SUSULAK-KA ESAN-NA 23:23

Da'di, palisak besa-besa no basa leak fo ana ke'ke hai neme dalek so, soona fali ma'im-ma leo ia mai, fo mafa'da au. Fo ata teu sama-sama, fo metema bei nai nggolok ndia soona, tao leo bee-o, neukose au sangan, leomae au muse sanga okofefeok Yehuda lala'en-na boe!”

SEMUEL SUSULAK-KA ESAN-NA 8:12

Ana so'u nggelok da'di malanga solda'du matuaina neu solda'du lifun esa, ma nggelok nalanga solda'du limahulu. Neukose manek ndia nakaseti emi foi-fala tinan-na, pe'da-fua ndia keketu-kokolun buna-boan, tao tafa-sisilo ma kaleta musun-nala taka-besin.