MIKHA 5:13 - Susula Malalaok Hehelu Palak Ma Hehelu Beuk

¹³ Dewi Asyera lutu batu sosongon manai emi nusam-ma, neukose Au ta atu'un, ma emi kota-kota makota musum-mala, neukose Au tao akalulutuk-kasa

MIKHA 5:13 Iomraidhean Croise

YESAYA 2:18

Neukose mopo makandondook sosongo-tatangok-kala.

YESAYA 2:8

Nai mamanak lala'en-na, hapu sosongo-tatangok, ma ala doki-dulak aon dodoki-dudulak, fo ala sene-do'ok neun.

YESAYA 27:9

Tehu, Israel sala-singon-nala, ka'da hapu do'o do ampon neun, mete ala loli lakalulutuk lamatua daebafak-kala, sama leo ha'o-a. Basa boomenik, ma lamatua daebafa Inak Asyera dulan-na, muse nanatao nakalulutuk boe.

YESKIAL 16:41

Neukose, ala hotuheni o umam-mala, ma ladenu basa inak-kala, mete o huhukum-ma. Neukose, Au tao ate'e o sosoa-piaom, nenik enok ndia. Neukose, o ta baba'e fe o tou susue-lalaim-mala, bua palsen so'on.

YESKIAL 36:25

Basa ndia soona, neukose Au pisi oe neuk neu emi, fo ela emi malalaok neme basa emi sosongo-tatangom lala'en-na mai, ma neme basa hata lala'en fo, manatao nanggenggeo emi.

YESKIAL 37:23

Neukose, ala ta tao langgenggeo seluk aoinan-nala, nenik ala tao sala-singok, ma sene-do'ok neu sosongo-tatangok fo, nanamaluak ndia so'on. Neukose, Au soi-po'is leme mamanak fo ala tao sala-singok-ka mai, nalosa ala mulai lalelesi Au. Neukose Au tao alalaos, fo ala da'di Au anang, ma Au da'di sila Manetualain.

YESKIAL 6:9

nai naa, ala laso'da nai mamana tu'u-tapak dalek. Boema, neukose ala lafandele neu Au, boema ala bubuluk, lae Au huku sila, ma Au akamumulu-akamamaek sila, nana sila dalen-nala, ta lilineka loo Au fa. Ala la'oela Au, de ala hele sosongo-tatangok-ka nggati Au so. Boema, neukose ala malua seluk aoinan-nala, nanahu basa tatao-nono'i mangalaun lala'en-na, ma tatao-nono'i ta kandaan-nala fa.

HOSEA 10:2

Hataholi fo dalen-nala ta ndoos sila-la, besak ia ala muse lu'a-lepa sala-singon-nala buna-boan. Neukose Manetualain tao nakalulutuk sila mei tunu-hotun-nala, ma Ana ofe heni sila lutu batu sosongon-nala.

HOSEA 14:3

Fali me'um-ma leo Manetualain meu leona, fo manduku-malosak hule-haladoik ia, da'di leo emi tutunu-hohotum neu Manetualain nae, “Manetualain, fe do'o do ampon neu ami sala singom lala'en-na, ma sipo-ma ami hule-haladoim ia, soona neukose ami koa-kio O, sama leo ami hala hehelum-ma.

HOSEA 14:8

Neukose, ala fali ma'is leo Au mai, fo ala leo nai Au nasulu-nahapang dale. Neukose so'dan-nala, boetai da'di tetu-temak, sama leo gandum-ma moli nai tina maoe-maisik-ka, ma sama leo osi angol-la. Na'den-nala nanakoa-nanakiok, sama leo oe angol Libanon-na.

NAHUM 1:14

Manetualain nakeketun la'eneu leoina Asyur-ra nde ia: “Neukose ketu sila tititi-nonosin fo sila tititi-nonosin, ta lamade'u-lamaba'u fa. Neukose Au tao akalulutuk dodoki-dudulak sosongok manai lamatua daebafan-nala uman dale. Au sadia basa leoina Asyur-ra bolo mamaten-na so, nana sila ta landaa laso'da fa!”

ZEFANYA 1:4

Neukose Au huku Yerusalem ma Yehuda laun-nala lala'en-na. Bei ela hataholi fo ala sene-do'ok neu Baal-la, neukose Au tao amopo-amates leme mamanak sila-la mai. Neukose, lafandele heni imam-imam fo lalalau-laoono Baal-la.

ZAKHARIA 13:2

Nai faik ndia, neukose Au lose heni sosongo-tatangok-kala na'den-na, neme dae ia mai, nalosa ta hapu hataholi esa boen, bei nafandelen bai. Neukose, Au usi heni basa hataholi fo ana manaku aoinan-na nabi, sama-sama loo sila fo duladale mangalauk-ka koasan-nalas.

NINITAK 9:20

Tehu ela hataholi fo susa soe katelu kala ta taolisa fas ala, ala ta nau hahae tao batu sosongo-tatangok. Ala ta hahae sene-do'ok neu dula dale mangalau kala ma songo-tango lilopilas, lilofulak, liti, batu ma ai, fo ta hapu lita do lamanene, do la'ok boen.

HAKIM-HAKIM 18:17

Tuti'ka mata-mata ka limak sila-la leo uma dale leu, de ala ho'i-la dodoki-dudulak nakadiditak lilofulak ndia, sama-sama no dodoki-dudula fe'ek-kala, ma Tema Babaa Fanak-ka. Ta'eanak Lewi ndia, bei napadeik no solda'du natu ka 6-k sila-la, nai lelesuina.