MIKHA 4:8 - Susula Malalaok Hehelu Palak Ma Hehelu Beuk

⁸ Ma o Yerusalem, mamanak fo Manetualain nanea anan-nala, sama leo manafoo nanea bi'ilopon-nala, neukose o da'di falik o nusam-ma polon-na, sama leo makasososan-na.

MIKHA 4:8 Iomraidhean Croise

KEJADIAN 35:21

Basa ndia boema, Yakob la'ok nakandoo, boema napadedeik lalaa teman-na nai mamanak esa nai uma puni madema Eder-ra selik.

2 SEMUEL 5:7

Boema, Dauk nafa'da solda'dun-nala nae, “Ade, hapu hataholi nai ia, nape'da dale nasak hataholi Yebus-sala, sama leo au ta ahiik-kasa boen do? Ta nahiik-kasa dai so, nalosa nahiik nanseli taonisas do? Metema leondiak soona, ata masok tunga oe lolok dale, fo ata sapu-ta, hataholi ei helak-kala ma hataholi pokek fo au ta ahiik-kasa sila fa.” (Hu ndia de, hataholi-la lafa'da lae, “Hataholi pokek ma hataholi ei helak, ta bole masok Manetualain Uman-na fa.”) Dauk hapu loso-na kota musu Sion-na, de nangatuu-nan. Ana foin na'de, “Kota Dauk” Kota ndia, napadeik nai kota musu ndia boboa kaisun, mulai neme pupukuk fo po'a lamademan nenik dae-a, boboan dulu.

MAZMUR 24:7

Soi mamaloa lelesuina palaak dooinak-ka, fo ela Manek mandela-masa'ak-ka Ana masok.

MAZMUR 48:3

Sion, fo Manetualain pupukun-na, namadema mana'ahiik, Mane Matua-madema kotan-na, tao namahoko daebafak-ka lala'ena.

MAZMUR 61:3

Dook-ka neme uma mai, au aloo bou-bou neu O, nanahu ketu au namahehenang-nga. Neukose O moo au leo mamana nalaik fo nee-nee lino-linok, mamanak fo mademaina nanseli ba'eneu au;

KIDUNG AGUNG 4:4

O botolim-ma, sama leo Dauk uma puni mademan-na fo nananafo'ak soaneu pe'da tafa-sisilo. O henum-ma, sama leo babaa fanak lifun esa, basa palani ta'tibatu-la aitete'en-nala.

YESAYA 1:26

Neukose Au fe seluk emi manakee-manafula, ma manamanoli-mafa'dak sama leo makahulun-na. Soona neukose Yerusalem nanafoik na'de kota fo, ndoos ma matetuk, ma manalilinekak.”

YESAYA 10:32

Faik ia, musunok-ka nai kota Nob-pa, de nai naa, ala kukumu liman-nala lasale leo Pupuku Sion-na, ma leo kota Yerusalem-ma neu.

YESAYA 5:2

Ana foi daen-na de ana tu'u heni batun-nala. Ana sele angol nanahehelek neun ana tao lalaa naneak Ana kali-na, bolok esa soaneu mamana hehe'e angon-na, boema nahani boan-na namalatu, tehu angol-la, boan-na makeis.

DANIAL 2:44

Nai lelek manek sila-la paleta, Manetualain manai nusa so'dak-ka, neukose napadedeik nusak esa fo neukose nakatatakak losa dodoon-na, ma neukose leoina bee boe ta hapu sengi fan. Nusak ndia neukose tao nakalulutuk basa nusa fe'ek sila-la lala'en-na.

DANIAL 7:18

Tehu Manetualain Fo Mademaina, anan-nala neukose sipo hak soaneu paleta ma paletan-nala neukose lakatatakak losa dodoon-na.”

OBAJA 1:21

Yerusalem laun manasengin-nala, neukose leu sapu-la Edom, fo ala sengin. Soona Au, Manetualain neukose paleta da'dileo manek.”

MIKHA 2:12

Manetualain nafa'da seluk nae, “Hai hataholi Israel fo bei elak-kala lemin! Neukose tao leo bee-o, Au tao akabubua emi, fo Au tao-a emi da'di esa, sama leo bi'ilopo-a fali leo lalaen-na neu. Sama leo mook fo henuk no bi'ilopo-a, leondiak boe emi nusam-ma, neukose henu seluk-kana no hataholi makadotok.

ZAKHARIA 9:10

Manetualain nafa'da nae, “Neukose Au tu'u-tapa heni kaleta-kaleta musu manamaik leme Efraim mai, neukose, Au tao amopo-amate ndala manai Yerusalem mala, ma neukose Au tao akalulutuk basa kokouk lala'en-na Neukose emi Manem-ma po'a-benga mole-dame neu leoina no leoina. Neukose, ana koasa neme tasi leo tasi neu, neme Lee Efrat-ta, losa daebafak-ka bu'un-nala.”

ZAKHARIA 9:12

Fali leon, hai hataholi nanafook-kala lemin, besak ia, emi manuu namahehenak so. Fali me'um-ma leo emi mamana nasulu-nahapam meu, Neukose Au ba'e-pala ahele emi. Mamanene leona: Neukose Au ba'e-pala emi diku la'i dua nanahu basa doidosok lala'en, fo emi la'ola'din.

ZAKHARIA 9:9

Hai laun Sion-nala lemin, mamahoko-setelee leon! Hai laun Yerusalem-mala lemin, eeki-matadale leon! Mete leon! Emi Manem-ma, ana mai no matua-mademan! Ndia manek fo manatao tunga ndoo-matetun-na, fo maneni so'da-molek-ka. Tehu henuk no dale taidaek, ana losa ana sa'e keledei, keledei ana esa.

BILANGAN 24:19

Manakoasa esa, neukose to'da mai neme Yakob mai, fo ana tao namopo-namate musun-nala.”

MATEOS 21:33

Boema Yesus nafa'das nae, “Mamanene seluk nakandandaak esa ia bai, dae lamatuak esa, ana sele osi angol esa. Ana pa'a feon, ma ana kali na bolok esa fo ala ka'bi ango la, oe na leo dalek neu, mate'e na, ana tao na lopo naneak esa. Basa ndia boema, ana fe osi angol ndia neu hataholi mana'a ngga'di nala seban, de ana la'o leo nusa fe'ek neu.

MARKUS 12:1

Basa boema, Yesus mulai kokolak no malanga ima mala, mese agama la, ma lasi-lasi Yahudi la ninik nakandandaak. Yesus nafa'das nae, “Hapu hataholi esa ana sele angol neu osi esa dalek, boema ana pa'a feon. Basa ndia boema, ana kali bolok fo ana tao mamana kaka'bi ango la neu ndia. Boema ana tao na uma lopo naneak esa. Basa ndia boema, ana fe osi angol ndia neu manaso'u belak de'ubee fo ala seban, boema ana la'o leo nusa fe'ek neu.

EFESUS 1:21

Kristus nangatutuun ndia, dema lenaheni basa mana paleta lala'e na, basa mana koasa lala'ena, basa mauli-malangan lala'ena, basa malangan lala'e na, ma su'di see fo, ana hapu nangatutuu madema lala'e na; nau mana maso'dak nai le'do fai besak ia, do nai le'do fai mana mai ka boe.

NINITAK 22:5

Neukose ala ta paluu banuk do le'do haa na fa, nana le'odaek ta so, ma Amak Manetualain mesa kana nde nasala nalas. Neukose ala paleta da'dileo mane ka losa dodoo na.