MIKHA 4:6 - Susula Malalaok Hehelu Palak Ma Hehelu Beuk

⁶ Manetualain nafa'da nae, “Neukose fain-na losa, Au tao akabubua Au huku hataholi-la, fo nde sila manadoi-dosok nai mamana tu'u-tapak.

MIKHA 4:6 Iomraidhean Croise

MAZMUR 147:2

Neukose, Manetualain tao nabebeu Yerusalem; neukose, no falik hataholi nanatu'u-tapak-kala.

MAZMUR 38:17

Boso po'ilotak au musung-nga namahoko nita au susang-nga, boso po'ilotak ala kokolak bafalouk metema lita au kosik.

YESAYA 56:8

Manetualain Fo Mademaina, fo no falik hataholi Israel-la, neme mamana ookak-ka mai, nafa'da nae leoia, “Neukose Au o hataholi fe'ek-kala mai, fo ala da'di esa lo sila fo, nanatao nakabubua basak-kala so.”

YEREMIA 3:18

Neukose, Israel nakabubua no Yehuda, fo ala mai sama-sama leme nusak fo, mamana ookak-ka nai boboak kii Neukose, ala fali ma'is leo nusak fo, Au fe basan neu o bei-ba'i kaim-ma, da'di leo dae pusaka.”

YEREMIA 31:8

Au o falik-kasa neme kii mai; Au tao akabubuas neme daebafak-ka pe'dak leo pe'dak neu. Hataholi pokek-kala ma hataholi lu'uk-kala neukose ala tunga los, boema inak fo manabongi beuk-kala, ma inak kaiulis fo deka bobongik-kala boe. Sila basa-basas neukose ala fali ma'is te dede'un-nala mafandiknan lo nusak ia mai.

YESKIAL 36:24

Neukose Au tao akabubua emi, neme basa leoina ma nusak-kala mai, fo Au o falik emi leo emi dae-ma meu.

MIKHA 2:12

Manetualain nafa'da seluk nae, “Hai hataholi Israel fo bei elak-kala lemin! Neukose tao leo bee-o, Au tao akabubua emi, fo Au tao-a emi da'di esa, sama leo bi'ilopo-a fali leo lalaen-na neu. Sama leo mook fo henuk no bi'ilopo-a, leondiak boe emi nusam-ma, neukose henu seluk-kana no hataholi makadotok.

ZEFANYA 3:19

Neukose fain-na losa, Au tao akalulutuk hataholi manatuni-ndeni emi-a, ma Au fe hataholi ei helak-kala maso'dak. Au hela-nole falik, basa hataholi nanatapa henik-kala. Au tao asafali matasi'da-matasain-nala, da'di maha'da-holomatak; su'di nai bee boe, nakalenak nai basa daebafak-ka lala'en-na, neukose sila nananamatutua-namadedemak ma nanakoa-nanakiok.

LUKAS 19:10

Ana Hataholi ka Ana mai soaneu sanga ma soi-tefa hataholi manala'ok sala eno ka.”

YOHANIS 10:16

Boema Au bei anuu bi'ilopo fe'ek boe, tehu bi'i sila ta lakabubua lo bi'ilopo bubuak ia fa. Au muse u foo falik bi'i sila la boe, fo daenga lalelak Au hala nga. Neukose basa bi'i sila la, ala da'di ka'da bubuak esa, boema manafoo ka'da esa boe.